Entrega de Orlas 2022

O pasado martes, 21 de xuño, celebramos no noso centro o acto de Graduación e Entrega de Orlas ao alumnado que rematou as etapas de Educación Infantil e Primaria neste curso escolar 2021-22.

Ás 10:30 celebrouse o acto para 6º de Infantil, co acompañamento de familiares ademais do alumnado de 4º e 5º curso de Infantil. Ás 12:30 tivo lugar o acto para 6º curso de Primaria, acompañado tamén de familiares e alumnado de 4º e 5º de Primaria.

Podedes ver a continuación os vídeos resumo dos dous actos:

MOITÍSIMOS PARABÉNS!!!

FELIZ ANDAINA NA NOVA ETAPA!!!

2 DE ABRIL

Hoxe conmemoramos dúas datas importantes:

O Día Internacional do Libro Infantil e Xuvenil, data do nacemento do escritor Hans Cristian Andersen, co obxectivo de despertar o amor e gusto polos libros na xente miúda.

O Día Mundial de Concienciación sobre o Autismo, co obxectivo de dalo a coñecer e mellorar a calidade de vida das persoas que o padecen pois no viven no seu mundo, viven no noso.

Deixamos como recomendación nesta data unha proposta interactiva que agardamos vos guste:

Na esquina arriba á dereita tedes un botón que amosa os puntos interactivos. Picade en cada un deles e atoparedes libros, cine, ...

Agardamos que vos guste!

#euquedonacasa

NOVAS FIESTRAS. QUE CHE GUSTARÍA MIRAR?

As mestras e mestres do centro estivemos ocupados participando con moita ilusión na proposta que agora vos achegamos.

A partir dunha actividade, que xa foi realizada antes nalgún nivel, pensamos en darlle un novo enfoque. Mirade este pequeno vídeo que elaboramos con todo o noso cariño, atendede á pregunta que vos fai MIMI e convidámosvos a participar esta semana con esta nova actividade.

Animádevos e enviade as vosas creacións a : ceipbarro@gmail.com e así poder compartilas.

 #euquedonacasa

Braulio visita a nosa Biblioteca

Hoxe recibimos na Biblioteca do centro a visita de Braulio, un dos irmáns da popular familia Bolechas, durante a "Hora de ler".

O alumnado de 5º curso de Primaria participou con el na grabación dun dos seus programas para a TVG : "Brauliotuber" lendo, cantando,  e tamén respondendo ás cuestións que Braulio lles foi formulando sobre a temática do programa. 

Non poderemos visionar o programa ata o vindeiro ano, pero aquí deixamos unha imaxe de testemuña para o recordo.

 A experiencia resultou moi interesante e gozámola moitísimo.!

Parabéns polo esforzo!! 

Moitísimas grazas e ata pronto Braulio!!

Acompañamento lector

O día 23 de Abril conmemórase o Día Internacional do Libro e no noso centro quixemos celebralo cunha actividade coa que goza todo o alumnado "O Acompañamento lector". Padriños e madriñas lectoras escolleron contos para lerlle aos seus afillados e afilladas na hora de ler e gozar desta modalidade de lectura a catro mans.

Resumimos o acontecido nesta actividade no seguinte vídeo:

 Felices lecturas!!

Día de Rosalía 2019

A celebración do Día de Rosalía ten cousas marabillosas... como que Felipe Rea e Inés Tilve, pai e nai do noso alumno Fiz, se acheguen ata o centro para partillar con nós a `Alborada´ para Rosalía. Sumámonos así ao chamamento conxunto da Fundación Rosalía de Castro e a Asociación de Gaiteiros Galegos para homenaxear á xenial autora no día do seu aniversario.

Moitísimas grazas, Felipe!!!

Moitísimas grazas, Inés!!!

O acto serveu de magnífico colofón ás actividades de lectoescritura, oralidade e musicais desenvolvidas en todas as aulas sobre a vida e obra de Rosalía e, máis en concreto, sobre a súa `Alborada´ que todo o alumnado tan ben recitou, como podedes ver no vídeo recollido na entrada anterior:

https://oblogdemimi.blogspot.com/2019/02/alborada-de-rosalia-de-castro.html

Alborada de Rosalía de Castro

O domingo, 24 de febreiro, é o Día de Rosalía pois conmemoramos o 182 aniversario do nacemento da grandísima Rosalía de Castro. Con tal motivo, no noso centro achegámonos á súa vida e obra, con atención especial á alegre `Alborada´, penúltimo poema do seu libro Cantares Gallegos, en resposta ao chamamento conxunto da Fundación Rosalía e a Asociación de Gaiteiros Galegos para homenaxear este ano á nosa autora máis universal.

No seguinte vídeo podedes escoitar a Alborada de Rosalía na voz do noso alumnado.

"...Arriba todas, rapaciñas do lugar!...

Arriba, toleirona mocidade!,

que aturuxaremos-cantaremos o 

ala...lá...!!!"

Celebramos o Samaín

Ao longo do mes de outubro o alumnado de todos os niveis de Infantil e Primaria participou na elaboración de diferentes elementos para a decoración de corredores, aulas e Biblioteca do centro. 

