FESTA DA LINGUA 2026

No marco da celebración das Letras Galegas, O venres 15 de maio, o alumnado de 1º, 5º e 6º acudiu á Tafona de Caldas de Reis para asistir á Festa da Lingua. Nela gozamos de recitados de micropoemas e microrelatos, espectáculos musicais e monólogos en directo na nosa fermosa lingua.

O momentazo estelar chegou coa actuación de "The Rapants" que amenizaron unha xornada na que celebramos todas e todos xuntos o Día das Letras Galegas! Cantaron varias cancións coas que conseguiron vencer á chuvia e facer bailar a todos os asistentes (mesmo houbo unha mención especial aos nenos e ás nenas de Barro polo que estaban gozando).

Encantounos a experiencia e oxalá a poidamos repetila moitas veces máis! 

Como non, debemos dar as grazas ao Concello de Caldas e á Secretaría de Política Lingüística por patrocinar o evento e, como non podía ser doutro xeito, ao Concello de Barro por facer posible que puidésemos acudir de forma gratuíta! Graciñas a todas polo voso bo facer! 

💙🤍 Viva a nosa lingua! Viva a Lingua Galega! 💙🤍

LETRAS GALEGAS 2026

Nesta semana do 11 ao 17 de maio, o alumnado do CEIP Amor Ruibal conmemorou a Semana das Letras Galegas. Este ano, dedicado á escritora Begoña Caamaño

Realizáronse multitude de actividades, aquí vai un resumo!!!

A FESTA DA LINGUA NAS ONDAS!

O venres 15 de maio, no marco da conmemoración das Letras Galegas, terá lugar a Festa da Lingua 2026 ao que asistirá unha representación do noso centro: alumnado de 1º, 5º e 6º.

O evento terá lugar das 10:30 ás 13h no aparcamento da Tafona de Caldas de Reis.

Ademais de estar aberto a toda a Comunidade Educativa e veciñanza, este ano poderase seguir o evento a través de Radio Arosa no programa "Hoy por Hoy" a partir das 12:25h.

  

Animádevos a asistir, participar e seguirnos nas ondas!

FESTA DA LINGUA 2026

O venres 15 de maio, no marco da conmemoración das Letras Galegas, terá lugar a Festa da Lingua 2026 ao que asistirá unha representación do noso centro: alumnado de 1º, 5º e 6º.

Data: 15 de maio, venres. A partir das 10:30 horas

Lugar: aparcamento de A Tafona

Este acto está organizado pola Cordinadora Comarcal de Terras do Umia que representa aos Equipos de Dinamización da Lingua Galega dos centros educativos da comarca (Barro, Caldas, Cuntis, Moraña e Portas). Ademais, conta coa colaboración do Concello de Caldas de Reis.

Haberá entregas de recoñecementos, recitados poéticos e de historias, monólogos e moita música. O acto estará aberto a familias e público en xeral.

Animádevos a asistir e a participar!

AS VERBAS QUE CONTAN 2026

Un ano máis, o Concello de Barro convoca, a través da OMIX e da Biblioteca Pública o concurso de creación literaria "AS VERBAS QUE CONTAN" no marco da conmemoración das Letras Galegas.

As modalidades de participación segundo o tipo de texto son: 

• Prosa (conto ou microrrelato)
• Verso (acróstico, caligrama, haiku ou poema de formato libre).

Recordade que todos os traballos deben ser orixinais, inéditos e en Lingua Galega. Deben seguir as condicións específicas segundo idade e categoría.

A forma de entrega e identificación consiste en:

• Soportes dispoñibles na OMIX e nos centros educativos.
• Identificación segundo o tipo de obra e iniciais da persoa autora (ademais do curso e nº de orde).

Presentación de traballos:

• Podedes participar presentando na Biblioteca do CEIP Amor Ruibal, un conto e/ou poema  con data límite o xoves 30 de abril de 2026.
• Máis información e bases completas na sede electrónica do Concello de Barro (apartado de anuncios):https://barro.sedelectronica.gal/preview-document/c5133836-fd1f-4dd2-92c0-7c34e6b08edc/

📕Animádevos a participar! 📕

ENTREGA AGASALLOS "AS VERBAS QUE CONTAN"

 Na mañá de onte, xoves, recibimos na Biblioteca do centro ao Alcalde de Barro, Xosé M. Fernández Abraldes para felicitar ao alumnado de Infantil pola súa participación no Concurso As verbas que contan 2025 ao que presentaron uns magníficos contos creados nas aulas. Fixo entrega, neste breve acto, duns lotes de libros para incorporar ás bibliotecas das respectivas aulas.

Cada encargado ou encargada de aula recibíu o lote de libros e un forte aplauso de todas as personas alí reunidas, logo posaron en grupo co agasallo recibido antes de volver as súas respectivas aulas. 

