Concurso SONDOUMIA 2019

A Coordinadora Comarcal de Equipos de Dinamización da Lingua Galega "Terras do Umia" convoca o VII concurso de cancións en galego SONDOUMIA.

Poden participar todos os centros educativos integrantes na Coordinadora dos concellos de Barro, Caldas de Reis, Cuntis, Moraña e Portas.

Categorías: 
A. Ed. Infantil e Primaria.
B. ESO e Bacharelato.

Bases:

Presentarase unha canción en galego orixinal ou versión de temas coñecidos.

Pódese presentar como solista ou grupos.

Nun mesmo grupo poden participar integrantes de distintos centros, mais teñen que pertencer aos centros educativos da Coordinadora Comarcal "Terras do Umia".

Poden participar integrantes de distintas etapas educativas nun mesmo grupo (neste caso entrarían na categoría B).

Fases de presentación e prazos:

Fase previa: Entregaranse as gravacións a integrantes dos EDLG de cada centro en formato WAV, MP3 ou nun formato audiovisual (compatible cos programas máis habituais como VLC ou WMP).

Cada centro presentará un máximo de 2 gravacións por categoría para a fase final.

O prazo de presentación remata o venres 5 de Abril de 2019.

Fase final: As persoas solistas ou grupos finalistas interpretarán as súas cancións na Festa da Lingua e alí coñecerase quen leva o premio.

Xurado:

Actuará de xurado a cantautora MJPérez que concederá un premio por cada categoría.

Valorarase a orixinalidade e a calidade das interpretacións.

ANIMÁDEVOS A PARTICIPAR !

Postais gañadoras no XVIII Concurso de Postais

Tralo veredicto do xurado, xa temos o cartaz coa resolución do XVIII Concurso de Postais de Nadal convocado polo Concello de Barro.

Parabéns a todas e a todos os gañadores!

A continuación presentamos as postais gañadoras presentadas polo alumnado do noso centro:

CAT  1:

LUCAS MORGADE MAGARIÑOS

2º B

CAT  2:

IRIA GARCÍA PAZ
3º A

CAT  3:

ALBA BARREIRO GÓMEZ

5º A

CAT,  EN EQUIPO:

DIEGO GARCÍA PAZOS e

MARIÁN PAZOS (nai)

Visita de Papá Noel

O pasado mércores, 19 de Decembro, recibimos no colexio a tradicional visita de Papá Noel que chegou cargadiño de agasallos para o alumnado máis cativo e repartiu lamberetadas entre o resto.

O noso agradecemento ao Concello e a OMIX pola organización desta actividade que fixo moita ilusión a todo o alumnado do CEIP Amor Ruibal.

Que contan as ovellas para durmir?

Aquí vos deixamos unha mostra do rabaño que presentamos ao concurso convocado pola editorial Galaxia polo 15 aniversario da publicación da obra Que contan as ovellas para durmir? de Kiko da Silva.

Resultou un rabaño moi xeitoso!

Moitísimas grazas pola vosa colaboración!!

Parabéns, artistas!!

Un saúdo,

MIMI

Editorial Galaxia convoca Concurso de ovellas

O libro Que contan as ovellas para durmir? de Kiko da Silva cumple 15 anos. Con tal motivo, a Editorial Galaxia promove un "Concurso de ovellas" entre a rapazada. Desde a Biblioteca do cole animámosvos a todos e todas que queiran participar a traer a súa ovella elaborada cos materiais que indica na imaxe: 

• Mistos para as patas, 
• Un estropallo de arame e 
• Papel ou cartolina pintada para a cabeza. 

O luns, 15 (pola mañá) será o último día para poder entregala.

Animádevos a participar!

Un saúdo,
MIMI

Visita de Papá Noel

 O pasado mércores, día 20, Papá Noel visitou o noso centro para entregar uns agasallos a toda a rapazada pola súa participación no XVII Concurso de Postais do Concello. Traían puzzles para o alumnado de Infantil e unhas lambetadas para o alumnado de Primaria. 