Tamén crearon textos de diversa tipoloxía coa temática do medo: Receitas, apócemas, conxuros, poemas e contos que lemos e compartimos no día da celebración durante a " Hora de ler".

Boísimo traballo, artistas!!

Ruta "Da auga en calma á auga en movemento"

Este poético título corresponde á ruta de sendeirismo que une os concellos de Pontevedra e Barro e que discorre desde o embalse do Pontillón do Castro a través do monte Acibal ata a Chan de Campodeira, pasando polo Regato de Santa Susana, Triabá (e o seu cruceiro), Mane e Igrexa de San Breixo para rematar na Barosa.

O alumnado de 5º e 6º curso de Primaria fixo a súa primeira saída deste curso escolar para percorrer a pé esta senda coa compaña de mestras do centro e a inestimable guía de Xosé Manuel Fernández Abraldes, artífice da mesma.

Deixaron tetemuña desta saída no seu blog :

http://amorruibaltercerciclo.blogspot.com/2018/10/da-auga-en-calma-auga-en-movemento.html

Amosamos a continuación un vídeo resumo desta andaina:

Moitísimas grazas, Xosé Manuel, por transmitirnos o teu coñecemento e polo tempo dedicado!

Leonardo e os fontaneiros

Tal e como contabamos na entrada anterior, o pasado mércores acudimos á Nave da Música para gozar coa adaptación teatral de "Leonardo e os fontaneiros" representada pola compañía Ubú Teatro.

Posteriormente, o Sr. alcalde, Xosé Manuel F. Abraldes e Mónica Alba, dinamizadora na OMIX de Barro, estiveron na Biblioteca do noso centro para presentar o inicio de actividades na Biblioteca Pública e agasallar ao alumnado de Primaria con cadanseu exemplar de "Leonardo e os fontaneiros" de María Victoria Moreno. 

No seguinte vídeo recollemos un resumo fotográfico destes dous actos.

Moitísimas Grazas!

Bo curso a todos e a todas!

Proxecto de Robótica

Resumimos neste vídeo as actividades maís destacadas do Programa de Robótica Educativa en Primaria, no que participou alumnado e profesorado de Infantil e Primaria.

Para o seu desenvolvemento, deseñaron e levaron adiante un proxecto sobre a Prehistoria, "Os Petróglifos", que quedou recollido en entradas anteriores deste blog así coma nos blogs das aulas participantes:

En "O blog de MIMI":
https://oblogdemimi.blogspot.com/search/label/Petr%C3%B3glifos

En Infantil:
http://pequecholandia.blogspot.com/search/label/PETRA

En 3º e 4º de Primaria:
http://amorruibalsegundociclo.blogspot.com/search/label/petr%C3%B3glifos

Pasado e futuro unidos pola tecnoloxía!

APAIXONANTE!

As mans de Barro

O alumnado do CEIP Amor Ruibal de 3º, 4º, 5º e 6º de Primaria visitou a exposición de cerámica "As mans de Barro", sita na Sala de Exposicións do Concello de Barro, na primeira semana de xuño. Así mesmo gozou dun fantástico e interesantísimo obradoiro impartido polo artesán da nosa terra Celso García Alonso, autor das pezas expostas.

Aquí podedes mirar un vídeo resumo destas visitas:



Para obter máis información sobre a mesma podedes acceder aos blogs dos distintos niveis.

Blog de 3º e 4º curso:
https://amorruibalsegundociclo.blogspot.com/2018/06/visita-exposicion-as-mans-de-barro.html

Blog de 5º e 6º:
https://amorruibaltercerciclo.blogspot.com/2018/06/as-mans-de-barro.html

Moitísimas grazas!! 

Voces de Mulleres

Chegado o remate do curso, chega tamén o momento de amosar as producións de cada aula. Despois de investigar a figura da muller nos distintos campos propostos inicialmente: Ciencia, Literatura e Arte, este é o resultado do Proxecto Voces de Mulleres en cada aula.

AULAS DE EDUCACIÓN INFANTIL

O alumnado de Infantil expuxo a outras nenas e nenos de infantil, 1º e 2º curso de Primaria, o resultado da súa investigación sobre a vida e obra de diferentes mulleres en campos moi variados: científico, literario, artístico, musical, deportivo, da saúde e do sector servizos.

Podedes consultar a lista de todas elas no seu blog: PEQUECHOLANDIA
 

Aulas de 4 anos, 5º de Infantil

Aulas de 3 anos, 4º de Infantil

Aulas de 5 anos, 6º de Infantil

AULAS DE EDUCACIÓN PRIMARIA

Rosalía de Castro, Pilar Mateo Herrero, Yayoy Kusama, Mª Antonia Dans e Isabel Zendal foron as mulleres escollidas en 1º e 2º de Primaria para o proxecto Voces de Mulleres. Os resultados das súas investigacións foron expostos e compartidos co alumnado de Infantil.

