Feliz 2017

As nosas recomendacións

Adoitamos ofrecer nestas datas unha selección de lecturas que preparamos para que  incluades nas vosas cartas aos Reis.
Agardamos sexan do voso agrado.

Un saúdo
MIMI

Visita de Papá Noel e Programa de Nadal

O pasado luns, día 19, recibimos unha visita moi especial no noso centro. Papá Noel percorreu as aulas para entregar uns agasallos ao noso alumnado máis cativo e así agradecer a súa participación no Concurso de Postais de Nadal que convocou o Concello.

Recollemos a súa visita neste pequeno vídeo:

Xunto cos agasallos deixou tamén o Programa de Actividades que se van a desenvolver no Concello durante estas festas. Botade unha ollada:

Un saúdo,
MIMI

Concurso de postais de Nadal

O pasado venres, día 16 o xurado do XVI Concurso de Postais do Concello reuníuse na Biblioteca Pública para emitir o seu fallo.

Os gañadores recibirán o seu premio día 5 de Xaneiro despois da Cabalgata de Reis.
As postais premiadas son as seguintes:

 

 Categoría 2, David Sanmartín 1º B

Categoría 3, 

Silvia Gago 3º B

(á esquerda)

Categoría 4, 

Alba Villar  5º curso

(á dereita)

Categoría 7, En equipo 

Hugo  Blanco Pulleiro  con

Paula Blanco Pulleiro (irmá) e

María Prego Piñeiro (bisavoa)

Categorías 5 e 6

Alumnado de ESO     

 PARABÉNS AOS GAÑADORES E GAÑADORAS !!

GRAZAS  A TODOS E TODAS POLA VOSA PARTICIPACIÓN !!

BO NADAL!
Un saúdo.

MIMI.

 

 

ESPECIES DE ESPAZOS

 O alumnado de 5º e 6º curso tomou boa nota do que aprendeu nesta visita e coas súas aportacións ofrécennos abundante información no seu blog. 

Podedes acceder premendo no enlace a continuación:

http://amorruibaltercerciclo.blogspot.com.es/2016/12/especies-de-espazos.html

Sheila compartíu con nós o vídeo-presentación con que ilustrou a visita:

Moitísimas grazas Sheila polo teu entusiasmo e 

por transmitirnos esa sensibilidade por coidar e dar valor "ao noso".

Un saúdo.

MIMI

Visita á exposición "Especies de espazos"

A pasada semana o alumnado  de 3º, 4º, 5º e 6º cursos de Primaria acudíu ao Centro Cívico de Barro, antigo edificio do concello, para visitar a exposición fotográfica que alí estaba dos obradoiros realizados no mes de setembro dentro do proxecto "Especies de espazos".

Alí estaba Sheila García Prado, artífice deste proxecto, agardando por nós para contarnos como xurdíu esta idea, o seu desenvolvemento e finalmente a realización dos obradoiros.

Ofrecemos un vídeo-resumo fotográfico da nosa visita e agardamos que vos guste tanto como a nós esta iniciativa que nos pareceu moi interesante.

Un saúdo.
MIMI.

Visitamos a Biblioteca Pública

Durante o mes de novembro o noso alumnado acudíu á Biblioteca Pública do Concello para realizar diversas actividades.

Formación de usuarios, revisando as normas da bibliotca, contacontos e creación dun "Conto misterioso" foron as actividades desenvolvidas polo alumnado de Educación Infantil e os cursos máis baixos de Primaria.

Pili, a informadora xuvenil, tiña dous contos preparados para nós: "Monstruo rosa" de Olga de Dios  e  "Un bicho extraño" de Mon Laporta e Óscar Vilán   cos que gozamos moito.

O alumnado dos cursos superiores (3º a 6º de Primaria) participou nun xogo de pistas por equipos para descubrir a identidade de varios escritores e escritoras. Este xogo recibe o nome de "Quen é quen?" e tódalas pistas para completalo están nun blog creado para tal fin. Podedes atopar na columna da dereita a imaxe que o enlaza ou premer  a continuación.

http://quenequen.blogspot.com.es/?view=classic

Preparamos un video-resumo con imaxes de todas estas actividades, botádelle un ollo!

