30 de outubro de 2026

APRENDEMOS XOGANDO CON BRAZOLINDA!

O alumnado de 6º de Primaria tivo a oportunidade de descubrir o fantástico mundo dos xogos de mesa da man de Brazolinda, un proxecto galego dedicado ao deseño e á creación de xogos en galego.

Durante a actividade, os nenos e nenas coñeceron diferentes propostas e aprenderon a xogar con elas, descubrindo que os xogos de mesa son moito máis ca un simple entretemento. A través deles podemos poñer a proba a nosa memoria, desenvolver o razoamento, ampliar o vocabulario, mellorar a expresión oral e, sobre todo, aprender a compartir.

Foi unha experiencia moi divertida na que o galego, a aprendizaxe e a diversión foron da man. Unha maneira estupenda de achegarnos aos xogos de creación propia e descubrir o valor de xogar xuntos!


🎲 Porque aprender tamén pode ser un xogo! 🎲

💙 Moitísimas grazas a Isabel Valiño, a coordinadora dos equipos de EDLG da provincia de Pontevedra, por agasallarnos con esta marabillosa experiencia! 💙

28 de outubro de 2026

VISITA Á BIBLIOTECA PÚBLICA 2026

Con motivo do Día das Bibliotecas, todo o alumnado do cole visitamos a Biblioteca Pública de Barro. Alí nos agardaban os avós e as avoas de Barro para contarnos preciosas historias de vida e descubrindo que as historias non só viven nos libros, senón tamén nas persoas e nas súas experiencias.

Ademais, os e as maiores do cole aproveitamos esta fermosa experiencia para facerlles preguntas sobre a súa infancia, as súas rutinas, os xogos aos que xogaban...

 

📚 Grazas aos nosos avós e ás nosas avoas por regalarnos o seu tempo, as súas palabras e unha chea de momentos especiais. Agardámosvos de novo na biblioteca! ❤️

25 de outubro de 2026

FESTIVALIÑO ON THE ROAD

O venres 16 de outubro todo o CEIP Amor Ruibal converteuse por un día nun pequeno festival de cine grazas á actividade Festivaliño On The Road, unha iniciativa que achega o mundo audiovisual aos centros educativos e permite ao alumnado descubrir o cinema dunha maneira diferente, divertida e enriquecedora.

Ao longo da actividade, os nenos e nenas tiveron a oportunidade de mergullarse no mundo das imaxes, gozar de novas historias e descubrir o poder do cinema como ferramenta para aprender, imaxinar e desenvolver a creatividade.

   

 Foi unha experiencia moi especial na que a curiosidade, a sorpresa e a ilusión estiveron presentes en todo momento. Actividades coma esta axúdannos a abrir as portas a novas experiencias e descubrir que tamén se pode aprender a través da arte, da cultura e da emoción.

🎥 Moitas grazas a Festivaliño On The Road por achegar a maxia do cinema ao noso cole! Grazas ao Concello de Barro e a Omix do concello por ofrecernos esta fermosa experiencia! 🎥

ACOMPAÑAMENTO LECTOR

Este ano, con motivo do Día das Bibliotecas Escolares (24 de outubro), o alumnado do CEIP Amor Ruibal participou nunha xornada de lecturas compartidas. Os padriños lectores e madriñas lectoras  achegáronse aos seus afillados e afilladas para gozar dunha "Hora de Ler Compartida".

A través desta experiencia, o alumnado tivo a oportunidade de practicar como contar historias, asumir responsabilidades, escoitar historias de acompañar os máis pequenos nesta aventura literaria, así como descubrir personaxes deixando voar a a imaxinación.

Pero esta actividade foi moito máis ca compartir libros: foi unha oportunidade para fortalecer os vínculos entre diferentes etapas educativas e desenvolver a empatía aprendendo uns dos outros.

 

💚 Seguimos construíndo unha escola na que os libros unen e cada lectura se converte nunha nova aventura! 💚

8 de outubro de 2026

CONCERTO DIDÁCTICO

Na mañá de hoxe, todo o alumnado de Educación Infantil e Primaria gozou dun fabuloso concerto didáctico a cargo da Banda-Escola de Música de Barro, integrada por alumnado e ex alumnado do noso centro.

Pedro Torres, director da Banda, foi explicando as grandes familias de instrumentos (corda, vento-madeira, vento-metal e percusión), a modo de introdución de cada peza interpretada. Nenas e nenos de todas as idades fixeron acompañamento musical con palmas e corearon moitas das recoñecidas cancións.

Como colofón, o alumnado puido probar os seus instrumentos preferidos.


Canto talento musical hai en Barro!!!

Moitísimas grazas!!!

Moitísimos Parabéns!!!

6 de outubro de 2026

CROS ESCOLAR

 O alumnado de 5º e 6º de EP participou, coma tódolos anos, no Cros Escolar organizado a través do XOGADE. Este ano foi na azucreira de Portas. Noraboa a todos e todas.

VISITA TEUCRO

 O alumnado de primaria recibimos a visita de xogadores e entrenadores do Clube Balonmán SD Teucro para ensinarnos o deporte e animar a que o alumnado participe na actividade extraescolar de balonmán a través da ANPA do noso cole. Moitas grazas.


CAMPIONATO SUB14 DE TENIS

 O alumnado de 3º, 4º 5º e 6º de Educación Primaria visitou o Clube de Tenis da Caeira para practicar tenis, pádel e observar como xogaban rapaces e rapazas de todo o mundo. Unha gran experiencia.