INVENTORAS CON MENTES CURIOSAS

 No marco da conmemoración do Día da Muller e a Nena na Ciencia que ten lugar cada ano o 11 de febreiro, hoxe visitou a Biblioteca do noso centro Celtia Figueiras para impartir unhas intensas e interesantísimas sesións de contacontos a todo o alumnado de Infantil e Primaria baixo o título: "Inventoras, mentes curiosas". Esta actividade está promovida polos Servizos Sociais do Concello de Barro e forma parte do Programa do Pacto de Estado pola Igualdade.

Nesta actividade a rapazada coñeceu moitos inventos de grande utilidade para a vida diaria así como ás súas inventoras, moitas veces descoñecidas ou esquecidas. Tamén tiveron a oportunidade de pensar en inventos que crearían ou mellorarían, e abofé que apareceron ideas moi interesantes.

Defende o teu dereito a pensar, 

porque pensar de xeito erróneo é mellor que non pensar!  

(Hipatia de Alejandría)

Unha gozosa e moi instructiva mañá!

Moitísimas grazas!

FEIRA DA CIENCIA NA BIBLIOTECA

No marco da celebración do Mes da Ciencia en Galego, as alumnas e alumnos de 5º de Primaria organizaron unha magnífica Feira da Ciencia na nosa Biblioteca. Durante toda a semana deseñaron carteis, prepararon os materiais necesarios para a exposición e ensaiaron para que todo saíse perfecto.

O xoves, as nenas e nenos de 1º, 2º e 3º de Primaria visitaron a exposición, desfrutando en vivo e directo de ilusións ópticas e outras experiencias como: obxectos que se manteñen suspendidos na auga coa axuda de perlas xel (Orbeez) transparentes, candeas que fan subir a auga polo efecto baleiro, debuxos que desaparecen dependendo de como os mires e debuxos flotantes que se transforman en tatuaxes.

O venres foi a quenda do alumnado de 4º e 6º de Primaria, que experimentaron con reaccións químicas como a do vinagre co bicarbonato de sodio observando, en primeiro lugar, a escuma na erupción dun volcán e, en segundo lugar, os gases que se producen cun globo que se inchaba só. Tamén comprobaron as calidades do fluído non-newtoniano que, dependendo da forza que se lle aplique, resulta líquido ou sólido. Por último, aprenderon a mirar a través dun microscopio e a recoñecer os materiais que se utilizan.

Foron uns días moi intensos!!!

Moitísimos Parabéns!!!

EXPOSICIÓN `MAQUETAS DE CÉLULAS´

Hoxe inauguramos na Biblioteca a xenial exposición Maquetas de células, creadas polo alumnado de 5º e 6º de Primaria con materiais funxibles e de refugallo.

É unha das múltiples actividades que desenvolvemos en novembro, o #MesDaCienciaEnGalego nas Bibliotecas Escolares de Galicia.

Moitísimos Parabéns!!!

MES DA CIENCIA EN GALEGO 2022

O mes de novembro é o MES DA CIENCIA EN GALEGO nas Bibliotecas Escolares de Galicia, unha iniciativa impulsada pola Consellería de Cultura, Educación, Formación Profesional e Universidades, en colaboración coa Secretaría Xeral de Política Lingüística.

O manifesto elixido para este ano 2022 leva por título O deber de coñecer e transmitir a nosa historia científica e está escrito por José Tubío, profesor, investigador e divulgador na USC, que gañou no mes de maio un Premio Internacional pola súa contribución en varios dos descubrimentos máis importantes sobre o cancro.

Podedes ler o texto aquí e berrar ben forte "Terra á vista!"

Mes da Ciencia en Galego na Biblioteca

 Novembro é un mes cheo de acontecementos na Biblioteca e o que nos ocupa agora é o anuncio, como un feitizo, do MES DA CIENCIA EN GALEGO NA BIBLIOTECA.

Presentámolo co texto que o profesor e investigador Xurxo Mariño elaborou a modo de Manifesto e que podedes descargar no seguinte enlace:

https://www.edu.xunta.gal/biblioteca/blog/files/Manifiesto%202020-V1.pdf 

PEQUENOS GRANDES CIENTÍFICOS, cociñando experimentos

Non todo van ser contos...

Hoxe propoñemos a elaboración de experimentos e tamén algunha receita. Para iso podes consultar nestes manuais e ver si podes facer algunha das propostas con materiais que teñas na casa. 

Preme nas imaxes para acceder aos cadernos e demais explicacións.

Importante: Non esquezas pedir axuda a un adulto.

Moito ánimo e ... a explorar!

