21 de decembro de 2015

As nosas recomendacións.

Aínda que con certo retraso, aquí chegan as recomendacións lectoras para este Nadal.
Pasádeo ben lendo.





Un saúdo.
MIMI.

20 de decembro de 2015

Resolto o concurso de postais de Nadal.

O pasado mércores día 16 o xurado do Concurso de Postais convocado polo Concello reuníuse e resolveu como gañadoras nas categorías que competen ao noso alumnado ás seguintes:



Uxía García Rey
2º curso Primaria



Martín Crespo Ortigueira
3º curso Primaria





Alba Besada Louzán
5º curso Primaria












As postais gañadoras recibirán o seu premio o día 5 de Xaneiro, na Cabalgata de Reis celebrada en Barro. Todas as postais presentadas ao concurso estarán expostas durante estas festas no Pazo da Crega.
Se queredes acceder á información desde a web do concello accedede ao seguinte enlace:
Concello de barro / OMIX / premios y concursos. 

Moitísimas grazas a todos e todas pola vosa participación!

Un saúdo.
MIMI. 

30 de novembro de 2015

A D. XOSÉ NEIRA VILAS.

 A D. XOSÉ NEIRA VILAS
IN MEMÓRIAM


Grazas, D. Xosé, por vir
o pasado día oito de abril.
Aquel si que foi un día especial:
Recibir no cole a un galego universal!

Que honra! Que emoción!
Dedicámoste ledos unha canción.

Delicado de saúde andabas
mais incansable preguntabas:
Gústavos ler? Gústavos xogar?
Ai! Con eses teus ollos de amigar.

Que honra! Que emoción!
Palpitaba forte o noso corazón.

O colexio infatigable percorriches
regalando a todos parabéns,
polos traballos feitos de espantallos
e doutros libros tamén.

Que honra! Que emoción!
Admirando todos a túa condición.

Sementaches pronto en nós
simpatía e amizade
sen esquecer, por suposto que non!
o teu exemplo de modestia e xenerosidade.

Que honra! Que emoción!
Compartir o teu tempo con nós.

Grazas, D. Xosé, por vir
aquel día oito de abril.
Grazas, D. Xosé, grazas mil,
moitas grazas por escribir.

Que honra! Que emoción!
Por sempre, no noso corazón.
Lectura da dedicatoria que nos deixou no libro de visitas.
Dedicatoria de D. Xesé Neira Vilas.



A continuación quedan os enlaces aos blogs do noso centro onde quedou recollida documentación do proxecto e a visita tan entrañable que recibimos o pasado mes de Abril.






BLOG DA BIBLIOTECA

LIBRO "Amigos"

BLOG 3º CICLO

BLOG 2º CICLO

BLOG 1º CICLO

BLOG INFANTIL "Pequecholandia"

Un saúdo.
MIMI.

25 de novembro de 2015

Concurso de Postais de Nadal, 2015

http://www.barro.es/eportal/portal/index.php?js=si&ajax=si&id_seccion=551&solo_caja=2545Un ano máis o Concello de Barro acaba de convocar o seu Concurso de Postais de Nadal a través da OMIX e Biblioteca Pública Municipal. O concurso vai dirixido aos veciños e veciñas de Barro - pequenos e maiores.

Premendo na imaxe do cartel enlazades coa súa páxina web e podedes acceder directamente ao cartel e ás bases do Concurso.

Na Biblioteca do cole recolleremos tamén postais para o concurso con data tope do 14 de Decembro, luns.

Sabedes que a gañadora aparecerá tamén no boletín de lecturas da biblioteca.
Mans á obra e ... Animádevos a participar !!  

Un saúdo.
MIMI.
 

22 de novembro de 2015

Novembro, mes da tradición oral. "IDENTIDADES"


Xustificación do proxecto

 "IDENTIDADES" é o nome do proxecto que con motivo da Semana da Tradición Oral puxo en marcha e dirixe a Biblioteca Pública e no que estamos colaborando xunto co IES de Barro.
Este proxecto trata de recopilar e plasmar nun mapa dun xeito gráfico e textual a localización de parcelas, camiños, ou zonas que non están todavía nos mapas pero que os nosos maiores coñecen e poden contar e trasmitir.
 Se premedes na imaxe superior, accederedes á paxina web.
Sheila e Begoña, monitoras da Biblioteca Pública e responsables do proxecto, viñeron á biblioteca do cole o pasado venres para amosarnos como se está desenvolvendo o proxecto, amosarnos a web e tamén como podemos colaborar.


