29 de decembro de 2017

Voces de mulleres

O PDI (Proxecto Documental Integrado) deste curso escolar leva por título: "Voces de mulleres". O noso obxectivo é o de investigar e afondar inicialmente na vida de mulleres significativamente importantes nos seus campos e traballo.
Nas aulas de 3º e 4º de Primaria comezarán a súa investigación coa tarefa proposta neste "site", punto de partida do seu traballo para o Salón do Libro Infantil e Xuvenil de Pontevedra. 

Un saúdo,
MIMI.

23 de decembro de 2017

Visita de Papá Noel

 O pasado mércores, día 20, Papá Noel visitou o noso centro para entregar uns agasallos a toda a rapazada pola súa participación no XVII Concurso de Postais do Concello. Traían puzzles para o alumnado de Infantil e unhas lambetadas para o alumnado de Primaria. 
Unha visita entrañable coa que gozamos pequemos e maiores. Podedes seguila neste vídeo resumo.



Desexámosvos Bo Nadal e Felices Festas!!
Un saúdo,
MIMI.

22 de decembro de 2017

Postais de Nadal

O pasado luns día 18 reuníuse o xurado para elexir as Postais gañadoras da XVII edición do Concurso convocado polo Concello de Barro a través da OMIX e no que colaboramos. 
Con este vídeo queremos presentar as postais gañadoras e finalistas do mesmo e desexarvos que pasedes un Bo Nadal e unhas merecidas vacacións.

Un saúdo,
MIMI

21 de decembro de 2017

Recomendación de lecturas

Xa chega o tempo de Nadal, e con el as nosas recomendacións para que sumedes algunha destas propostas nas vosas cartas e o pasedes ben lendo.
Fixemos unha escolma especial de libros sobre "mulleres" por ser esta a temática do proxecto deste curso no cole. Agardamos que vos guste.


Un saúdo.
MIMI

17 de decembro de 2017

Nova xuntanza do Club de Lectura.

Pareceunos moi interesante e sorprendente este relato de Fina Casalderrey. 
Ao principio costounos entender a relación do acontecido no hospital nos primeiros capítulos co resto da historia, pero comentando todas xuntas ... descubrimos unha historia moi doce, moi tenra e engaiolounos.




O noso próximo libro vai ser un relato que mestura maxia e aventuras a partes iguais (según dixo a profe)
Ao comezar cun libro en galego, imos ler o seguinte en castelán, "Mago por casualidad" de Laura Gallego.
Xa estamos impacientes...
Un saúdo
MIMI

MARIE CURIE. 150 Aniversario no Mes da Ciencia.

Para iniciar as actividades do Mes da Ciencia do noso centro escollemos a Marie Curie como científica a investigar dado que se cumple este mes de novembro o 150 aniversario desta tenaz e incríble muller.
Comezamos propoñendo un xogo de pistas. Partimos dunha fotografía e cada día incorporamos unha pista para afondar na investigación polo miúdo cada quen na súa aula.
Podedes ver algúns exemplos do alumnado de infantil de 5 anos nesta presentación:

O alumnado de infantil fixo o seu aporte desenvolvendo uns experimentos na biblioteca e nas aulas que nos amosan no seu blog,PEQUECHOLANDIA

Aquí recollemos nun vídeo un resumo destas actividades do Mes da Ciencia.


Un saúdo.
MIMI.

12 de decembro de 2017

Concurso de postais de Nadal

Queremos recordar que o plazo de entrega do concurso de postais convocado polo Concello remata esta semana. 
Podedes entregar un máximo de dúas tarxetas por persoa na BP e tamén na Biblioteca do noso centro antes do venres 15
Lembrade ler as bases para completar correctamente os vosos datos na parte traseira da postal.
Un saúdo. 
MIMI.


8 de decembro de 2017

Exposición de robots no Mes da Ciencia.

O alumnado de 4º curso de Primaria foi o responsable de dar inicio ao Proxecto de Robótica Educativa dentro das actividades do Mes da Ciencia nas Bibliotecas Escolares.
O seu primeiro reto foi o de pensar e describir como imaxinaban un robot para, a continuación, construir un con materiais de refugallo. 
Como traballaron "a noticia" nas clases de lingua, redactaron tamén como reporteiros e reporteiras a súa visión do proxecto.