#euquedonacasa
 

Braulio visita a nosa Biblioteca

Hoxe recibimos na Biblioteca do centro a visita de Braulio, un dos irmáns da popular familia Bolechas, durante a "Hora de ler".

O alumnado de 5º curso de Primaria participou con el na grabación dun dos seus programas para a TVG : "Brauliotuber" lendo, cantando,  e tamén respondendo ás cuestións que Braulio lles foi formulando sobre a temática do programa. 

Non poderemos visionar o programa ata o vindeiro ano, pero aquí deixamos unha imaxe de testemuña para o recordo.

 A experiencia resultou moi interesante e gozámola moitísimo.!

Parabéns polo esforzo!! 

Moitísimas grazas e ata pronto Braulio!!

Proxecto de Robótica

Resumimos neste vídeo as actividades maís destacadas do Programa de Robótica Educativa en Primaria, no que participou alumnado e profesorado de Infantil e Primaria.

Para o seu desenvolvemento, deseñaron e levaron adiante un proxecto sobre a Prehistoria, "Os Petróglifos", que quedou recollido en entradas anteriores deste blog así coma nos blogs das aulas participantes:

En "O blog de MIMI":
https://oblogdemimi.blogspot.com/search/label/Petr%C3%B3glifos

En Infantil:
http://pequecholandia.blogspot.com/search/label/PETRA

En 3º e 4º de Primaria:
http://amorruibalsegundociclo.blogspot.com/search/label/petr%C3%B3glifos

Pasado e futuro unidos pola tecnoloxía!

APAIXONANTE!

MARIE CURIE. 150 Aniversario no Mes da Ciencia.

Para iniciar as actividades do Mes da Ciencia do noso centro escollemos a Marie Curie como científica a investigar dado que se cumple este mes de novembro o 150 aniversario desta tenaz e incríble muller.

Comezamos propoñendo un xogo de pistas. Partimos dunha fotografía e cada día incorporamos unha pista para afondar na investigación polo miúdo cada quen na súa aula.
Podedes ver algúns exemplos do alumnado de infantil de 5 anos nesta presentación:

Xogo de pistas Marie Curie de ceipbarro

O alumnado de infantil fixo o seu aporte desenvolvendo uns experimentos na biblioteca e nas aulas que nos amosan no seu blog,PEQUECHOLANDIA

Aquí recollemos nun vídeo un resumo destas actividades do Mes da Ciencia.

Un saúdo.

MIMI.

Exposición de robots no Mes da Ciencia.

O alumnado de 4º curso de Primaria foi o responsable de dar inicio ao Proxecto de Robótica Educativa dentro das actividades do Mes da Ciencia nas Bibliotecas Escolares.

O seu primeiro reto foi o de pensar e describir como imaxinaban un robot para, a continuación, construir un con materiais de refugallo. 

Como traballaron "a noticia" nas clases de lingua, redactaron tamén como reporteiros e reporteiras a súa visión do proxecto.

Os alumnos/as de 4ºB e 4ºA do CEIP Amor Ruibal van facer un robot con materiais de refugallo.  Serán todos distintos porque cada neno/a utiliza a súa imaxinación. 

Nicolás López, 4º B

Os alumnos/as de 4º do colexio Amor Ruibal tiveron como tarefa facer un robot. Traballaron con materiais caseiros, como por exemplo: papel aluminio, caixas, cordeis, tapóns, etc.

Todos e todas colaboraron levando o seu. Estiveron expostos na Biblioteca do colexio durante o mes de novembro. 

Saray Viqueira, 4º B

Durante o mes de novembro estiveron expostos na Biblioteca.

Gustou tanto a exposición e os traballos realizados que fixemos unha votación entre o alumnado. Na imaxe de esquerda a dereita: Saray, Brais, Irene e Pablo cos seus robots.

 Parabéns a todos e todas polo voso traballo!

Así o recollemos tamén no blog de 3º e 4º curso:

http://amorruibalsegundociclo.blogspot.com.es/2017/12/construimos-robots.html

Un saúdo.

MIMI.

Plantación de castiñeiros

     O alumnado de 5º de Primaria participou o pasado mércores, 29 de novembro, nunha actividade coa CMVMC de Perdecanai: A plantación de castiñeiros nos terreos que esta Comunidade de Montes dispón ao pé do campo de fútbol de Outeiro. 

     Esta actividade está enmarcada nun proxecto de colaboración coa CMVMC de Perdecanai e que queremos estender ás outras CMVMC do Concello cun obxectivo dobre: Por unha banda implicar a nenos e nenas no coidado do seu entorno e, por outra, achegar ao alumnado a importante labor das CMVMCs como un elemento esencial da nosa cultura e tecido comunitario. 