Unha visita entrañable coa que gozamos pequemos e maiores. Podedes seguila neste vídeo resumo.

Desexámosvos Bo Nadal e Felices Festas!!

Un saúdo,
MIMI.

Postais de Nadal

O pasado luns día 18 reuníuse o xurado para elexir as Postais gañadoras da XVII edición do Concurso convocado polo Concello de Barro a través da OMIX e no que colaboramos. 

Con este vídeo queremos presentar as postais gañadoras e finalistas do mesmo e desexarvos que pasedes un Bo Nadal e unhas merecidas vacacións.

Un saúdo,
MIMI

Concurso de postais de Nadal

Queremos recordar que o plazo de entrega do concurso de postais convocado polo Concello remata esta semana. 

Podedes entregar un máximo de dúas tarxetas por persoa na BP e tamén na Biblioteca do noso centro antes do venres 15. 

Lembrade ler as bases para completar correctamente os vosos datos na parte traseira da postal.

Un saúdo. 

MIMI.

E chegou o Magosto!

Hoxe chegou á Biblioteca do cole a última aportación para a exposición de outono, o alumnado de 5º curso de Primaria elaborou unha fantástica "Castañeira-call". 

Eles foron os primeiros en retratarse e dar comezo ao noso magosto.

Ofrecemos tamén as imaxes dos cartaces gañadores e finalistas do concurso que celebramos para anunciar o Magosto no noso centro.

Moitísimas grazas polas vosas aportacións!!

Un saúdo,
MIMI

Cartaces do Magosto

Xa temos os cartaces gañadores do concurso deste ano!!

En Educación Infantil cada aula presentou un único cartaz de creación colectiva., resultando o cartaz gañador o elaborado pola aula de 6º de Infantil B. 

 

En Primaria o proceso de selección foi diferente. En cada aula elaboráronse diversos cartaces ( a maioría en grupos) e foi o alumnado quen votou para seleccionar o que sería finalista da súa clase.

De todos os cartaces finalistas o gañador foi o presentado pola aula de 2º B e foi elaborado por: Alejandro Monteagudo, Brais Ucha, Carlos Taboada, Iago Seijo, Paula Rivas e Lucía Sánchez.

 

Parabens artistas!!

Grazas a todos e todas pola vosa participación!! 

Un saúdo

MIMI.

Concurso de cartaces para o Magosto

Este ano a celebración principal do outono vai ser "O Magosto". Na Biblioteca realizaremos unha exposición coas vosas aportacións plásticas sobre esta estación, exposición temática de lecturas, e máis actividades que estamos preparando.

Montaremos a exposición: "Un outono entre contos"

Por esa razón chegaron estes días ás vosas aulas unhas cartas moi especiais... a convocatoria do Concurso de Cartaces para o Magosto.

Anímovos a participar!!

Un saúdo,
MIMI.

Vídeo da Entrega do IX Premio MIMI

Aquí podemos amosar xa un vídeo resumo do acto de entrega do noso IX Premio MIMI ao Persoeiro do Ano que este ano lle foi concedido a "Migallas Teatro". 

O alumnado de 5º curso, responsables do Proxecto, presentou o evento e preparou unhas bonitas coreografías para cantar e bailar neste acto. Un grandísimo traballo que María e Carlos, integrantes de Migallas, souberon recoñecer e agradecer.

Un saúdo.

MIMI

Agasallos para o alumnado de Infantil.

A pasada semana o alumnado de Infantil do noso centro acudíu á Biblioteca para recibir de mans do alcalde de Barro uns agasallos pola participación no concurso de contos "Cóntame un conto, veciño" que organizan conxuntamente os concellos de Barro e Portas.

Diana (mamá de Noa) e Adán acompañaron a Pili (A informadora Xuvenil da BP do concello) para contarnos un conto. Diana traía na súa maleta á ratiña Luisa para contarnos o conto do rato "Paco" de Paula Carballeira.

Gustounos moitísimo!