 

Moitísimos Parabéns!!

Moitísimas grazas!! 

 

RESOLUCIÓN DO CONCURSO "AS VERBAS QUE CONTAN 2025"

 O Concello de Barro, a través da OMIX e Biblioteca Pública, vén de publicar a resolución do concurso AS VERBAS QUE CONTAN 2025 convocado no marco da conmemoración das Letras Galegas. 

O acto de entrega de premios e diplomas, xunto coa lectura das obras premiadas e finalistas, tivo lugar o pasado sábado día 17 de maio ás 12:00 horas na Nave da Música.

A relación das obras gañadoras e finalistas do alumnado do noso centro é a seguinte:

PROSA (CONTOS)

Categoría 1º e 2º Primaria

Gañadora: "A pirata rica" de Emma Piñeiro Sánchez (2ºB)

Finalista: "O científico loco" de Vera López Montero (2ºB)

Nominación especial: "O medo de Xian" obra colectiva de 1º A

 

Categoría 3º e 4º Primaria 

Gañadora: "O ruido misterioso" de Alexandre Gil Outeda (3º A)

Finalista: "Por un mundo mellor" de Carmen Vázquez Viqueira (4º B)

 

Categoría 5º e 6º Primaria

Gañadora: "A historia da muller que nunca che contaron" de Elba Güimil Castro (5º B) 

Finalista: "Aventura canina" de Mariña Frieiro Silva (5º B)

 

VERSO (POESÍA) 

Categoría 1º e 2º Primaria

Gañadora: Acróstico "Enxerto"  de Claudia García Becerra ( 2º A)

Finalista: Acróstico "Flor" de Eileen Chan Rincón (2º A) 

 

Categoría 5º e 6º Primaria 

Gañadora: Acróstico "Natureza" de Iria Martiñán Moldes" (6º B)

Finalista: Haiku "Vida" de Daniel Fresco Rodríguez (5º B) 

Nominación especial: 

Acróstico "O moucho" de Mauro Fontán Argibay  (5º A) 

Caligrama " Amor" de Elba Güimil Castro (5ºB)

Haiku (sen título) de Vera Rey Bea (6º B) 

 

Moitísimas grazas a todas as persoas participantes!!! 

Moitísimos Parabéns a todas as persoas galardoadas!!!  

 

DO LIBRO ÁS LETRAS. 21 DÍAS EN GALEGO

Durante os últimos 21 días, o alumnado de todo o centro gozou con diferentes propostas de actividades conducidas polo alumnado maior do cole. Xogamos, rimos, cantamos... pero, sobre todo, pasámolo en grande todas e todos xuntos! 

Queredes ver o que argallamos? Pica nas imaxes do calendario e descubre as actividades que fixemos.

Grazas a todas e a todos pola vosa participación e implicación coa Lingua Galega!

FESTA DA LINGUA 2025

Hoxe, na fermosa mañá solleira do 16 de maio, o alumnado de 6º acudiu á Tafona de Caldas de Reis para asistir á Festa da Lingua. Nela gozamos de recitados de obras inéditas, espectáculos musicais e monólogos en directo na nosa fermosa lingua.

O momentazo estelar chegou coa actuación de "As Tanxugueiras" que se animaron, de forma desinteresada, a celebrar con nós o Día das Letras Galegas! Cantaron tres cancións, dúas delas de especial recordo para as nosas homenaxeadas, as cantareiras. A outra, como non podía ser doutro xeito, a mundialmente coñecida, Terra, que cantamos todas e todos xuntos a viva voz con elas.

   

Gozamos moitísmo da experiencia e oxalá a poidamos repetila moitas veces máis! Tamén debemos dar as grazas ao Concello de Barro por facer posible que puidésemos acudir a este evento!

Viva a nosa lingua! Viva a Lingua Galega!

LETRAS GALEGAS 2025

Hoxe gozamos dun marabilloso concerto no marco da conmemoración do Día das Letras Galegas, adicadas este ano ás cantareiras, que tanto e tan ben fixeron, fan e farán pola lingua e cultura galega.

Unha boa mostra do seu legado escoitámola hoxe na Nave da Música, que se encheu de talento local, completamente entregado a preservar e transmitir de xeración en xeración a música tradicional e a poesía popular oral. Así, integrantes da Asociación Peñaflor, Inés Tilve, Felipe Rea e nenas e mozas do Grupo de Danzas Amor Ruibal fixeron as delicias de todas as persoas alí reunidas.

 

Como colofón da magnífica celebración, todas e todos cantamos a todo cantar Olvídame.

 

 

Unha auténtica gozada!!! 

Moitísimas grazas!!!

Moitísimos Parabéns!!!

Ao remate deste concerto, todas as persoas participantes recibiron un bonito agasallo conmemorativo.

