31 de xaneiro de 2018

Día da Paz 2018

A corporación municipal e a comunidade educativa do CEIP Amor Ruibal de Barro uniron onte as súas voces para conmemorar o Día Internacional da Paz. 


O alcalde, Xosé Manuel Fernández Abraldes, transmitiu a necesidade de traballar todos os días do ano a prol dunha convivencia pacífica. Na mesma liña, o alumnado compartiu con todas as persoas presentes un vocabulario pacífico imprescindíbel na nosa vida cotián, co obxecto de desenvolver hábitos, valores e actitudes positivas.


Logo, maiores e pequen@s gozamos cantando e danzando o "Baile da Paz" de Mamá Cabra.


O acto finalizou coa solta simbólica dunha pomba branca a cargo da alumna Alejandra Remiseiro Castro.


"Non hai camiño para a paz; a paz é o camiño" (Mahatma Gandhi) 

Ningún comentario:

Publicar un comentario