Protocolo de uso da Biblioteca escolar.

Chega outubro, Mes das bibliotecas, e xa temos preparado o Protocolo de uso para a Biblioteca coas modificacións e normas que debemos seguir mentres dure a situación actual; calquera cambio que se produza no Protocolo do centro polas instrucións que nos cheguen será comunicado. 

En espera da celebración do Día das Bibliotecas con algunha sorpresiña e a apertura anual da biblio deixamos nesta entrada os cartaces que deseñamos para este inicio de curso en cumplimento co Protocolo á situación provocada pola Covid-19.

Benvidos e benvidas a este novo curso escolar!

Vémonos na Biblioteca!

 

HORARIO CORENTENA

O mestre Manuel Velasco publicou o domingo pasado a seguinte imaxe no seu blog "Ayuda para maestros". Na fotografía vemos o horario establecido na súa casa para esta corentena elaborado de xeito moi creativo ademais de conter actividades moi variadas.

A nós pareceunos unha boa idea de onde partir para a elaboración dos horarios ou da vosa rutina de tarefas para estas semanas na casa. Fixemos algunha adaptación pensando en alumnado de diferentes idades e propoñemos algo así:

Animádevos a planificar, deseñar e crear en familia vistosos horarios e sacádelle proveito a estes días en compañía das vosas pequenas e pequenos artistas!!!

Na páxina web do centro están colgadas as tarefas curriculares que suxiren as mestras de cada nivel ou ciclo para esta semana.

Aquí vos deixamos o enlace:

https://www.edu.xunta.gal/centros/ceipamorruibal/?q=node/118#attachments

(Os documentos están nos "adxuntos")

Engadiremos tamén propostas máis xerais, de desenvolvemento competencial, cun repositorio de recursos variados - en elaboración-

Moito ánimo a todos e a todas!!!

#euquedonacasa

 

Recomendacións lectoras para este Nadal.

O trimestre chega ao seu fin e, co descanso do Nadal, chegan tamén as nosas recomendacións na guía de lecturas que elaboramos na biblioteca.

Guia Nadal 2019 by Amor Ruibal on Scribd

Recomendacións lectoras

Ofrecemos as nosas recomendacións lectoras para este tempo de verán:

Feliz Verán e Felices Lecturas!!!

Recomendacións lectoras

Presentamos as nosas recomendacións de lecturas para que as teñades en conta nas vosas peticións deste Nadal.

Cousas Nosas XVIII

Co remate do curso chegou ás vosas casas a edición en papel da revista escolar. Hoxe publicamos a edición dixital para que a gocedes a toda cor.

Podedes acceder a esta e ás revistas anteriores a través do blog de lecturas e produccións propias, do que tedes enlace na barra da dereita si premedes na imaxe da revista "Cousas Nosas" ou ben premendo no enlace a continuación.

http://lecturasecousasnosas.blogspot.com.es/search/label/Cousas%20nosas.

Lecturas recomendadas

Aquí vos deixamos as recomendacións lectoras da Biblioteca para este verán. Unha ampla variedade de títulos para que gocedes cun libro durante as vacacións.

"Petro Go" e as visitas aos Petróglifos

Unha vez rematado o Proxecto dos Petróglifos o alumnado participante realizou unha saída ao PAAR (Parque Arqueolóxico da Arte Rupestre de Campolameiro) para realizar unha visita guiada e uns obradoiros.

Podedes ler máis sobre estas visitas accedendo aos blogs e premendo nos seguintes enlaces:

http://pequecholandia.blogspot.com/2018/06/visitamos-o-paar-de-campolameiro.html

http://amorruibalsegundociclo.blogspot.com/2018/06/visitamos-o-parque-arqueoloxico-de.html 

Invitamos ás familias destes niveis a participar con nós neste proxecto e quixemos recoller tamén as súas visitas. Así, enviamos unha carta na que explicabamos a actividade para recopilar imaxes das visitas realizadas a distintos petróglifos que enlazamos para crear un mapa virtual.

O enlace a este mapa virtual témolo na marxe dereita deste blog baixo o nome de: "Petro Go" e podedes acceder premendo na imaxe que amosamos a continuación

Recomendación de lecturas

Xa chega o tempo de Nadal, e con el as nosas recomendacións para que sumedes algunha destas propostas nas vosas cartas e o pasedes ben lendo.
Fixemos unha escolma especial de libros sobre "mulleres" por ser esta a temática do proxecto deste curso no cole. Agardamos que vos guste.

Un saúdo.
MIMI

Cousas nosas XVII

Revista escolar en formato dixital do curso 2016/ 17

As nosas recomendacións

Aquí vos deixamos as recomendacións lectoras para este verán. Incluímos unha sección especial de libros de imaxes. Son verdadeiras obras de arte nas que, sin palabras, recrean fermosas historias nas que o detalle das ilustracións é espectacular.
Confiamos que vos gusten e que as gocedes alí donde esteades este verán.

Un saúdo
MIMI

Exposición do Proxecto "Tapóns solidarios"

O alumnado de 5º curso de Primaria presentou ao longo da pasada semana o seu proxecto da campaña solidaria de recollida de tapóns na Biblioteca do cole.

Contaron con detalle a motivación e finalidade da campaña, e tamén como nós podemos contribuir.