Un saúdo.
MIMI.

Lecturas temáticas

Queremos ofrecervos esta pequena escolma de lecturas que nos poden acompañar e axudar a responder a máis dunha pregunta ante esta situación tan difícil e chea de dor.

Con todo o noso amor,
Un saúdo
MIMI

Mes da Ciencia cos 3Rs.

Este ano, como mencionamos en entradas anteriores, o Proxecto Documental do centro ten como tema central "A reciclaxe".

No mes de novembro, Mes da Ciencia en Galego na Biblioteca, tivemos a oportunidade de informarnos e aprender sobre a contaminación, a importancia da redución de residuos, e como podemos axudar no coidado do noso planeta grazas aos cartaces que a Asociación Ecoloxista Amigos da Terra nos cedeu en préstamo durante este tempo.

Amosamos no seguinte vídeo un resumo das actividades que se desenvolveron na biblioteca do noso centro.

Un saúdo,
MIMI.

Club de lectura. Comezamos andaina!

Hoxe, luns día 5 de decembro, tivemos a primeira reunión do noso Club de Lectura no tempo do recreo e tivo lugar na biblioteca. Foi moi especial pois pechouse a biblioteca para acoller en exclusiva aos membros do Club. Tomamos varias decisións importantes:

Decidimos que o primeiro libro que iamos ler fora: "Mago por casualidad" de Laura Gallego.

Decidimos solicitar carnet ou número de lector para o club de lectura e xestionar no péstamo da biblioteca os libros que vaiamos lendo.

Decidimos que fariamos unha reunión quincenal ( a próxima vai ser o luns 19) e a profe anticipou que haberá sorpresa.

Boa andaina e boas lecturas para todas e todos!!

Un saúdo

MIMI

CULTURGAL

Esta fin de semana, Pontevedra é cidade referente no eido cultural. Unha morea de actividades relacionadas cos libros, coa música, ... e para todos os públicos!!

Na imaxe podedes ver a programación máis relevante para público infantil e familiar.

Lugar: Recinto feiral de Pontevedra.
Días 2, 3 e 4 de Decembro.

Premede no enlace para acceder ao programa ampliado.

PROGRAMACIÓN CULTURGAL: Feira das Industrias Culturais. 

 Animádevos a visitalo, paga a pena!!

Un saúdo.
MIMI

Exposición FRAN REMISEIRO

Nomear a Fran Remiseiro no colexio de Barro é ver a fermosa silueta en madeira policromada de MIMI, a mascota da nosa Biblioteca. Curso tras curso, sen demora e sen descanso, o noso prezado escultor (Barro, 1975) agasállanos co seu bo talante e bo facer, para que teñamos xusto a tempo a prezada xoia na entrega dos  Premios MIMI, aló polo mes de maio, co gallo das Letras Galegas.

De formación autodidacta, amante da pedra e da madeira, a figuración é unha constante na súa obra, na que amosa, máis que corpos, puras emocións.

O xoves 1 de decembro, ás 20:00 horas, o artista realizará unha performance inaugural da súa exposición "De catedral en catedral".

Galería ABOUT ART.

Calle Pasantería, 9 

Pontevedra.

UNHA EXPOSICIÓN QUE NON PODEMOS PERDER.

Concurso de Postais de Nadal

Xa está cerca o Nadal. Un ano máis acollemos con ilusión a convocatoria para participar no XVI Concurso de Postais de Nadal que publica o Concello de Barro, a través da OMIX.,

O concurso vai dirixido a todas e todos os veciños de Barro e conta cunha nova modalidade para participar en familia.
Corresponde coa Categoría 7 : en equipo.

Invitámosvos a colaborar e participar conxuntamente nesta modalidade, tal e como suxiren as bases: avós e avoas cos vosos netos ou netas, pais e nais cos vosos fillos ou fillas, varios  irmáns xuntos,...

Achegamos unha imaxe coas bases da convocatoria deste ano :

Podedes deixar as vosas postais na Biblioteca do colexio

 antes das 14:00 horas do mércores, 14 de Decembro.
Recordade que a postal gañadora aparecerá na recomendación de lecturas do Nadal.