Os alumnos/as de 4ºB e 4ºA do CEIP Amor Ruibal van facer un robot con materiais de refugallo.  Serán todos distintos porque cada neno/a utiliza a súa imaxinación. 
Nicolás López, 4º B

Os alumnos/as de 4º do colexio Amor Ruibal tiveron como tarefa facer un robot. Traballaron con materiais caseiros, como por exemplo: papel aluminio, caixas, cordeis, tapóns, etc.
Todos e todas colaboraron levando o seu. Estiveron expostos na Biblioteca do colexio durante o mes de novembro. 
Saray Viqueira, 4º B

Durante o mes de novembro estiveron expostos na Biblioteca.
Gustou tanto a exposición e os traballos realizados que fixemos unha votación entre o alumnado. Na imaxe de esquerda a dereita: Saray, Brais, Irene e Pablo cos seus robots.
 Parabéns a todos e todas polo voso traballo!

Así o recollemos tamén no blog de 3º e 4º curso:
http://amorruibalsegundociclo.blogspot.com.es/2017/12/construimos-robots.html
Un saúdo.
MIMI.


4 de decembro de 2017

Plantación de castiñeiros

     O alumnado de 5º de Primaria participou o pasado mércores, 29 de novembro, nunha actividade coa CMVMC de Perdecanai: A plantación de castiñeiros nos terreos que esta Comunidade de Montes dispón ao pé do campo de fútbol de Outeiro. 


     Esta actividade está enmarcada nun proxecto de colaboración coa CMVMC de Perdecanai e que queremos estender ás outras CMVMC do Concello cun obxectivo dobre: Por unha banda implicar a nenos e nenas no coidado do seu entorno e, por outra, achegar ao alumnado a importante labor das CMVMCs como un elemento esencial da nosa cultura e tecido comunitario. 

     O acontecemento contou cunha testemuña de excepción: A TVG, en concreto o programa Aquí Galicia que, co gallo da II Raxofesta, fará presenza en Barro o sábado 9 de decembro no campo de fútbol de Outeiro. Haberá unha pantalla para seguir o programa en directo.






     Na plantación dos castiñeiros utilizouse compost do composteiro comunitario de Barro e o alumnado tivo uns padriños de excepción: José Sanmartín (tenente de alcalde do Concello), José Güimil, José Mera, Gerino Calvo, Quique Pintos (mestre composteiro de Barro) e empregados de Escavacións Outeda e Otero Forestal. 

 Foi unha experiencia tan gozosa como enriquecedora e exemplar.


Moitísimas grazas!!

1 de decembro de 2017

25N en Barro

O pasado venres día 24 participamos nun acto colectivo para conmemorar o Día Internacional contra a Violencia de Xénero organizado polo noso centro coa colaboración do IES de Barro, ANPA San Antoniño, ANPA Amor Ruibal e Concello de Barro.
Tiñamos previsto realizalo na Praza do Concello pero debido ao mal tempo trasladámolo ao Salón de Actos da Biblioteca Pública onde nos reunimos alumnado e profesorado de Primaria, Secundaria, Corporación municipal e demais familiares e veciñanza.
Simultaneamente o alumnado e profesorado de Infantil desenvolveu o acto no Ximnasio do colexio polas circunstancias meteorolóxicas.



Moitísimas grazas pola participación!!
Un saúdo,
MIMI

23 de novembro de 2017

22 de novembro de 2017

Visita de Petra

O pasado luns, día 20, recibimos no noso centro unha visita moi especial. Carlos Taboada e Quique Mauricio presentáronnos nun orixinal contacontos a Petra, unha artista da Idade de Bronce.
Quique contounos que daquela facían gravados picando nas pedras e penedos. As figuras que máis empregaban eran as de animais (como os cabalos) e tamén xeométricas (sobre todo espirais).
Contounos sobre os petróglifos cercanos: Mogor, Campolameiro, ... e de "Terras de Pontevedra" que é unha mancomunidade turística que quere promocionar os nosos recursos, neste caso a "Arte Rupestre".
Tivemos ocasión de facerlle algunhas preguntas que contestou con moita paciencia; mentras esto ocorría, Carlos (que é ilustrador) fixo un debuxo precioso de Petra diante dun petróglifo e despois ensinounos como facer un debuxo dela.
Quedaron moi chulos!!
Amosamos un pequeno vídeo cunha escolma de fotografías deste contacontos-obradoiro.