     O acontecemento contou cunha testemuña de excepción: A TVG, en concreto o programa Aquí Galicia que, co gallo da II Raxofesta, fará presenza en Barro o sábado 9 de decembro no campo de fútbol de Outeiro. Haberá unha pantalla para seguir o programa en directo.

     Na plantación dos castiñeiros utilizouse compost do composteiro comunitario de Barro e o alumnado tivo uns padriños de excepción: José Sanmartín (tenente de alcalde do Concello), José Güimil, José Mera, Gerino Calvo, Quique Pintos (mestre composteiro de Barro) e empregados de Escavacións Outeda e Otero Forestal. 

 Foi unha experiencia tan gozosa como enriquecedora e exemplar.

Moitísimas grazas!!

Robótica Educativa en Primaria.

En marcha xa o Proxecto de Robótica educativa para Primaria. Onte celebrouse unha xornada de traballo en Santiago para o profesorado responsable do mesmo.
Hoxe presentamos e desenvolvimos a 1ª sesión "pensando" co alumnado de 4º curso de Primaria na Biblioteca do colexio. A introdución ao proxecto está alonxado na ula virtual.

Un saúdo,
MIMI

Alumnado de 4º expón os seus proxectos na biblioteca

O alumnado de 4º curso investigou sobre o funcionamento das máquinas simples: o plano inclinado, a panca e a polea  e, cos produtos que elaboraron, montaron unha pequena exposición na biblioteca. 

En cada aula prepararon tamén uns xogos "conectores" para practicar o nome das comunidades autónomas e dos ríos españoles. Todos estes traballos elaborados dentro do proxecto BARRRO e coa premisa da reutilización de materiais.

No seu blog teñen máis información:
http://amorruibalsegundociclo.blogspot.com.es/2017/06/traballos-do-alumnado-de-4-e-b-con.html

Un grandísimo traballo!!

Un saúdo.
MIMI

Exposición do proxecto BARRRO.COM

O pasado venres, 9 de xuño, desplazámonos á Nave da Música (local cedido polo Concello) para escoitar a exposición do proxecto de reciclaxe deste curso, que o alumnado de 6º de Primaria tiña preparada para nós.

Alí nos esperaban para sorprendernos cunha presentación audiovisual que acompañaba a explicación do desenvolvemento do proxecto e as actividades que levaron adiante ao longo de todo o curso.

Como investigaron sobre a compostaxe, eles chamaron ao seu proxecto "BARRRO.COM" e o cartel que o ilustra foi o finalista da súa aula, elaborado por Alba Besada e Celia Pombo.

Recolleron información detallada desta data no blog de 5º e 6º:

http://amorruibaltercerciclo.blogspot.com.es/2017/06/presentacion-do-proxecto-barrrocom.html

Deseñaron un folleto informativo que recolle os puntos esenciais do proceso da compostaxe.

Coa colaboración de alumnado, profesorado e persoal do comedor do cole realizaron unha curta titulada "Nós apostamos por compostar" na que explican e dan visibilidade ao recollido no seu folleto.

Un grandísimo traballo.

Parabéns polo voso esforzo!!

Os nosos Parabéns e Agradecementos tamén a todas e todos os que, dalgunha maneira, participastes con nós ao longo deste curso para que este proxecto saíse adiante.

Un saúdo.
MIMI.

Exposición "Apúntate á compostaxe" para Infantil

O alumnado de 5º curso de Primaria estivo na nosa Biblioteca tomando boa nota do contido dos cartaces da exposición "Revitaliza", pois o seu cometido esta semana era presentarllo ao alumnado de 4 e 5 anos do cole dunha forma clara, sinxela e moi breve.
Aquí vos amosamos un vídeo resumo desta actividade.

Resultou moi interesante!!

Grazas "maiores" !!

Un saúdo
 MIMI

Exposición, charla e obradoiros do CEIDA.

Esta semana recibimos no colexio os materiais do CEIDA (Centro de Extensión Universitaria e Divulgación Ambiental de Galicia) dentro do Plan Revitaliza da Deputación de Pontevedra.

A exposición consta de 9 paneis informativos que estiveron nun primeiro momento no corredor de entrada dos maiores e pasaron a continuación á Biblioteca do noso centro onde estarán ata o vindeiro xoves.

O alumnado dos distintos niveis de Primaria participou nas distintas actividades que desde o equipo didáctico do CEIDA prepararon para eles.

