Blog dos Equipos de Biblioteca e de Dinamización da Lingua Galega do CEIP Amor Ruibal. San Antoniño, Perdecanai. 36194 - BARRO (Pontevedra - Galicia)
No día de hoxe, o alumnado de 2º e 3º de Primaria, dentro do proxecto anual de centro, visitou a Catedral de Santiago de Compostela.
Aproveitaron a mañá para coñecer a historia da catedral e para ter unha perspectiva diferente da mesma, subindo aos seus tellados.
O mes de marzo é de moita actividade na Biblioteca do noso centro.
Durante os recreos tivemos ocasión de aprender coas lecturas de diferentes biografías de mulleres relevantes en distintos campos da ciencia, do deporte ou da arte.
Coa actividade "Venres de conto" a cativada de infantil gozou de contacontos impartidos por nenas de 6º curso do equipo de voluntariado da biblioteca: Maruxa de Eva Mejuto e Mafalda Milhoes, Dona Carme de Manuel Bragado e Pepe Carreiro, Os petos de Loreto de Quentin Blake, Iriña bailarina de Cristina Rodríguez e Paloma Justo foron os títulos que prepararon para eles.
Dentro do proxecto "As familias contan" dúas mamás das aulas de 1º de Primaria colaboraron coas titoras para preparar unha narración sobre a igualdade: "Vanesa non quere ser princesa" do escritor Xosé A. Perozo e ilustrado por Jaime Asensi, publicado por Auga editora.
Quedou testemuña no blog de 1º e 2º de Primaria:
http://amorruibalprimeirociclo.blogspot.com/2022/03/blog-post.html
Moitísimas grazas a todas pola vosa colaboración!
A igualdade conta!
O Concello de Barro vén de convocar ao través da OMIX e da Biblioteca Pública o concurso "AS VERBAS QUE CONTAN" no marco da conmemoración das Letras Galegas 2022.
A convocatoria deste ano ten como novidade o tipo de composicións literarias a presentar: en prosa (contos ou microrrelatos) e en verso (acrósticos, caligramas ou haikus).
No marco da conmemoración do Día Mundial da Síndrome de Down (21 de marzo), o alumnado da unitaria de Curro e do noso colexio asistiu hoxe na Nave da Música a unha sesión de cine desenvolvida en tres pases diferentes. A actividade, organizada e promovida polo Concello de Barro a través de Festivaliño on the road, consistiu na proxección da película Valentina, dirixida por Chelo Loureiro e gañadora dun Goya.
Foi unha magnífica oportunidade para visibilizar a diferenza e promover a diversidade, a tolerancia, a igualdade e a inclusión plena e real de todas as persoas.
Pasámolo pipa!!!
Moitísimas grazas!!!
Para conmemorar hoxe o Día da Poesía, o alumnado de Infantil e Primaria creou fermosos poemas que compartiron a través de vistosos murais nos corredores do colexio e emotivos recitais poéticos celebrados ao aire libre.
Moitísimos Parabéns, artistas!!!
Hoxe, o alumnado recibiu uns bonitos puntos de lectura pola súa grandísima e boísima participación no xogo de pistas "Do 8 ao 18" sobre a vida e obra de 7 MULLERES GALEGAS CON MOITA ARTE!: Aroa Outón, Bea Gregores, Marica Campo, Aida Saco-Beiroa, Margarita Ledo, NANA (Diana Rodeiro) e Isabel Risco.
BRAVÍSIMAS!!!