Máis información no blog de 1º e 2º:

http://amorruibalprimeirociclo.blogspot.com/2018/06/exposicions-voces-de-mulleres.html 

Marie Curie, Gloria Fuertes, María Canosa, María Martiñón, Fina Casalderrey, Marisa Núñez, Mabel Rivera, Ledicia Costas, Marilar Aleixandre e Patricia Castelao, entre outras, son as mulleres sobre as que o alumnado de 3º e 4º curso desenvolveu o proxecto. Ao remate, compartiron o aprendido co alumnado de 5º e 6º de primaria.
Máis información no blog de 3º e 4º:

http://amorruibalsegundociclo.blogspot.com/2018/06/exposicions-voces-de-mulleres.html

O alumnado de 5º investigou a Emilia Pardo Bazán (escritora), Susana Seivane (música) e Ángeles Alvariño (bióloga). O alumnado de 6º centrouse en María Mariño (escritora), Antonia Ferrín Moreiras (astrónoma) e Cristina Castro (pintora). Logo, compartiron o aprendido coas compañeiras e compañeiros de 3º e 4º curso de Primaria.
Máis información no seu blog:
http://amorruibaltercerciclo.blogspot.com/2018/06/exposicion-voces-de-mulleres.html

Un gran traballo!
Parabéns a tódalas aulas!

Na X edición o gañador é ...

A pasada semana desenvolveuse na biblioteca do centro unha intensa actividade. O alumnado de 5º curso presentou as seis candidaturas que investigou para levar adiante este proxecto.

Tras escoitar atentamente todas as presentacións, alumnado e profesorado acudimos á biblioteca para emitir o noso voto na mañá do venres. Posteriormente, as persoas responsables do proxecto fixeron reconto de votos e levantaron acta do resultado.

Podedes acceder ao proceso deste traballo e coñecer a candidatura gañadora desta edición mirando o seguinte vídeo:

Repensando os patios

O pasado curso escolar iniciamos este proxecto coa recollida de propostas entre o alumnado do noso centro para "Repensar" a funcionalidade dos patios exteriores e o seu acondicionamento.

A primeira fase do mesmo está desenvolvéndose no patio de Educación Infantil. O alumnado e profesorado desta etapa educativa participou nos últimos días de xaneiro nunha plantación e preparación de algúns dos seus recantos.

Este proxecto conta co patrocinio das CMVMC de Agudelo, Barro, Curro, Perdecanai e Valiñas; así como de Voz Natura e a colaboración do Concello de Barro a quen trasmitimos o noso máis sinceiro agradecemento.

Ofrecemos un vídeo resumo desta xornada:


Un saúdo,
MIMI

Corrida do galo

O Concello de Barro a través da OMIX organizou unhas xornadas de demostración deste xogo tradicional de Entroido. Ademais de organizar campionatos nas distintas parroquias para recuperar esta actividade, e grazas á colaboración do profesorado de Eucación Física, o alumnado de 3º, 4º 5º e 6º de Primaria do noso centro gozou deste xogo nas vésperas do Entroido.

Pilar Álvarez, responsable da OMIX e Biblioteca Pública e Amelia Cancela, Concelleira de Servicios Sociais estiveron no centro para presentar e desenvolver estas xornadas.

Podedes ver o transcurso desta actividade neste vídeo-resumo.

O alumnado de 6º de Infantil que presenciou unha destas xornadas deixou unha mostra dos seus traballos sobre esta actividade no seu blog: PEQUECHOLANDIA

Un saúdo,

MIMI

Abecedario Pacífico

Presentamos este Abecedario elaborado polo alumnado e profesorado do CEIP Amor Ruibal para a Conmemoración do Día da Paz, 2018.



Un saúdo,
MIMI

Visita de Papá Noel

 O pasado mércores, día 20, Papá Noel visitou o noso centro para entregar uns agasallos a toda a rapazada pola súa participación no XVII Concurso de Postais do Concello. Traían puzzles para o alumnado de Infantil e unhas lambetadas para o alumnado de Primaria. 

Unha visita entrañable coa que gozamos pequemos e maiores. Podedes seguila neste vídeo resumo.

Desexámosvos Bo Nadal e Felices Festas!!

Un saúdo,
MIMI.

Postais de Nadal

O pasado luns día 18 reuníuse o xurado para elexir as Postais gañadoras da XVII edición do Concurso convocado polo Concello de Barro a través da OMIX e no que colaboramos. 

Con este vídeo queremos presentar as postais gañadoras e finalistas do mesmo e desexarvos que pasedes un Bo Nadal e unhas merecidas vacacións.

Un saúdo,
MIMI

25N en Barro

O pasado venres día 24 participamos nun acto colectivo para conmemorar o Día Internacional contra a Violencia de Xénero organizado polo noso centro coa colaboración do IES de Barro, ANPA San Antoniño, ANPA Amor Ruibal e Concello de Barro.

Tiñamos previsto realizalo na Praza do Concello pero debido ao mal tempo trasladámolo ao Salón de Actos da Biblioteca Pública onde nos reunimos alumnado e profesorado de Primaria, Secundaria, Corporación municipal e demais familiares e veciñanza.

Simultaneamente o alumnado e profesorado de Infantil desenvolveu o acto no Ximnasio do colexio polas circunstancias meteorolóxicas.

Moitísimas grazas pola participación!!

Un saúdo,

MIMI