Na pestana de "INICIO" desta web podemos explorar no mapa e buscar entre as "chinchetas" o nome das distintas parcelas que van introducindo na aplicación e van localizando.
Aparecen tamén en distinta cores aportacións de cursos anteriores coas recopilacións de refráns, ditos, contos ...
Na pestana "COLABORA" ofrece a posibilidade de cubrir direcatmente os datos nunha ficha coa nosa aportación. 
Sheila díxonos que o número da Referencia Catastral que nos piden, só se usa para poder localizar as parcelas no mapa. Non ten uso máis alá que para este fin.

Amosamos algunhas fotografías tomadas durante a súa visita.













Foi moi interesante!    Grazas Sheila!    Grazas Begoña!
E a todos/as  veciños e veciñas de Barro,...    Animádevos a colaborar!!

Un saúdo.
MIMI.

Celebramos o Magosto

Os maiores do cole, alumnos de 6º curso, adoitan axudar aos máis pequenos na preparación desta celebración. Este ano non podía ser menos e fixeron uns obradoiros para ensinar a canción e o baile así como a elaboración de cucuruchos. Premede no enlace a continuación para ver como o reflexaron eles no blog do 3º ciclo:

E chegou o gran día...!!
O pasado venres día 13 celebramos tal como anunciaban os carteis "O noso Magosto".
Organizamos a mañá para poder desenvolver distintos xogos repartidos por distintos lugares do centro e patios, cantar e bailar a cantiga todos xuntos e comer as castañas que ao longo da mañá asaron nas súas locomotoras para todos e todas nós as familias de Ángel, Tiffany, Melody e Wendy.
Estaban boísimas!!  Grazas!!
Queremos amosar os videos que preparamos coa celebración en Infantil e en Primaria.
Por cuestións organizativas só coincidimos xuntos no momento da canción, pero foi unha mañá emocionante para todos e todas nós.
Pasámolo fenomenal!!







Un saúdo.
MIMI.

11 de novembro de 2015

Xa temos carteis gañadores!!!

O Concurso de carteis do Magosto xa ten gañadores!
En primeiro lugar, queremos decir:
Grazas a todos e todas os participantes no concurso polos vosos traballos!!
Tras unha primeira selección, un cartel de cada unha das aulas do centro quedou finalista. Unha escolma de carteis que deu en reñida votación para elexir aos tres gañadores do centro.
Decimos reñida certamente, porque os tres conseguiron o mesmo número de votos. Un empate triple para o primeiro lugar.
A continuación amosamos un video que amosa os carteis seleccionados como finalistas así como os gañadores.
A NOSA NORABOA!!
Un saúdo.
MIMI.

3 de novembro de 2015

Chega o magosto !!

Xa ven aí o magosto e trae novidades.
Mirade, lede ben  o que vos digo !!




2 de novembro de 2015

O noso magosto"

O alumnado de 5º e 6º curso leva uns días preparando a interpretación desta cantiga inspirada na melodía popular galega "Na beira do mar".
Leva por título "O NOSO MAGOSTO". A letra foi escrita por alumnado do noso centro así como os acompañamentos.
Aquí vos amosamos o resultado nesta gravación para que todos e todas a bailedes na celebración do noso magosto.



Non podía faltar a continuación a letra  desta cantiga para que a vaiades aprendendo.

Un saúdo.
MIMI




CANTIGA: O NOSO MAGOSTO

(Melodía popular galega: Na beira do mar / Letra: Alumnado do CEIP Amor Ruibal)

Castañas asadas queremos comer,

castañas asadas que saben moi ben.

Que saben moi ben, que saben moi ben,

castañas asadas queremos comer.



A castaña no ourizo

quixo rir e regañou.

Caeu do castiñeiro abaixo,

vaia golpe que levou!

Caeu do castiñeiro abaixo,

vaia golpe que levou!

(Retrouso)



Imos comer as castañas

que asaron José e Isabel.

Fixemos uns cucuruchos

para non queimar os dedos.

Fixemos uns cucuruchos

para non queimar os dedos.

(Retrouso)



Que castañas saborosas!

Un aplauso para eles.

Coa barrigola cheíña,

agora a xogar contentos.

Coa barrigola cheíña,

agora a xogar contentos.

(Retrouso)

1 de novembro de 2015

Sección Familias

Unha novidade da Biblioteca para este curso escolar é a posta en marcha dunha sección da nosa Biblioteca destinada ás familias.
Situámola no recibidor da entrada principal do noso centro e aínda que non conta con moitos títulos todavía, queremos desde aquí convidar á compartir lecturas e reflexións con todos e todas os que aquí paredes.

Para ambientar este recanto tomamos como punto de partida unha actividade plástica que levamos adiante o pasado curso (2014-15)  no Mes da Biblioteca e que titulamos "Qué é para ti o colexio?"




De todos os traballos recollidos fíxose unha escolma por nivel que serviron para decorar e ambientar, como unha gran cenefa, esta sección da nosa Biblioteca. Os traballos orixinais están encuadernados como un documento de produción propia do noso centro e o podedes atopar aquí tamén.