 
Carlos e Quique pasaron pola Biblioteca do cole e deixáronnos unha bonita dedicatoria no noso libro de visitas.
Moitas grazas!
Foi unha actividade moi interesante!


Carta de MIMI polo 25N

Hoxe enviamos ás familias do noso alumnado unha carta na que citamos a toda a comunidade educativa e veciñanza a unha concentración diante do edificio do Concello e na que participarán tamén o IES, as ANPAS e o Concello de Barro o vindeiro venres dentro das actividades conmemorativas do Día Internacional contra a Violencia de Xénero.
Animádevos a participar!!
Contamos con vós!!
Un saúdo.
MIMI

18 de novembro de 2017

Agardamos a visita de "Petra"

O vindeiro luns chegarán ao noso centro os integrantes de "Polo correo do vento" (Enrique Mauricio e Carlos Taboada) para presentar a "Petra" a todo o alumnado de Primaria.
Con eles aprenderemos unha morea de cousas acerca da Idade do Bronce e a Arte Rupestre.

Trátase dunha actividade organizada pola mancomunidade Terras de Pontevedra e conta co patrocinio da Xunta de Galicia e a colaboración do Concello de Barro.

Quique e Carlos visitaron o noso centro hai dous cursos para presentarnos un contacontos dentro da campaña "Protexendo o Camiño" da Xunta de Galicia.
Vémonos na biblioteca!
Un saúdo.
MIMI.

17 de novembro de 2017

Magosto no CEIP Amor Ruibal

A pasada semana tivo lugar no noso centro a celebración do Magosto. Foi unha mañá moi activa na que toda a rapazada gozou cos xogos populares que se organizaron nos patios do colexio. Despois, reunímonos no patio de infantil para cantar e bailar tod@s xunt@s a canción "O noso magosto".


Esta canción, habitual nas nosas celebracións, ten letra e coreografía creada polo noso alumnado a partir da melodía da cantiga popular "Na beira do mar". Nesta ocasión alumnado de 5º e 6º curso de Primaria interpretaron esta peza con frautas, pandeiretas, cunchas de vieira e bombo.
Tod@s estiveron xeniais: Cantantes, instrumentistas, bailaríns e bailarinas.




Parabéns!
A continuación amosamos un vídeo resumo do acontecido ao longo da mañá. Agardamos que vos guste!


Un saúdo.
MIMI

6 de novembro de 2017

E chegou o Magosto!

Hoxe chegou á Biblioteca do cole a última aportación para a exposición de outono, o alumnado de 5º curso de Primaria elaborou unha fantástica "Castañeira-call". 
Eles foron os primeiros en retratarse e dar comezo ao noso magosto.


Ofrecemos tamén as imaxes dos cartaces gañadores e finalistas do concurso que celebramos para anunciar o Magosto no noso centro.
Moitísimas grazas polas vosas aportacións!!


Un saúdo,
MIMI

5 de novembro de 2017

Charla sobre seguridade na rede.

O pasado martes día 31 personouse no centro Jose Manuel Lustres, membro da comandancia da Guardia Civil de Vilagarcía para impartir unha charla sobre os riscos de seguridade nas novas tecnoloxías e redes sociais.
Comentou a gran utilidade da internet pero alertounos dos distintos perigos que agocha hoxe en día.

Abordou temas para a protección dos nosos dispositivos (manter a actualización do sistema operativo, ter antivirus, sistemas de bloqueo,...) precaución no uso de wifis abertas, aparición de contido dañino nas buscas realizadas,... e ofreceu recursos e consellos para poder navegar con seguridade.

Para completar o ciclo formativo, ofreceu a posibilidade de impartir no centro unha charla para as persoas responsables (familias, mestr@s,...) da que informaremos tan pronto teñamos data.