Prepararon un folleto para darlle difusión entre as familias e que se repartíu estes días no centro.

Para ler máis sobre a súa investigación podedes seguir o enlace ao blog de 5º e 6º curso.

http://amorruibaltercerciclo.blogspot.com.es/2017/02/tapons-solidarios-para-nahir.html

Un saúdo.

MIMI.

As nosas recomendacións

Adoitamos ofrecer nestas datas unha selección de lecturas que preparamos para que  incluades nas vosas cartas aos Reis.
Agardamos sexan do voso agrado.

Un saúdo
MIMI

Lecturas temáticas

Queremos ofrecervos esta pequena escolma de lecturas que nos poden acompañar e axudar a responder a máis dunha pregunta ante esta situación tan difícil e chea de dor.

Con todo o noso amor,
Un saúdo
MIMI

Concurso de Postais de Nadal

Xa está cerca o Nadal. Un ano máis acollemos con ilusión a convocatoria para participar no XVI Concurso de Postais de Nadal que publica o Concello de Barro, a través da OMIX.,

O concurso vai dirixido a todas e todos os veciños de Barro e conta cunha nova modalidade para participar en familia.
Corresponde coa Categoría 7 : en equipo.

Invitámosvos a colaborar e participar conxuntamente nesta modalidade, tal e como suxiren as bases: avós e avoas cos vosos netos ou netas, pais e nais cos vosos fillos ou fillas, varios  irmáns xuntos,...

Achegamos unha imaxe coas bases da convocatoria deste ano :

Podedes deixar as vosas postais na Biblioteca do colexio

 antes das 14:00 horas do mércores, 14 de Decembro.
Recordade que a postal gañadora aparecerá na recomendación de lecturas do Nadal.

Un saúdo
MIMI

Resolución definitiva do Plan de Mellora de Bibliotecas escolares (PLAMBE) 2016/17

BLOG DAS BIBLIOTECAS ESCOLARES DE GALICIA

O DOG de hoxe, 26 de outubro, publica a Orde de 13 de outubro  pola que se resolve a convocatoria do Plan de mellora de bibliotecas escolares en centros non universitarios sostidos con fondos públicos para o curso 2016/17. A resolución detalla as contías asignadas a cada centro para este curso que para os centros con máis de dous anos de permanencia no programa será só para fondos, e paraos incluídos nesta convocatoria e na correspondente ao curso anterior, será para fondos, mobiliario e outros equipamentos imprescindibles, así como para gastos de funcionamento.

As bibliotecas escolares, deben ter, ademais, no orzamento "ordinario" derivado dos gastos de funcionamento do centro, de entre un 5% e un 10%, según as instrucións de comezos de curso da D.X. de Centros e Recursos Humanos. 

Intégranse 38 centros públicos e 10 centros concertados, polo que o total de centros integrados nesta Rede de Bibliotecas Escolares" que constitúe o PLAMBE chega este ano a 615 centros.

Un saúdo,
MIMI

COUSAS NOSAS XVI

Hoxe repartíuse no cole a nosa revista escolar "Cousas nosas". Xa tedes nos vosos fogares a versión en papel da mesma.
Deixamos aquí a versión dixitalizada para que a poidades ver e ler a toda cor.

Podedes acceder a esta e ás revistas anteriores a través do blog de lecturas e produccións propias, do que tedes enlace na barra da dereita si premedes na imaxe da revista "Cousas Nosas" ou ben premendo no enlace a continuación.

http://lecturasecousasnosas.blogspot.com.es/search/label/Cousas%20nosas. 

As nosas recomendacións.

Aquí vos deixamos as recomendacións lectoras da biblioteca para este verán. Unha ampla variedade de títulos para que gocedes cun libro durante as vacacións.

Un saúdo,
MIMI.

Concurso de Portadas para a Revista Escolar.

Un ano máis convocamos desde a Biblioteca do centro e en colaboración co ENDL o concurso de portadas para a nosa revista escolar "Cousas Nosas"
Esta vez pedimos a colaboración das familias para a súa realización na casa. Lede as bases que aparecen publicadas no vídeo que amosamos a continuación.

Animádevos a participar!

A gañadora será portada deste ano 

e as finalistas de cada ciclo aparecerán na contraportada.

Un saúdo.

MIMI. 

Finalistas e gañadores do Concurso de Micropoemas!

Xa temos noticia dos poemas finalistas do noso centro, así como dos gañadores.
Os e as poetas finalistas do noso centro son:

Pablo Riveiro e Brais Sanmartín na categoría B1

Sara Casalderrey e Matilde Sánchez na categoría B2

Noa Ares e Amanda Parra na categoría B3 

Fixemos entrega na Biblioteca do cole dun pequeno agasallo a este grupiño de poetas. Velaquí a imaxe do momento.

Os gañadores recibirán o seu premio e o diploma acreditativo nun acto que se celebrará o vindeiro 6 de maio, venres na Azucreira de Portas, organizado pola Coordinadora de Equipos de Dinamización "Terras do Umia" coñecido como "Festa da Lingua"

Gañadores son: 

Sara Casalderrey de 4º curso e Categoría B2  (4º curso)

Rafael Ruibal na categoría E    (mestres e familiares adultos)

Parabéns a todos e todas!

Un saúdo,

MIMI.