Un saúdo
MIMI

Día Internacional de Solidariedade co Pobo Palestino

«Este año, el número de demoliciones de viviendas palestinas y otras estructuras por las fuerzas israelíes se ha duplicado con respecto a 2015. Gaza sigue viviendo una situación de emergencia humanitaria; hay 2 millones de palestinos afectados por el desmoronamiento de las infraestructuras y la parálisis de la economía, y decenas de miles que siguen desplazados, a la espera de la reconstrucción de las viviendas destruidas por el conflicto».

Mensaje del Secretario General en el Día Internacional 

de Solidaridad con el Pueblo Palestino

29 de noviembre de 2016

Fonte: http://www.un.org/es/events/palestinianday/

     Nesta data sinalada, recordamos a fermosa canción Luces Errantes de Ismael Serrano, que dá moito para reflexionar.

Un saúdo,
MIMI

Tapóns Solidarios

Un ano máis deu comezo no noso centro a Campaña de recollida de Tapóns Solidarios. Colaboramos desde hai uns anos coa Fundación Amigos de Galicia nesta campaña e somos o Punto de Recollida de referencia do noso Concello.

O alumnado de 5º curso, coordinado pola súa titora, é o responsable de levar adiante o proxecto e conta coa inestimable axuda de Alberto Méndez, o noso prezado conserxe.

A continuación ofrecemos un documento elaborado pola Fundación Amigos de Galicia con indicacións para unha recollida efectiva, pois ofrecen información detallada dos "elementos" de recollida.  
Son máis dos que habitualmente pensamos. Mirádeo con atención.

RECOMENDACIÓNS PARA A RECOLLIDA DE TAPÓNS

Un saúdo
MIMI.

Día Internacional contra a Violencia de Xénero, 25 N

Foi esta unha semana de moita actividade no noso centro. Como lestes nunha entrada anterior, convocamos - coa colaboración do Concello de Barro - a todas as persoas que quixeran vir para concentrarse con nós no patio de infantil do noso colexio.

O alumnado de 5º e 6º curso foi o encargado de preparar as pancartas e o "manifesto" coas súas "reflexións" para esta concentración. Podedes ler todo o seu traballo na aula se premedes no enlace ao seu blog:

25 N: Reflexións.

Na biblioteca do centro fixemos, durante a mañá do venres, varios contacontos (que nós chamamos "Venres de conto"). Un grupo de Voluntarias da Biblioteca e a profe Mª Carmen leron aos distintos grupos que por alí pasaron o conto "Unha feliz catástrofe" de Adela Turín & Nella Bosnia, álbum ilustrado publicado pola editorial Kalandraka.

Amosamos un vídeo-resumo destas actividades.

En Barro, á violencia de xénero dicímoslle:  STOP! 

Grazas a todos e todas pola vosa participación!

Un saúdo
MIMI

Nova carta de MIMI polo 25N

Esta é a carta que hoxe enviamos ás familias para citar a toda a comunidade educativa e veciñanza a unha concentración no noso centro mañá venres dentro das actividades que se desenvolverán para a conmemoración do Día Internacional contra a Violencia de Xénero.

 Contamos con vós!

Animádevos a participar! 

 

Un saúdo

MIMI.

Concurso de carteis do PDI

Desde a Biblioteca do cole queremos convocar o " Concurso de carteis" para o noso Proxecto Documental deste curso escolar. 

Lede con moita atención a carta coa convocatoria e ... Animádevos a participar!

Lembrade, o último día para a entrega é o 18 de novembro !

Espérovos na Biblioteca do cole.
Un saúdo.
MIMI

Día da Ciencia en Galego na Biblioteca Escolar.

Para celebrar esta data no noso centro e tal como anticipamos nunha entrada anterior, recibimos na mañá do venres a visita de José Sanmartín (Tenente Alcalde e Concelleiro de Servizos e Obras ) para presentarnos o proxecto " Revitaliza. Plan Compost " promovido pola Deputación Provincial de Pontevedra e no que colabora o Concello de Barro co seu Alcalde ( Xosé M. Fdez. Abraldes) como impulsor da compostaxe comunitaria.
Asistiron tamén, para darnos unha pequena charla, Suso Iglesias e Quique Pintos, mestres composteiros de Vilaboa e Barro respectivamente.
Agradecemos á asociación ecoloxista "Amigos da Terra" a súa colaboración co préstamo dos cartaces que ambientaron a xornada e que estarán expostos na biblioteca do centro durante dúas semanas.
Convidamos a ver o vídeo que resume este acto.