Infantil 3 e 4 anos

Infantil 4 e 5 anos

 1º e 2º de Primaria

3º, 4º, 5º, 6º de Primaria













































En breve daremos máis información desta sección.
Un saúdo.
MIMI.

26 de setembro de 2015

Día da tradución na Biblioteca Pública

Con motivo da celebración do Día da Tradución, que será o 30 de setembro, o vindeiro martes día 29 ás 18:15 hs terá lugar na B.P. un encontro coa tradutora: Dolores Romay Calvo.


Dos seus traballos de tradución, "Os tres bandidos" é un libro escrito por Tomi Ungerer e que leremos na biblioteca do cole estes días.






http://www.barro.es/eportal/portal/index.php?js=si&ajax=si&id_seccion=1100&solo_caja=2534
Para saber máis premede na imaxe da actividade e consultade a páxina web do concello.


Esta actividade éstá dentro da programación de  "Tardes na biblioteca" da Biblioteca Pública,  que abre as súas portas os martes e xoves de 17:00 a 19:00 para rapaces e rapazas a partir de 6 anos.

Animádevos a participar!

Un saúdo.
MIMI.




22 de setembro de 2015

Teatro na Biblioteca Pública.

Esta fin de semana haberá dúas funcións de teatro na Biblioteca Pública de Barro a cargo da Compañía de Miro Magariños.


 O sábado día 26 ás 21.30 horas representarán "Espermatozoides".

Trátase dun espectáculo para adultos e para rapaces e rapazas de máis de 10 anos acompañados de adultos.

O domingo día 27 ás 18:30 horas representarán "Os xigantes".

Espectáculo para todos os públicos (familiar e infantil)
 
Os precios para cada función figuran no cartel informativo.


Un saúdo.
MIMI.

15 de setembro de 2015

Contacontos con Inacio Vilariño, cortesía do Concello de Barro.

Benvidos e benvidas a este novo curso escolar!

O pasado venres día 11 de setembro tivo lugar no noso centro a inauguración oficial do curso. Foi un acto sinxelo no que o noso alcalde, o Sr Abraldes, quixo estar presente para saludarnos e desexar un bó comenzo a todos e todas.

A continuación tivemos a sorte de pasalo en grande con Inacio Vilariño e o contacontos que nos ofreceu subvencionado polo Concello de Barro. Inacio pasou pola Biblioteca e deixou unha dedicatoria para nós no libro de visitas. 

Ofrecemos tamén un video resumo desta xornada.



Un saúdo.
MIMI.

10 de setembro de 2015

Biblioteca, base de exploracións.

O lema escollido este curso para a campaña das Bibliotecas Escolares Galegas pola Consellería de Cultura, Educación e OU é "Biblioteca escolar, base de exploracións".
O cartel é do ilustrador e escritor de banda deseñada Fran Bueno e refire a unha visión da biblioteca como base de aprendizaxe.
"Chama a traballar coa información, a mirar fóra, a facerse preguntas e pescudar posibles respostas, a interesarse polo outro, polo diferente, polo alleo; a estudar xeografías e inventar rutas para novas aventuras; a coñecer as viaxes que fixeron os grandes exploradores e aquelas outras que, cada día, bota ao camiño a milleiros de persoas na procura dun mundo máis xusto. Convida a explorar o mundo e a compartir o aprendido".

Explorádeo ...
Un saúdo.
MIMI.

4 de setembro de 2015

Contacontos pirata.

Un grupo de Axudantes de  Biblioteca de 6º curso de Primaria adaptou e preparou a escenificación dun contacontos para o alumnado de Educación Infantil e 1º Ciclo de Primaria.
Sara Besada, Andrea Buceta, Andrea Cerqueiras, Sandra Iglesias e Nerea Prado foron as alumnas que o fixeron para así rematar as actividades da Biblioteca dentro do Proxecto Piratas.
Escolleron o libro "Meu pai e mais eu somos piratas" de Jesús Zatón e ilustrado por Teo Puebla, publicado por Edicións Júcar.
Gustou tanto ao público de Infantil e insistiron de tal forma, que para eles fixeron unha 2ª representación.
Foi todo un éxito!!
Agardamos que vos guste tanto como a eles.



Un saúdo.
MIMI.

1 de setembro de 2015

GRADUACIÓN 2015


O acto de graduación e entrega de orlas ao alumnado que rematou 6º de Infantil e 6º de Primaria celebrouse o 18 de xuño para despedir o curso escolar.
Foi un acto moi entrañable e ao que convidamos aos pais e nais do alumnado homenaxeado.
Este ano foi a Banda Infantil de Barro a encargada de amenizar o acto. Fixérono moi ben e queremos transmitir a nosa felicitación a tódolos integrantes e ao seu director, Manuel Fariña.