Para coñecer á artista que homenaxeamos hoxe premede na seguinte ligazón:
https://drive.google.com/file/d/1n1Vl-JxOhVfC9cOuHKTGGqtsCfZQ5Qc6/view?usp=sharing
Tamén podedes acceder á información escaneando este código QR:
Para coñecer á artista que homenaxeamos hoxe premede na seguinte ligazón:
https://drive.google.com/file/d/1F4Fy0gmo1JULjrJyin2QoXZpsAxb-unl/view?usp=sharing
Tamén podedes acceder á información escaneando este código QR:
Para coñecer á artista que homenaxeamos hoxe premede na seguinte ligazón:
https://drive.google.com/file/d/1YycA2Q74sx8-Pd7ZEE1I-IQvCG9YA1-L/view?usp=sharing
Tamén podedes acceder á información escaneando este código QR:
Para coñecer á artista que homenaxeamos hoxe premede na seguinte ligazón:
https://drive.google.com/file/d/1S1iAUrVXffzzKg6s98RWBPKOQCX30y3d/view?usp=sharing
Tamén podedes acceder á información escaneando este código QR:
Dende hoxe ata o 27 de marzo poderemos gozar do XXIII Salón Internacional do Libro Infantil e Xuvenil de Pontevedra con múltiples e variadas actividades culturais baixo o lema CON MOITA ARTE! no que, precisamente, nos baseamos para desenvolver o noso xogo de pistas "Do 8 ao 18: Mulleres Galegas con Moita Arte!".
O fermoso cartaz deste ano foi deseñado pola ilustradora viguesa Bea Gregores, sendo Marica Campo a escritora homenaxeada.
Para coñecer á artista que homenaxeamos hoxe premede na seguinte ligazón:
https://drive.google.com/file/d/1lWAeWBf5k3x7dSSJ4Q04VeaAzhYAyNyb/view?usp=sharing
Tamén podedes acceder á información escaneando este código QR:
Para coñecer á artista que homenaxeamos hoxe premede na seguinte ligazón:
https://drive.google.com/file/d/1eioxRwVMz_EiQYKg9zEabzlsp_YQg39k/view?usp=sharing
Tamén podedes acceder á información escaneando este código QR:
Este mércores 9M homenaxeamos a unha artista. Para saber quen é (o seu nome) e cal é o seu oficio preme na seguinte ligazón:
https://drive.google.com/file/d/1HccuXpBNlmK1iffvaeoPuXur5ca4IGDH/view?usp=sharing
Tamén podedes acceder á información escaneando este código QR:
A POR TODAS!!!
Hoxe, 8 de marzo, Día Internacional da Muller, presentamos a todo o alumnado de Infantil e Primaria o xogo de pistas "Do 8 ao 18" sobre a vida e obra de 7 MULLERES GALEGAS CON MOITA ARTE! máis a actividade Lecturas en Feminino a cargo do alumnado voluntario da Biblioteca.
Prestade moita atención aos taboleiros da Biblioteca que están nos corredores e ao blog de MIMI porque cada día atoparedes aí as pistas necesarias para investigar e saber quen é quen!
Completar as fichas ten recompensa!
Para conmemorar o Día de Rosalía no seu 185 aniversario colaboramos, xunto cos outros centros de ensino (Unitaria e IES), na actividade "Rosalía senta ben!" organizada polo Concello de Barro a través da OMIX.
Cada aula escolleu un verso ou estrofa dalgún poema de Rosalía que agora aparecen impresas nas bancadas próximas á Biblioteca e ao noso colexio. Quedaron moi ben!!
Pola nosa parte gravamos un programa de podcast co recitado deses versos que podedes escoitar na nosa canle de ivoox.
En breve, os códigos QR destes audios acompañarán nas bancadas estes versos.
Rosalía senta ben!
Para celebrar o 23 de febreiro o aniversario de Rosalía de Castro, a nosa autora máis universal, no CEIP Amor Ruibal desenvolvemos unha chea de actividades sobre a súa vida e obra baixo o lema Sementa De Pensamentos seguindo a iniciativa proposta pola AELG (Asociación de Escritoras e Escritores en Lingua Galega): investigacións, actividades de lectoescritura, oralidade, plásticas, musicais e recitais poéticos. Como mostra, pódense consultar as reseñas que aparecen nos blogs de Pequecholandia e de 1º e 2º.
Ademais, os equipos de Dinamización da Lingua Galega e Biblioteca deseñaron o xogo de pistas Curiosidades Rosalianas. Nos taboleiros da Biblioteca pegamos uns trípticos con fotografías de diversas zonas do colexio onde agochamos códigos QR con curiosidades sobre Rosalía.
O alumnado, repartido en pequenos grupos, cunha copia do tríptico na man, tivo que buscar e atopar os códigos QR e, coas tabletas, ler a información.
Que sagaces son as nosas nenas e nenos!
Axiña atoparon toda a información
e divertíronse moito, moito!