Un saúdo,
MIMI


4 de novembro de 2017

Actividades no "Mes das Bibliotecas"

Ao longo de todo o mes de outubro desenvolvéronse unha chea de actividades para celebrar o Mes das Bibliotecas.
Como ven sendo habitual nestas datas, visitamos a Biblioteca Pública. En colaboración coa OMIX de Barro organizamos un calendario no que todo o alumnado do noso centro visitou as súas instalacións.
Recollemos un resumo da visita no seguinte vídeo.


No noso centro organizáronse diversas actividades e todas arredor da Biblioteca: 
  • Un novo grupo de Axudantes da Biblioteca reuníuse para coñecer polo miudo as súas funcións, cales serían as gardas asignadas, ...
  • O Club de Lectura celebrou tamén a súa primeira reunión o Día da Biblioteca Escolar.
  • As distintas aulas pasaron pola Biblioteca do cole para visitar a exposición "Outono de contos" durante a Semana Grande, coñecer o lema e cartaz das Bibliotecas deste curso escolar, ler contos, recibir formación de usuarios, e recibir os seus carnés de lectores para comezar o préstamo.
  • O alumnado de 5º e 6º curso de Primaria acudíu a unha charla impartida por personal da Guardia Civil sobre Novas Tecnoloxías e Redes Sociais, actividade de formación relacionada coa ALFIN / AMI. 
Recollemos todas estas actividades no vídeo resumo que ofrecemos a continuación.



Un montón de traballo e bo facer en prol das Bibliotecas!
Moitísimas grazas a todos e todas pola vosa colaboración!
Un saúdo,
MIMI

3 de novembro de 2017

Cartaces do Magosto

Xa temos os cartaces gañadores do concurso deste ano!!
En Educación Infantil cada aula presentou un único cartaz de creación colectiva., resultando o cartaz gañador o elaborado pola aula de 6º de Infantil B


En Primaria o proceso de selección foi diferente. En cada aula elaboráronse diversos cartaces ( a maioría en grupos) e foi o alumnado quen votou para seleccionar o que sería finalista da súa clase.
De todos os cartaces finalistas o gañador foi o presentado pola aula de 2º B e foi elaborado por: Alejandro Monteagudo, Brais Ucha, Carlos Taboada, Iago Seijo, Paula Rivas e Lucía Sánchez.

Parabens artistas!!
Grazas a todos e todas pola vosa participación!! 
Un saúdo
MIMI.

26 de outubro de 2017

Robótica Educativa en Primaria.

En marcha xa o Proxecto de Robótica educativa para Primaria. Onte celebrouse unha xornada de traballo en Santiago para o profesorado responsable do mesmo.
Hoxe presentamos e desenvolvimos a 1ª sesión "pensando" co alumnado de 4º curso de Primaria na Biblioteca do colexio. A introdución ao proxecto está alonxado na ula virtual.

Un saúdo,
MIMI

24 de outubro de 2017

Comenza nova andaina o Club de Lectura MIMI.

Celebramos hoxe, Día da Biblioteca Escolar, a primeira reunión deste curso no Club de Lectura MIMI. E comezamos con moita ilusión escollendo para este mes o libro "Unha pantasma blanca" de Fina Casalderrey.
Un grupiño pequeno pero xeitoso; con moitas ganas de ler, como dixeron Nerea, Bea e Adriana; con ilusión según contou África, porque "mi madre me dijo que en un club de lectura voy a pasarlo bien y a aprender muchas cosas"; aínda que tamén algunhas confesaron sentir unha pouca vergoña e certa timidez como Yadire, Andrea ou Lorena.
Por outra banda a nosa mascota estaba feliz de recibir hoxe a visita de toda a rapazada do cole para dar inicio a este curso na biblioteca. 
O equipo de axudantes máis as profes estiveron traballando un montón para que todo estivese a punto. Pronto veredes un resumo das actividades desta semana.
Un saúdo,
MIMI.