Banda Infantil de Barro

Para acceder ao enlace dos videos só tedes que premer na imaxe da orla de cada nivel.

   
https://youtu.be/8dXY7oTQSTIhttps://youtu.be/UTYR8RYTwZc

NORABOA A TOD@S !!!
BOA  SORTE NA NOVA ETAPA QUE COMEZADES !!!

Un saúdo,
MIMI

31 de xullo de 2015

COUSAS NOSAS XV

Aínda que con un lixeiro retraso xa está dispoñible a versión dixital da nosa revista escolar. A pesar de ter repartido a versión impresa en papel coidamos interesante que a disfrutedes a toda cor.
Podedes acceder a esta e ás revistas anteriores a través do blog de lecturas e produccións propias, do que tedes enlace na barra da dereita "Cousas nosas".
Un saúdo.
MIMI

2 de xullo de 2015

"Protexendo o camiño" chega a Barro

O pasado día 5 de xuño ( Día Mundial do Medio Ambiente) visitaron o noso centro Enrique Mauricio (escritor) e Carlos Taboada (ilustrador) compoñentes do colectivo Polo correo do vento.
A actividade que desenvolveron no noso centro está integrada dentro do Programa do Xacobeo e financiada por Turismo de Galicia e leva por nome "Protexendo o camiño".

Quique contounos a historia de Iago (un escritor) e Peregrina (unha fotógrafa) que recorrían xuntos o Camiño de Santiago, e sobre o que atopaban no seu percorrido. Aprendemos sobre a importancia decoidar a nosa terra, en especial o camiño así como coidar o trato coa xente. Mentras el contaba a historia, Carlos fixo un debuxo precioso que regalou para o noso cole.
Ao remate, tivemos un obradoiro e Carlos ensinou como debuxar un "pelegrín".

Se queredes saber como resultou mirade o video da actividade, Tamén podedes mirar que ben resultaron os debuxos no blog do 1º ciclo ou premendo aquí.

Un saúdo.
MIMI

5 de xuño de 2015

"OS DA RÍA" no CEIP Amor Ruibal

Aquí temos xa o vídeo resumo do acto de entrega do VII Premio Mimi ao Persoeiro do ano.



Unha grande festa!!
Un saúdo.
MIMI.

3 de xuño de 2015

ENTREGA DO VII PREMIO MIMI.

E chegou o gran día ...

O Premio MIMI deste ano foi entregado hoxe na Biblioteca Pública do Concello ao grupo musical "Os da Ría".

Acudiron a recollelo Fabián Santomé (Tomás Lijó) e Suso Pián (Suso Alonso).





A pesar de ser unha parte do conxunto, Fabián Santomé (cantante) e Suso Pián (Piano) fixeron boa festa e grande xoldra para o deleite de todos e todas nós.







Cantaron algúns dos seus temas e o alumnado de 5º curso cantou e bailou con eles.









Se premedes na imaxe da esquerda podedes ler a dedicatoria que nos deixaron no libro de visitas da biblioteca.
En breve teredes máis información do acto.



Ao final do acto o alumnado de 5º curso e as mestras encargadas do Proxecto posaron xunto cos homenaxeados.

Un saúdo galegueiro!
MIMI.

31 de maio de 2015

Visita de Héctor Lorenzo

A pasada semana tivemos no colexio a última das actividades programadas polas Letras. O músico e cantante Héctor Lorenzo visitounos para interpretar algúns dos poemas de Raúl Gómez Pato aos que lle puxo música.
Comenzou o seu recital cun poema de Valle Inclán titulado "Paxariño novo" e a continuación interpretou: Os zapatos, A dorna, A serea, A serra, O libro, A pulseira.
Se queredes ver como resultou todo, mirade o vídeo. Nós pasámolo moi ben cantando, batendo palmas, e bailando coas cantigas.
Moitas grazas Héctor por tan doce mañá.! 
Un saúdo.
MIMI.

28 de maio de 2015

Contacontos interciclos




A pasada semana tivemos unha actividade máis dentro da programación deste"Mes dos libros e das letras". O contacontos interciclos.

 Amosamos uns "collages" fotográficos desta actividade.







 Igual que en anos anteriores, o alumnado de 1º curso da ESO pertencente ao IES de Barro, estivo no noso centro para facer unha sesión de contacontos. 



Os contos que prepararon foron :

- O xuízo.
- A Carapuchiña vermella.
- Viaxe á terra de Xauxa.
-  O xabarín.
-  A cincenta que non quería comer perdices.

-  Indo para a feira.







Gracias ao Departamento de Normalización do IES pola colaboración, especialmente a Marisa. 
Noraboa polo resultado!, e.....  
Gracias a todos e a todas pola vosa participación!!
Deica pronto!

Un saúdo.
MIMI.