Un saúdo.
MIMI

Semana da biblioteca "Semana do medo"

O pasado 24 de outubro celebramos no centro o Día das Bibliotecas e durante toda esa semana houbo unha morea de actividades para celebrar a Semana da Biblioteca cunha "Semana do medo"; Formación de usuarios, obradoiros, exposición e contacontos con esta temática. Incluso nalgúns grupos crearon e deron lectura aos seus "contos de medo".
Resumimos todo no vídeo que vos amosamos a continuación.



Un saúdo.
MIMI.

Día da Ciencia en Galego na biblioteca

No día de hoxe en que se celebra o Día da Ciencia en Galego nas Bibliotecas Escolares a nosa mascota MIMI escribíu unha carta ás aulas para comunicarlles o inicio do noso Proxecto Documental.

Na mesma carta convidaba a todo o alumnado de Primaria a baixar ao ximnasio do centro para recibir a visita que daba inicio a este proxecto.

Podedes lela premendo na imaxe  na marxe esquerda.

Un saúdo.

MIMI.

Novembro, mes da Ciencia en galego na biblioteca.

O lema proposto este curso escolar pola Consellería de Cultura para as bibliotecas escolares galegas é "Biblioteca escolar, Territorio das Artes" e o cartel que o representa é a imaxe que acompaña esta entrada.

O auditorio da Biblioteca Pública Ánxel Casal, de Santiago de Compostela, foi o escenario para a presentación do Manifesto escrito pola arquitecta Isabel Aguirre de Úrcola e as actividades de NOVEMBRO, MES DA CIENCIA EN GALEGO NAS BIBLIOTECAS, unha iniciativa conxunta da Secretaría Xeral de Cultura (Subdirección de Bibliotecas), a Secretaría Xeral de Política Lingüística e a Dirección Xeral de Centros e Recursos Humanos (Asesoría de Bibliotecas Escolares), da Consellería de Cultura, Educación e Ordenación Universitaria, en apoio da presenza da divulgación científica en galego en todas as bibliotecas da comunidade autónoma galega.

Podes descargar o díptico das actividades nas Bibliotecas Públicas Galegas premendo aquí.


Un saúdo.
MIMI. 

Celebración do Samaín.

Ao longo da semana realizáronse unha serie de actividades no noso centro para conmemorar o "Día da Biblioteca".
O punto final desta celebración tivo lugar o pasado Venres no ximnasio do centro donde nos reunimos en dúas quendas, primeiro o alumnado de Infantil e despois o alumnado de Primaria para interpretar as dúas cancións que preparamos con motivo do "Samaín"



Estivemos moi ocupados nestes días aprendendo a letra e a coreografía que o alumnado de 3º B creou para tal evento. Eles ( xunto co alumnado de 4º, 5º e 6º) foron os encargados de ensinala ao alumnado e Infantil. Trátase da canción composta por Jesús Pareja "Samaín".



Na clase de inglés preparamos tamén a canción "Knock, knock" de Supersimplesongs que bailamos ese mesmo día. Mirade a continuación como quedou.

Un grandísimo traballo!!  Noraboa a todos e todas!!

Un saúdo
MIMI.

Voluntariado no Mes da Biblioteca.

Ao longo do mes de Outubro iniciamos a actividade co alumnado na nosa biblioteca.

En primeiro lugar foi o novo equipo de Axudantes de Biblioteca o que firmou o seu compromiso e por quendas está formándose para poder abrir as portas e comenzar co seu traballo habitual.

Ademais das explicacións da mestra encargada, os e as axudantes do curso anterior están colaborando na formación e integración d@s nov@s compañeir@s.

Colaboraron tamén para a creación de obradoiros, dos que amosamos os froitos neste vídeo resumo coa celebración da "Semana da Biblioteca" e do "Samaín"

Unha chea de traballo en favor da comunidade escolar!! 

Bravo por vós!!

Un saúdo.

MIMI.