Ruta de sendeirismo por Perdecanai

     Coa chegada do outono, o alumnado de 1ºA, 1ºB, 2ºA e 2ºB gozou dunha ruta de senderismo por Perdecanai, explorando a Pedra do Home e os muíños de Souto de Lux.
      Sebas, Álex, Hugo e Martín cóntanonlo así:

Sebas
Álex

Hugo
Martín

23 de outubro de 2017

Concurso de cartaces para o Magosto

Este ano a celebración principal do outono vai ser "O Magosto". Na Biblioteca realizaremos unha exposición coas vosas aportacións plásticas sobre esta estación, exposición temática de lecturas, e máis actividades que estamos preparando.

Montaremos a exposición: "Un outono entre contos"

Por esa razón chegaron estes días ás vosas aulas unhas cartas moi especiais... a convocatoria do Concurso de Cartaces para o Magosto.

Anímovos a participar!!

Un saúdo,
MIMI.


21 de outubro de 2017

Outubro, Mes da biblioteca.

Ao longo deste mes de outubro desenvólvense diversas actividades nas bibliotecas co gallo da celebración do "Día da Biblioteca" o día 24. 

"Como cada año desde 1997 la Asociación Española de Amigos del Libro Infantil y Juvenil en colaboración con el Ministerio de Educación, Cultura e Deporte conmemoran el Día de la Biblioteca en recuerdo a la destrucción de la Biblioteca de Sarajevo, incendidada en 1992 durante la Guerra de los Balcanes."
Fuente:  http://rbgalicia.xunta.gal/es/actualidade/avisos/dia-de-la-biblioteca-2017

Nós daremos conta de todas as actividades que se veñen desenvolvendo en vindeiras entradas: A nosa visita á Biblioteca Pública, a apertura do curso na Biblioteca do Cole, o equipo de Voluntari@s da Biblioteca, a primeira reunión do "Club de lectura" e algunha cousiña máis que está no forno e da que iniciaremos andaina neste curso escolar ...

Polo de agora presentamos o cartaz que, con motivo da conmemoración desta data nas Bibliotecas Escolares Galegas, publica o departamento de Educación da Consellería de Cultura, Educación de O.U. 

"Cada ano proponse un lema e encárgase a súa interpretación a un creador ou a unha creadora do fértil mundo da ilustración en Galicia. Xosé Tomás é o ilustrador que este ano achega a súa creación a todas as bibliotecas escolares do territorio galego. Aprender a pensar coa biblioteca escolar, o lema elixido nesta ocasión, convida ao aproveitamento dos recursos, dos espazos, dos tempos e das actividades que a biblioteca facilita a toda a comunidade educativa."

Fuente: http://www.edu.xunta.es/biblioteca/blog/?q=node/1025

Espérovos o vindeiro martes, día 24 na Biblioteca do cole para celebrar esta data e o comenzo da nosa "Semana da Biblioteca" 
Un saúdo,
MIMI.

11 de outubro de 2017

BAROSA LÍQUIDA

Desde a biblioteca do cole animamos ao noso alumnado a participar na proposta que nos fixo chegar a organización do Festival Barosa líquida.
Baixo o lema do certame, "Todo o que cae na rede é peixe" pediamos a elaboración plástica "dun peixe".

Mirade que traballos máis lindos trouxeron!
Grazas a todos e todas polas vosas aportacións!



 
Podedes gozar das variadas actividades deste festival este domingo, 15 de outubro, na Barosa. 

Velaquí tedes o cartaz do evento.

Un saúdo,
MIMI.

14 de setembro de 2017

Concerto didáctico da BXB

Esta mañá gozamos dun interesante concerto didáctico, O país dos instrumentos, a cargo de compoñentes da Banda de música xuvenil de Barro, algúns deles mestres e mestras da Escola de música do noso Concello.
Por xentileza do Concello, membros de Protección Civil escoltaron a nosa subida á Nave da Música que foi cedida para a realización desta actividade. 

Manuel Fariña actuou de narrador ademais de amosarnos algúns instrumentos de percusión e a trompa; Iván amosou como sona a trompeta; Óscar, o trombón e o bombardino; Marcos, percusión, o óboe e o corno inglés; Anabel, o fagot; Alejandra, o clarinete; Martín, o saxo; Ana, a frauta travesa e Laura, o cello.
No seguinte vídeo podedes ver unha escolma fotográfica da súa actuación.