A continuación, o Sr alcalde, Xosé M. F. Abraldes, fixo entrega dos agasallos. O/A responsable do día foi quen recolleu das súas mans un paquete cuns libros e un puzzle para cada aula.

No blog de Infantil podedes mirar un fermoso vídeo resumo de esta actividade.

 http://pequecholandia.blogspot.com.es/2017/06/agasallos-contame-un-conto-vecino.html

Moitísimas grazas ao Concello e OMIX por traballar en prol da formación d@s cativ@s!!

Un saúdo

MIMI

Entrega do IX Premio MIMI

E chegou o gran día...

O Premio MIMI desta IX convocatoria foi entregado antonte, mércores día 14, na nave da música do concello a "Migallas Teatro" 

María Campos e Carlos Yuste, que forman este grupo hai xa 25 anos, viñeron a recollelo.

Estiveron tamén na biblioteca do cole e deixaron unha bonita dedicatoria no noso libro de visitas.









Ao final do acto o alumnado de 5º, responsable deste proxecto ano a ano, posou cos homenaxeados.

 Un gran traballo!

Moitísimas Grazas!!

Un saúdo.
MIMI

Resolto o Concurso de Cartaces "BARRRO"

Despois dunha longuísima e moi difícil deliberación debido á extensa cantidade de cartaces presentados ao concurso, temos xa o Cartaz gañador e os finalistas de cada nivel.

Podedes miralos e coñecer aos seus autores e autoras no seguinte vídeo que vos ofrecemos. Ademais servirán de imaxe nos distintos blogs para o Proxecto Documental deste ano "BARRRO"

Grazas a todos e todas por participar!! 

Un saúdo

MIMI.

"Cóntame un conto veciño, 2017" Relación de gañadores.

Xa temos a relación de gañadores do Concurso de contos "Cóntame un conto veciño, 2017" achegada pola organización do mesmo.

A relación inclúe o seguinte alumnado do noso centro.

Na Categoría de 1º e 2º de Primaria.

Finalista:

Daniela Romay Manso co relato "A castaña triste"

Na Categoría de 3º e 4º de Primaria.

Gañador: 

Manuel Piñeiro Núñez co conto "O bolígrafo"

Finalista:

África Lede Zarco co conto "Lili e o tesouro perdido"

Na Categoría 5º e 6º de Primaria.

Gañador:

Iago Vilas Fernández co relato "Wilson"

Iago deberá ler o seu conto e recoller o seu agasallo no Salón de Actos da Biblioteca Pública de Barro o martes 16 de maio ás 18 hs.

Daniela, Manuel e África deberán ler os seus relatos no Auditorio de Portas o vindeiro mércores día 17 de maio ás 19:00hs

Amosamos os cartaces dos actos que, con ocasión da celebración das Letras Galegas, publicaron ambos Concellos.

PARABÉNS A TOD@S!!

ÁNIMO, ...

E SEGUIDE PARTICIPANDO!!

Un saúdo.

MIMI

Festa da Lingua no Canal Rias Baixas

Estamos de Noraboa en Barro!!

Relatamos na entrada anterior como alumnado do CEIP Amor Ruibal e do IES de Barro asistiron á Festa da Lingua para recoller sendos premios acadados no "Concurso de Microtextos Terras do Umia"

Ademais, no "Concurso da Canción en Galego  SONDOUMIA" resultaron vencedores na categoría de Secundaria coa canción "Reciclar é Xenial"

Durante a festa entregouse tamén o Premio pola Difusión da Lingua Galega "LINGUMIA 2017" que recaeu no "Canal Rías Baixas TV"

No seguinte enlace ofrecemos o video que recolle esta noticia no canal e no que ten especial protagonismo o alumnado dos dous centros do noso concello.

http://www.canalriasbaixas.com/index.php/salnes-caldas/item/22991-canal-rias-baixas-recibe-o-premio-lingumia-2017

Un saúdo.

MIMI

Festa da Língua, 2017

O pasado venres, día 5 de maio, celebrouse na Azucreira de Portas a tradicional "Festa da Lingua" na que se deron cita grupos de alumnos e alumnas dos distintos centros escolares integrantes na Coordinadora Comarcal "Terras do Umia". 

