O alumnado de 3º, 4º e 5º de Primaria gozou hoxe do contacontos musicado e ilustrado Un día para as letras, centrado na vida e obra de Francisco Fernández del Riego, autor homenaxeado nas Letras Galegas 2023.
A actividade, promovida pola Deputación de Pontevedra coa colaboración do Concello de Barro, foi desenvolvida por Quique e Carlos, do equipo creativo de Polo Correo do Vento, e o músico Antón Ke, moi ben acompañado pola súa pulguiña cantareira (o ukelele).
O alumnado prestou moitísima atención e foi quen de debuxar unhas boísimas caricaturas de Paco del Riego, baixo a maxistral guía do ilustrador.
Moitísimas grazas!!!
Ningún comentario:
Publicar un comentario