 

FELIZ DÍA DAS LETRAS GALEGAS!!!

DO LIBRO ÁS LETRAS. 21 DÍAS EN GALEGO

Baixo este nome recollemos as actividades que se desenvolven no centro entre dúas datas de gran relevancia: O Día do Libro (23 de abril) e o Día das Letras Galegas (17 de maio).

 

No calendario podedes comprobar a gran variedade de propostas para estas semanas nas que o equipo de "axudantes de Biblioteca", especialmente o alumnado de 6º curso, ten unha importante participación como alumnado colaborador. 

Tríptico: DO LIBRO ÁS LETRAS de COLE DE BARRO

AS VERBAS QUE CONTAN 2025

 

O Concello de Barro convoca un ano máis, a través da OMIX e da Biblioteca Pública o concurso de creación literaria "AS VERBAS QUE CONTAN" no marco da conmemoración das Letras Galegas 2025.

Modalidade: 

Prosa (conto ou microrrelato)

Verso (acróstico, caligrama, haiku ou poema de formato libre).

Todos os traballos deben ser orixinais, inéditos e en galego. Deben seguir as condicións específicas segundo idade e categoría.

Forma de entrega e identificación: 

Soportes dispoñibles na OMIX e nos centros educativos.

Identificación segundo o tipo de obra e iniciais da persoa autora ( ademais do curso e nº de orde)

Presentación de traballos:

Podedes participar presentando na Biblioteca do noso centro, un conto e/ou poema  con data límite o mércores 30 de abril.

Máis información e bases completas na sede electrónica do Concello de Barro (Apartado ANUNCIOS): https://barro.sedelectronica.gal/info.0 

 

Agardamos as vosas creacións!

Ánimo, artistas!!!

FESTA DA LINGUA 2025

 O 16 de maio, venres, no marco da conmemoración das Letras Galegas terá lugar a Festa da Lingua 2025.

Data: 16 de maio, venres. A partir das 10:30 hs

Lugar: Aparcamento da Tafona

Este acto está organizado por Terras do Umia, a Coordinadora Comarcal de Equipos de Dinamización da Lingua Galega dos Centros educativos da comarca (Barro, Caldas, Cuntis, Moraña e Portas) e coa colaboración do Concello de Caldas de Reis.

Haberá entregas de recoñecementos, contacontos, recitais poéticos e música. O acto estará aberto a familias e público en xeral.

Animádevos a participar!

 

CANTAREIRAS, CONTADA POLA IGUALDADE

 Esta semana todo o alumnado do centro gozou dunha contada moi especial a cargo do colectivo Polo Correo Do Vento. Esta actividade está promovida polos Servizos Sociais do Concello de Barro dentro do Programa do Pacto de Estado Contra a Violencia de Xénero.

En catro sesións, unha para cada un dos ciclos educativos do centro, escoitamos a Carlos Taboada como emocionado contacontos,  Alba Faro e Marcelo Dobode entusiastas "cantareiras" e acompañados de Tania Solla coas súas magníficas ilustracións.

 

 

 Interesantísimas e constructivas xornadas!

Moitísimas grazas!

ENTREGA AGASALLOS AS VERBAS QUE CONTAN 2024

Recibimos na Biblioteca do centro a Xosé M. Fernández Abraldes (Alcalde de Barro) e a Pilar Álvarez (responsable da OMIX e Biblioteca Pública do Concello) para felicitar á cativada de Infantil pola súa fabulosa participación no Concurso As verbas que contan 2024 e agasallar cuns lotes de libros para incorporar ás bibliotecas das respectivas aulas.

Foi cada encargada ou encargado da clase quen recibíu o lote de libros de mans do alcalde, e tras un breve acto volveron ás súas aulas con moito entusiasmo.

 

 

 

 

 

 

 

 Asemade, os rapaces e rapazas de 1º A quedaron moi contentos e contentas por recibir os agasallos por gañar o 1º Premio de Verso na súa categoría polo seu caligrama colectivo "A señorita Xoaniña"

 

 

MOITÍSIMOS PARABÉNS!!
MOITÍSIMAS GRAZAS!!

RESOLUCIÓN DO CONCURSO "AS VERBAS QUE CONTAN 2024"

O Concello de Barro, ao través da OMIX e Biblioteca Pública, vén de publicar a resolución do concurso AS VERBAS QUE CONTAN 2024 convocado no marco da conmemoración das Letras Galegas e que contou cunha altísima participación entre o noso alumnado.