No apartado de Microcreación, o micropoema da alumna de 1º curso de Primaria, Iria García Paz, resultou gañador na categoría B1. Iria acudiu acompañada dun grupiño de compañeir@s do seu curso e recibiu o seu diploma de mans da poeta Miriam Ferradás.

No apartado de Microrrelatos e na categoría C2 a nosa ex-alumna Loaira Santamaría Fernández, estudante de 4º de ESO no IES de Barro, resultou vencedora e acudiu a ler o seu microrrelato e recoller un agasallo.

O alumnado de 6º curso de Primaria xunto cun grupo de alumnos e alumnas de Secundaria do IES de Barro acudiron á gala para interpretar, dentro do Certame de Canción en Galego SON DO UMIA, a canción "Reciclar é xenial" de creación propia. Escolleron para a súa participación o nome de "A Gallofa do IES e CEIP de Barro"

O alumnado do IES de Barro encargouse da parte instrumental da canción e o alumnado de 5º e 6º curso de Primaria, da letra e da coreografía, relacionadas co noso Proxecto Documental BARRRO.

Primeiro ensaiaron por separado e, posteriormente, fixeron ensaios conxuntos no IES nas sobremesas dos luns, coordinad@s por Claudia e Miro, profesores de música do CEIP e do IES, respectivamente.

Tal e como recollen as bases do concurso, cando un grupo musical conta con alumnado de Primaria e de Secundaria participa dentro da "Categoría de Secundaria" e ... nesta categoría resultaron vencedores. Recolleron alí mesmo o seu Diploma acreditativo, que lles foi entregado por Guadi Galego, quen formou parte do xurado.

Un esforzo que pagou a pena.

Parabéns a todos e todas!!

 Un saúdo.

MIMI

Contame un conto, veciño!

Un ano máis participamos no Concurso de contos que promoven os Concellos de Barro e Portas dentro da súa programación de actividades para conmemorar as Letras Galegas.

Achegamos as bases deste certame que ten tan boa acollida entre o alumnado do noso cole. Nas aulas xa están inmersos no proceso creativo.

 

Animamos desde aquí a participar ás familias que o desexen. 

Un saúdo.

MIMI

Día Mundial da Saúde

Con ocasión da conmemoración do Día Mundial da Saúde, o 7 de abril, o venres estiveron no noso centro o Alcalde de Barro e a responsable do Programa de prevención de Drogodependencias e Conductas Adictivas do concello para facer entrega dun diploma á ganadora do "I Certame de Debuxos Saudables" no que participou o alumnado do 2º curso de Primaria, Elisa Figueiro Barreiro.

 Julia, a responsable do programa, alabou a calidade dos traballos presentados ( o que supuxo unha difícil decisión para o xurado) e en especial destacou o premiado, non só pola calidade artística senón tamén por reflectir de forma moi clarificadora "hábitos e rutinas saudables"

Para seguir medrando en valores, fixéronlle tamén entrega dun magnífico libro " Manual para soñar" ( de Cristina Núñez Pereira e Rafael R. Valcarcel, editado por Palabras Aladas) coa petición de que o disfruten e que persigan os seu soños e traballen moito para acadar aquelo que máis lles gusta. 

Eles aproveitaron a "hora de ler" para dar comezo coa lectura dunha das propostas: "O soño de Martina" recordando á tenista Martina Navratilova.

 

 

Unha xoia que entra nos fondos da nosa biblioteca!

Moitísimas grazas!!

Deixamos enlaces aos blogs de Primaria onde podedes ler sobre outras actividades que se desenvolveron no centro dentro dentro deste Proxecto:

Blog de 1º e 2º curso. Valores en saúde 2.0 

Blog de 3º e 4º curso. Autoestima e hábitos saudables.

Blog de 5º e 6º curso. Habilidades sociais e prevención de drogodependencias.

Un saúdo,

MIMI