Que ben o pasamos!
Moitísimas grazas!

Un saúdo
MIMI

12 de setembro de 2017

Salón do libro, 2018

A XIX edición do Salón do Libro Infantil e Xuvenil de Pontevedra xa está en marcha con importantes novidades.
A primeira delas chega da man dalgunhas librerías da cidade cunha iniciativa que se chama "A túa librería recomenda" e na que cada semana, a través das redes sociais, recomendarán unha obra literaria relacionada co tema da vindeira edición do Salón: "Mulleres de conto"

O pasado sábado a librería Seijas deu inicio a esta iniciativa coa recomendación de Anagnórise, obra de Mª Victoria Moreno (autora homenaxeada no Día das Letras Galegas 2018)

Dende a nosa biblioteca agradecer á súa libreira, Nenuca, a súa sempre xenerosa colaboración cos equipos de Bibliotecas Escolares.

Un saúdo.
MIMI

31 de xullo de 2017

28 de xullo de 2017

Acto de Graduación e entrega de orlas.

Na última semana de clase celebramos no noso centro o acto de Graduación e entrega de orlas ao alumnado de 6º curso de Educación Infantil primeiro, e posteriormente ao alumnado de 6º de Primaria. Este ano por vez primeira e debido ao incremento de alumnado quixemos separar ambos actos para recibir con maior comodidade ás familias d@s graduad@s.
Amosamos a continuación un vídeo resumo dstes actos.



O acto de entrega de Primaria estivo amenizado pola Banda da Escola de Música de Barro ( a maioría alumnado do noso centro) , dirixida por Alberto Busto.
Fixérono moi ben!



Parabéns a todos e todas!!
Vémonos en Setembro!
Un saúdo,
MIMI

12 de xullo de 2017

Vídeo da Entrega do IX Premio MIMI

Aquí podemos amosar xa un vídeo resumo do acto de entrega do noso IX Premio MIMI ao Persoeiro do Ano que este ano lle foi concedido a "Migallas Teatro". 
O alumnado de 5º curso, responsables do Proxecto, presentou o evento e preparou unhas bonitas coreografías para cantar e bailar neste acto. Un grandísimo traballo que María e Carlos, integrantes de Migallas, souberon recoñecer e agradecer.



Un saúdo.
MIMI

6 de xullo de 2017

Xogamos, cantamos e bailamos no Roteiro Tonucci

O alumnado de 1º e 2º nivel desplazouse a Pontevedra para participar nesta actividade organizada pola Deputación Provincial. O roteiro debe o seu nome ao pedagogo italiano FRATO, acrónimo de Francesco Tonucci, defensor nas súas teses das "Cidades dos nenos e das nenas" como espazos que deben ser deseñados á medida para a rapazada para que poidan ser aproveitados tamén polo resto da cidadanía, e que ten como claro exemplo a cidade de Pontevedra.
Neste roteiro acompañounos o grupo "Migallas Teatro" ( o noso actual Premio MIMI ) e con eles "Xogaron cantaron e bailaron en Pontevedra!"
O roteiro iniciouse no Pazo da Deputación Provincial onde recibiron unhas biseras como agasallo para protexerse do sol da mañá e continuaron cara o Monumento aos heroes de Ponte Sampaio.
Continuou este roteiro por distintas plazas e lugares do centro histórico. Detivéronse na Plaza de España onde celebraron un "Consello das nenas e dos nenos" no que expresaron desexos e propostas para mellorar a nosa localidade, Barro.
 Cantaron e xogaron tamén na Plaza de Santa María e na Plaza de Méndez Núñez.
 Para terminar a mañá con xogos populares (e con materiais reciclados) na Plaza da Pedreira, diante do Pazo de Mugartegui.

 Podedes mirar máis imaxes e ler máis sobre esta saída no blog de 1º e 2º nivel:
https://amorruibalprimeirociclo.blogspot.com.es/2017/07/roteiro-tonucci.html

Foi unha actividade moooi interesante!
Pasámolo xenial!
Un saúdo,
MIMI