DÍA MUNDIAL SEN TABACO

 Hoxe, 31 de maio, conmemórase o Día Mundial Sen Tabaco. Con tal motivo, e no marco do Proxecto de Prevención de Condutas Aditivas dos Concellos de Barro, Campolameiro, Cuntis, Moraña e Portas, queremos sumarnos á Organización Mundial da Saúde (OMS), co fin de resaltar os riscos do tabaquismo, para reducir o inicio no seu consumo e fomentar o abandono entre as persoas fumadoras.

O lema e o manifesto deste ano 2024, céntrase na protección da xuventude, demandando que a industria tabaqueira cese de dirixirse a este grupo con produtos nocivos para a saúde:

Protexe aos nenos e nenas da industria tabaqueira.

 Desde o Proxecto no que participamos, facilitan o xogo " TABACO, canto sabes?" co que comprobar os nosos coñecementos sobre o tabaco e produtos relacionados.

 

CONTADA POLA IGUALDADE

Na mañá de hoxe estivo no centro "Manuela Contacontos" para desenvolver unha intensa e interesante xornada de contacontos na que participou todo o alumnado do centro.

O espectáculo está baseado nos libros de Raquel Díaz Reguera: "¿Hay algo más aburrido que ser una princesa rosa?" e "Cuando las niñas vuelan alto" e o seu obxectivo é o de promover a igualdade e a busca da identidade persoal en nenos e nenas. 

 

Moitísimas grazas!!

PASANDO A BOLA coa XANELA DO MAXÍN

 Na mañá de onte estivo no centro a compañía A Xanela do maxín para escenificar o espectáculo "Pasando a bola" baseado no libro A banda dos insectos de Celtia Figueiras. Contou ademais coa fabulosa e inestimable colaboración de magníficos actores e actrices que se presentaron voluntariamente entre o alumnado de 5º e 6º curso.

 

 

Moitísimas grazas!

 

ACOMPAÑAMENTO LECTOR

 O pasado venres todo o alumnado do centro participou nunha xornada conxunta de lecturas compartidas. Padriños lectores e madriñas lectoras de 3º, 4º, 5º e 6º de Primaria achegáronse ao alumnado máis novo de Infantil e 1º Ciclo de Primaria para gozar dunha "Hora de ler compartida".

Fermosísima mañá para esta gozosa actividade!

 

Moitísimos parabéns!!

RESOLUCIÓN DO CONCURSO "AS VERBAS QUE CONTAN 2024"

O Concello de Barro, ao través da OMIX e Biblioteca Pública, vén de publicar a resolución do concurso AS VERBAS QUE CONTAN 2024 convocado no marco da conmemoración das Letras Galegas e que contou cunha altísima participación entre o noso alumnado.

A relación das obras gañadoras e finalistas do alumnado do noso centro é a seguinte:

PROSA (CONTOS)

• Categoría 1º e 2º Primaria

Gañadora:  "O trasno que converteu á avoa" de Alexandre Gil Outeda (2º)

Finalista: "O pastel" de Daniela Núñez Chaves (2º)

Diplomas:

"O ladrón de fariña"  obra colectiva de 1º B

"O cocodrilo amable" de Asier Rey Bea (2º)

• Categoría 3º e 4º Primaria

Gañadora: " O gato da lúa" de Elba do Carme Güimil Castro (4º B)

Finalista: "O panda e o paporroibo" de Carmen Vázquez Viqueira (3º B)

Diplomas:

 

"Unha sorpresa inesperada" de Iria Casalderrey Magdalena (3º B)

 

"As lendas da selva australiana" de Mariña Frieiro Silva (4º B)
 

• Categoría 5º e 6º Primaria

Gañadora: "Constelacións" de Jorge Pereira Santiago (6º B)

Finalista: "Un neno valioso" de Breixo Oubiña Escudeiro (5º B)

Diploma: 

"O soño de Emma" de Leire Rodríguez Sabarís (5ºB)

 

VERSO (POESÍA)

• Categoría 1º e 2º Primaria

Gañadora: Caligrama " A señorita xoaniña" obra colectiva de 1º A

 