Así, o alumnado de 1º e 2º curso participou no obradoiro "Xogando cos resíduos" consistente nun xogo chamado "O xoga da miñoca" (similar ao da Oca) nos que debían avanzar contestando aos distintos retos e preguntas que o xogo lles plantexou.

O alumnado de 3º e 4º curso recibíu unha charla informativa, "A voltas coa compostaxe" na que de forma amena lembraron e aprenderon máis cousas sobre a xestión de resíduos e a compostaxe.

O alumnado de 6º curso desenvolveu un obradoiro de investigación no que, a partir de mostras de compost, tiveron a posibilidade de analizar e visualizar con lupas e microscopio "Quen vive aí?"

Ao alumnado de 5º curso corresponderalle, a vindeira semana, presentar a exposición ao alumnado de Infantil.

Amosamos a continuación un vídeo resumo desta intensa semana de actividades.

Un saúdo, 

MIMI.

Día da Muller. Visita de Sheila García.

Durante as pasadas semanas (do 8 ao 17 de marzo) estivemos investigando acerca da data desta Conmemoración e sobre as mulleres que desde a Biblioteca nos propuxeron.

Cada día apareceu unha imaxe e unha pista e debiamos averiguar de quen se trataba e cal era a súa profesión, o seu oficio. Este ano a maioría delas estaban relacionadas coas Artes:

Día 8, O 8M

Día 9, ROSALÍA DE CASTRO

Día 10,  GLORIA FUERTES

Día 13, CLARA CAMPOAMOR

Día 14, SUSANA SEIVANE

Día 15, MABEL RIVERA

Día 16, MARUXA MALLO

O último día, o venres 17, reservámolo para unha muller do noso entorno e presentamos igualmente unha imaxe e pista:

Ao ver a súa fotografía, os e as "maiores" enseguida a recoñeceron pois Sheila García Prado foi a promotora do proxecto "Especies de espazos" e da exposición fotográfica sobre o mesmo que foi visitada polo noso alumnado. Ademais, segue colaborando co noso centro impartindo os obradoiros "Transforma II".

Amosamos a continuación un vídeo-resume da súa visita:



 Podedes ampliar información e ler máis sobre esta actividade no blog de 5º e 6º curso:

"UNHA VIAXE CARA A ARQUITECTURA" Sheila García Prado

Moitísimas grazas, Sheila!!

Un saúdo.
MIMI

Exposición do Proxecto "Xoguetes BARRRO SL"

O alumnado de 3º e 4º cursos de Primaria presentaron na Biblioteca do centro o seu proxecto deste curso escolar. Baixo o nome de "Xoguetes BARRRO, SL" (Salón do Libro) estes nenos e nenas amosáronnos e contáronnos que precisaron e como fixeron os seus xoguetes con materiais de refugallo.

No seu blog podemos ler o libro que elaboraron coas fichas de investigación de cada xoguete.

http://amorruibalsegundociclo.blogspot.com.es/2017/03/xoguetes-barrro-no-salon-do-libro.html

Aquí vos amosamos os vídeo que resumen a súa exposición:

O alumnado de 3º curso presentou o seu traballo a 5º e 6º de Primaria e ao alumnado de 6º de Infantil.

O alumnado de 4º curso fixo a súa exposición ante o alumnado de 1º e 2º de Primaria, así como a 4º e 5º de Infantil.

Bo traballo!!

Gustounos moitísimo!!

Un saúdo.
MIMI

Transforma II (vídeo)

Este é o vídeo-resumo da 1ª xornada de obradoiros "Transforma II" que Sheila García Prado está a impartir no noso centro para o alumnado de 3º, 4º, 5º e 6º de Educación Primaria e da que dimos cumprida información en entradas anteriores.

Agardamos que vos guste e sexa de interese.

Un saúdo.
MIMI

Transforma II

Baixo o nome de "Transforma II" comenzamos a pasada semana a primeira sesión de obradoiros que a arquitecta Sheila García Prado, artífice do Proxecto Especies de Espazos, vai impartir no noso centro ao longo deste trimestre.

Foi unha xornada moi interesane na que alumnado de 3º, 4º, 5º e 6º curso lembrou o aprendido na visita á exposición que fixeron no mes de novembro e xogando aprendeu sobre a importancia da funcionalidade nas edificacións. 

A parte que máis expectativas esperta e nos interesa, dentro do noso proxecto de reciclaxe, é a colaboración que nos brinda para dar continuidade ao seu proxecto confeccionando unha peza de mobiliario.

Amplían información os e as compañeiras de 6º curso no seu blog.

http://amorruibaltercerciclo.blogspot.com.es/2017/02/especies-de-espazos-transforma.html 

Un saúdo.
MIMI.