24 de xuño de 2023

GRADUACIÓNS 2023


O pasado luns, 19 de xuño, celebramos no CEIP Amor Ruibal os actos de Graduación do alumnado que rematou as etapas de Educación Infantil e Educación Primaria neste curso 2022-23. Nos dous actos, o alumnado estivo moi ben acompañado de familiares e demais compañeiras e compañeiros de etapa. 

Ás 10:30 h tivo lugar a Graduación do alumnado de 6º de Infantil; ás 12:30 h celebrouse a de 6º de Primaria.

Velaquí amosamos os vídeos resumo destes emocionadísimos actos:

 

MOITÍSIMOS PARABÉNS!!!

FELIZ ANDAINA NA NOVA ETAPA!!!

BOAS E MERECIDAS VACACIÓNS 

A TODA A COMUNIDADE EDUCATIVA!!!


22 de xuño de 2023

ENTREGA DIPLOMAS VOLUNTARIADO

 O alumnado de 5º e 6º de Primaria, axudante da Biblioteca Escolar e participante no Programa de Voluntariado de lectura - A, recibíu onte un diploma acreditativo pola súa colaboración no devandito programa. 



 

Moitísimas grazas a todos e todas pola vosa colaboración!

Vémonos na Biblioteca!

21 de xuño de 2023

CONCERTO SÚPER EMOCIONANTE

Hoxe asistimos a un concerto súper emocionante do noso alumnado que está na Escola de Música de Barro (EMBA). Acompañado magnificamente por Pedro Torres, director da Banda de Música Xuvenil de Barro, e as mestras Cristina García e Laura Juncal, interpretou un extenso e variado repertorio, que mereceu longos e cálidos aplausos das súas compañeiras e compañeiros, que prestaron moitísima atención.

O concerto tivo lugar na Nave da Música do Concello de Barro e contou cunha presentadora de excepción, Aroa Tellado, ex alumna do noso centro e integrante da Banda.

Bravissimo, artistas!!!

Moitísimos Parabéns!!!

Grandísimo pracer escoitarvos!!!


20 de xuño de 2023

CONCERTOS-BAILE CON PESDELÁN

Hoxe, as nosas nenas e nenos do CEIP Amor Ruibal gozaron cos fantásticos concertos-baile Na punta do pé de PESDELÁN, desenvolvidos en dúas quendas de case unha hora de duración cada unha.

Que ben bailaron!!!

Que ben o pasamos!!!

MOITÍSIMAS GRAZAS!!!



15 de xuño de 2023

ENTREGA DO XIV PREMIO MIMI

A comunidade educativa do CEIP Amor Ruibal de Barro asistiu moi emocionada á entrega do XIV Premio MIMI que o colexio concede a persoas que destacan polo uso, defensa e difusión da lingua e cultura galega.  

O acto tivo lugar na Nave da Música de Barro, e foi conducido marabillosamente polo alumnado de 5º de Primaria, que luciu unhas preciosas pulseiras blanquiazuis, creadas para a ocasión.

A gala inaugurouse con O rap da lingua de Migallas, que todas as nenas e nenos do colexio cantaron e mimaron con grande entusiasmo.

Seguidamente, o alumnado de 5º lembrou as candidaturas recibidas, antes de proclamar ben forte a gañadora: ESTHER ESTÉVEZ, presentadora do programa DígochoEu da TVG.

Unha animadísima Esther subiu ao escenario para recoller o Premio e compartir con nós bromas, risas, bailes, cancións e, sobre todo, moitas, moitísimas emocións. 

Por suposto, non podería faltar a esta festa da lingua Digochiño, o raposiño máis riquiño e marchoso do mundo mundial, que levou unha grandísima sorpresa ao coñecer a Migochiño. 

Pasámolo xenial!!!

Antes da cariñosa despedida, Esther deixou a súa pegada no Libro de Honra da nosa Biblioteca e posou con todas e todos nós.

Moitísimas grazas!!!

Moitísimos Parabéns!!!

Querémosvos!!!

Moitísimas grazas ao Concello de Barro 

pola súa constante e inestimable colaboración!

10 de xuño de 2023

HORA DE LER

A Hora de Ler é un proxecto de animación á lectura que levamos desenvolvendo con todo o alumnado do noso centro dende hai moitos anos. Despois do tempo de lecer, dedícanse quince ou vinte minutos diarios á lectura en diversos soportes, formatos e modalidades, utilizando fondos da nosa Biblioteca destinados ao Proxecto Lector e outros considerados de interese.

Como actividad novidosa, que deu moi bos resultados, hai que mencionar a Hora de Ler compartida entre 1º e 6º de Primaria (os mércores, un grupo de 6º; e os xoves, outro). Nese tempo, a metade do alumnado de 1º quedaba na súa aula, e a outra metade, ía á aula correspondente de 6º, rotando ao longo do segundo e terceiro trimestre. A misión do alumnado de 6º consistiu en acompañar, guiar, axudar, animar e, sobre todo, escoitar a lectura en voz alta das nenas e nenos de 1º, que escollían previamente os libros que querían ler.

Unha actividade moi motivadora e gratificante!!!

Moitísimos Parabéns!!!



9 de xuño de 2023

PATRULLAS VERDES NO COLE!

No mes de decembro comezaba un proxecto de educación medioambiental no noso cole: Patrullas Verdes, o noso patio limpo!

Cada venres, que o tempo o permitise, un equipo composto por varias nenas e nenos de todos os cursos, reuníanse no patio para recoller a basura presente nos nosos patios, dende primeiro a sexto de primaria.

Hoxe entregáronse os diplomas que recoñecían dito noso labor, foi un gusto ver as caras de felicidade da rapazada! 






MOITÍSIMAS GRAZAS POLA COLABORACIÓN!!!


UN DÍA PARA AS LETRAS

O alumnado de 3º, 4º e 5º de Primaria gozou hoxe do contacontos musicado e ilustrado Un día para as letras, centrado na vida e obra de Francisco Fernández del Riego, autor homenaxeado nas Letras Galegas 2023.

A actividade, promovida pola Deputación de Pontevedra coa colaboración do Concello de Barro, foi desenvolvida por Quique e Carlos, do equipo creativo de Polo Correo do Vento, e o músico Antón Ke, moi ben acompañado pola súa pulguiña cantareira (o ukelele).

O alumnado prestou moitísima atención e foi quen de debuxar unhas boísimas caricaturas de Paco del Riego, baixo a maxistral guía do ilustrador.

Moitísimas grazas!!!

7 de xuño de 2023

AGASALLOS PARA INFANTIL E 1º DE PRIMARIA

Xosé Manuel Fernández Abraldes Pilar Álvarez estiveron hoxe na nosa Biblioteca para felicitar a todo o alumnado de Infantil pola súa marabillosa participación no concurso convocado polo Concello de Barro ao través da OMIX, AS VERBAS QUE CONTAN 2023, e entregar a cada aula uns lotes de libros, que as crianzas recibiron con grandísima ilusión.

Asemade, as nenas e nenos de 1ºA quedaron a mar de contentas e contentos cos fantásticos agasallos que lles deron por acadar no concurso o 1º premio na súa categoría, coa obra colectiva O coello que non sabía as cores.


MOITÍSIMOS PARABÉNS!!!

MOITÍSIMAS GRAZAS!!!