Finalista: Acróstico "Ler" de Helena Sabarís Magariños (1ºB)
 

• Categoría 3º e 4º Primaria

Gañadora: Caligrama "Clave de sol" de Mariña Frieiro Silva (4º B)

 

Finalista: Acróstico "Ouro" de Sara Landín Castiñeira (4º A)

 

Diplomas: 

 

Acróstico "Ámote" de Zoraima Fabeiro Jiménez (4º A)

 

Acróstico "Auga" de Leo Torres Fandiño ( 4ºA)
 

• Categoría 5º e 6º Primaria 

Gañadora: Acróstico "Morriña" de Raúl Barreiro Galbán" (6º B)

Finalista: Haiku "O mar" de Jorge Pereira Santiago (6º B)

Diplomas:

Acróstico "Verán" de Noa González Sabarís (6º B)

Acróstico "Gato" de Uxío Pérez Fontán (6º A)

 

Moitísimas grazas a todas as persoas participantes!!!

 

Moitísimos Parabéns a todas as persoas galardoadas!!! 

 

 

O acto de entrega dos premios e diplomas, xunto coa lectura das obras premiadas e finalistas, terá lugar o vindeiro sábado día 18 de maio ás 12:00 horas na Nave da Música.

Animádevos a asistir!!!

LUISA VILLALTA. LETRAS GALEGAS 2024

Con motivo da conmemoración das Letras Galegas este curso escolar, alumnado e profesorado do centro prepararon gravacións de vídeo coa biografía da homenaxeada, a escritora e música Luisa Villalta.

Velaquí o primeiro destes vídeos.

Feliz Día das Letras!!!

DÍA DE EUROPA 2024

O CEIP Amor Ruibal celebrou hoxe o Día de Europa con dous magníficos recitais conmemorativos a cargo do alumnado de 6º de Primaria, que interpretou o Himno da Alegría de Beethoven, que é o Himno Europeo.

Momentazos musicais que fixeron as delicias de todo o alumnado e profesorado, que seguiu con moito entusiasmo e atención as actuacións.

As mozas e mozos de 6º de Primaria foron tamén as que deseñaron e adornaron o escenario cun artístico e colorido mural.

 

  

 

MOITÍSIMAS GRAZAS!!!

MOITÍSIMOS PARABÉNS!!!

FELIZ DÍA DE EUROPA!!!

 

XV PREMIO MIMI

 O alumnado de 5º de Primaria presentou na Biblioteca ante todo o alumnado e profesorado as candidaturas para o XV Premio MIMI que o noso centro concede a persoas ou entidades destacadas polo uso, defensa e difusión da lingua galega.

Este ano as candidaturas son as seguintes:

1. Fillas de Cassandra
2. Fina Casalderrey
3. Neeumatiko
4. Olaxonmario
5. Pakolas
6. Paula Carballeira
7. Uxía Lambona e a banda molona
   

Na mañá do martes tivo lugar unha emocionante e intensa xornada electoral, na que alumnado e profesorado emitíu o seu voto.

Tralo escrutinio coñecemos a candidatura gañadora que resultou ser ...

UXÍA LAMBONA 

E A BANDA MOLONA!!!

Moitíiiisimos Parabéns!!!

E... moitísimas grazas a todas as persoas e entidades que ano tras ano apoiades e colaborades con nós para manter vivo este fermoso proxecto !!

No seguinte vídeo podedes ver un breve resumo,

OBRADOIROS SOBRE ACOSO ESCOLAR

No marco da conmemoración do Día Internacional contra o Acoso Escolar e ao través da Fundación Amigos de Galicia, desenvolvéronse hoxe no centro escolar uns interesantes obradoiros, nos que participou con moita atención o alumnado de 4º, 5º e 6º de Primaria.

Moitísimas grazas!!!

VISITAMOS A BIBLIOTECA PÚBLICA

 No marco da conmemoración do Día do libro, todo o alumnado de Infantil e Primaria participou nas actividades que para a ocasión organizaron na Biblioteca Pública de Barro.

Contacontos, xogos de pistas con manexo de información, ademais de entretidos xogos fixeron as delicias do noso alumnado ao longo desta semana.

Moitísimas grazas!