A relación das obras gañadoras e finalistas do alumnado do noso centro é a seguinte:

PROSA (CONTOS)

• Categoría 1º e 2º Primaria

Gañadora:  "O trasno que converteu á avoa" de Alexandre Gil Outeda (2º)

Finalista: "O pastel" de Daniela Núñez Chaves (2º)

Diplomas:

"O ladrón de fariña"  obra colectiva de 1º B

"O cocodrilo amable" de Asier Rey Bea (2º)

• Categoría 3º e 4º Primaria

Gañadora: " O gato da lúa" de Elba do Carme Güimil Castro (4º B)

Finalista: "O panda e o paporroibo" de Carmen Vázquez Viqueira (3º B)

Diplomas:

 

"Unha sorpresa inesperada" de Iria Casalderrey Magdalena (3º B)

 

"As lendas da selva australiana" de Mariña Frieiro Silva (4º B)
 

• Categoría 5º e 6º Primaria

Gañadora: "Constelacións" de Jorge Pereira Santiago (6º B)

Finalista: "Un neno valioso" de Breixo Oubiña Escudeiro (5º B)

Diploma: 

"O soño de Emma" de Leire Rodríguez Sabarís (5ºB)

 

VERSO (POESÍA)

• Categoría 1º e 2º Primaria

Gañadora: Caligrama " A señorita xoaniña" obra colectiva de 1º A

 

Finalista: Acróstico "Ler" de Helena Sabarís Magariños (1ºB)
 

• Categoría 3º e 4º Primaria

Gañadora: Caligrama "Clave de sol" de Mariña Frieiro Silva (4º B)

 

Finalista: Acróstico "Ouro" de Sara Landín Castiñeira (4º A)

 

Diplomas: 

 

Acróstico "Ámote" de Zoraima Fabeiro Jiménez (4º A)

 

Acróstico "Auga" de Leo Torres Fandiño ( 4ºA)
 

• Categoría 5º e 6º Primaria 

Gañadora: Acróstico "Morriña" de Raúl Barreiro Galbán" (6º B)

Finalista: Haiku "O mar" de Jorge Pereira Santiago (6º B)

Diplomas:

Acróstico "Verán" de Noa González Sabarís (6º B)

Acróstico "Gato" de Uxío Pérez Fontán (6º A)

 

Moitísimas grazas a todas as persoas participantes!!!

 

Moitísimos Parabéns a todas as persoas galardoadas!!! 

 

 

O acto de entrega dos premios e diplomas, xunto coa lectura das obras premiadas e finalistas, terá lugar o vindeiro sábado día 18 de maio ás 12:00 horas na Nave da Música.

Animádevos a asistir!!!

LUISA VILLALTA. LETRAS GALEGAS 2024

Con motivo da conmemoración das Letras Galegas este curso escolar, alumnado e profesorado do centro prepararon gravacións de vídeo coa biografía da homenaxeada, a escritora e música Luisa Villalta.

Velaquí o primeiro destes vídeos.

Feliz Día das Letras!!!

AS VERBAS QUE CONTAN

 O Concello de Barro, a través da OMIX e Biblioteca Pública, ven de convocar un ano máis o tradicional concurso "As verbas que Contan" no marco da celebración das Letras Galegas 2024.

Podedes participar presentando na Biblioteca do noso centro, un conto e/ou poema (haiku, caligrama ou acróstico) con data límite o 3 de maio.

Para consultar as bases do certame podedes picar AQUÍ.

AGARDAMOS AS VOSAS CREACIÓNS!! 

 ÁNIMO ARTISTAS!!

ENTREGA DO XIV PREMIO MIMI

A comunidade educativa do CEIP Amor Ruibal de Barro asistiu moi emocionada á entrega do XIV Premio MIMI que o colexio concede a persoas que destacan polo uso, defensa e difusión da lingua e cultura galega.  

O acto tivo lugar na Nave da Música de Barro, e foi conducido marabillosamente polo alumnado de 5º de Primaria, que luciu unhas preciosas pulseiras blanquiazuis, creadas para a ocasión.

A gala inaugurouse con O rap da lingua de Migallas, que todas as nenas e nenos do colexio cantaron e mimaron con grande entusiasmo.

Seguidamente, o alumnado de 5º lembrou as candidaturas recibidas, antes de proclamar ben forte a gañadora: ESTHER ESTÉVEZ, presentadora do programa DígochoEu da TVG.

Unha animadísima Esther subiu ao escenario para recoller o Premio e compartir con nós bromas, risas, bailes, cancións e, sobre todo, moitas, moitísimas emocións. 

Por suposto, non podería faltar a esta festa da lingua Digochiño, o raposiño máis riquiño e marchoso do mundo mundial, que levou unha grandísima sorpresa ao coñecer a Migochiño. 

Pasámolo xenial!!!

Antes da cariñosa despedida, Esther deixou a súa pegada no Libro de Honra da nosa Biblioteca e posou con todas e todos nós.

Moitísimas grazas!!!

Moitísimos Parabéns!!!

Querémosvos!!!

Moitísimas grazas ao Concello de Barro 

pola súa constante e inestimable colaboración!