Resolución definitiva do Plan de Mellora de Bibliotecas escolares (PLAMBE) 2016/17

BLOG DAS BIBLIOTECAS ESCOLARES DE GALICIA

O DOG de hoxe, 26 de outubro, publica a Orde de 13 de outubro  pola que se resolve a convocatoria do Plan de mellora de bibliotecas escolares en centros non universitarios sostidos con fondos públicos para o curso 2016/17. A resolución detalla as contías asignadas a cada centro para este curso que para os centros con máis de dous anos de permanencia no programa será só para fondos, e paraos incluídos nesta convocatoria e na correspondente ao curso anterior, será para fondos, mobiliario e outros equipamentos imprescindibles, así como para gastos de funcionamento.

As bibliotecas escolares, deben ter, ademais, no orzamento "ordinario" derivado dos gastos de funcionamento do centro, de entre un 5% e un 10%, según as instrucións de comezos de curso da D.X. de Centros e Recursos Humanos. 

Intégranse 38 centros públicos e 10 centros concertados, polo que o total de centros integrados nesta Rede de Bibliotecas Escolares" que constitúe o PLAMBE chega este ano a 615 centros.

Un saúdo,
MIMI

Outubro, Mes da Biblioteca.

Este mes celebramos no colexio o mes da Biblioteca e concretamente o vindeiro luns, día 24 celébrase o Día das Bibliotecas.
A nosa mascota, MIMI, envía unha carta ás familias do noso alumnado para contarlles como o imos celebrar no noso centro. Ademais de enviala en papel, aquí vos deixamos a versión dixital da mesma.

Animádevos a participar!

Contamos co todos e todas vós!

Un saúdo,

MIMI.

ROALD DAHL cumple 100 anos !

No día de hoxe celebramos no noso centro o Centenario deste ilustre escritor Británico nacido en Gales o 13 de Setembro de 1916 e finado en Oxford á edade de 74 anos (en 1990).
A nosa pequena homenaxe para Roald Dahl parte da Biblioteca coa proposta de dedicarlle a "Hora de ler" destes primeiros días de Setembro.
No día de hoxe todo o alumnado de Primaria deu comenzo á lectura das súas obras empregando fondos da nosa biblioteca.

Así en 1º e 2º cursos leron poemas de "Que asco de bichos" mentras que no 3º nivel optaron pola lectura da peculiar versión dos clásicos en "Cuentos en verso para niños perversos" facendo lecturas colectivas.
Nos cursos superiores optaron pola lectura individual empregando lotes de libros do "plan lector" cos títulos: "El superzorro" (4º), "Charlie y la fábrica de chocolate" (5º) e "Matilda" (6º).

Agardamos que gocedes da orixinalidade e do humor deste gran escritor e disfrutedes as obras que escollimos para vós.
Un saúdo.
MIMI.

Graduación 2016

O pasado 21 de xuño tivo lugar no ximnasio do noso centro o acto de Graduación e entrega de orlas ao alumnado de 6º curso de Educación Infantil e de 6º curso de Primaria. Estaban convidad@s pais e nais do alumnado homenaxeado e a pesar da calurosa mañá, o ximnasio estaba "a reventar".

Amenizou o acto a Banda Infantil de Barro dirixida por Manuel Fariña e integrada por alumnado do Amor Ruibal.

A continuación podedes ver os vídeos que recollen as imaxes da entrega de orlas en cada etapa.

 Aos máis cativos e cativas, 

Disfrutade do verán e ... Vémonos en 1º !!

Boa andaina no instituto a todos e todas que nos deixades !!

Un saúdo,

MIMI.

Voluntarios da biblioteca.

30 alumnos e alumnas de 5º e 6º curso de Primaria participaron este ano na campaña "Voluntariado de lectura - A"  Este programa é o resultado dunha colaboración entre a Dirección Xeral de Centros e Recursos Humanos (Consellería de Cultua, Educación e O.U.) e a Dirección Xeral de Xuventude, Participación e Voluntariado (Consellería de Política Social)

Durante todo o curso escolar dedicaron algún recreo da semana a realizar distintas tarefas na biblioteca tales como préstamo, etiquetado dos libros, revisar a colocación nos andeles, axudar ao alumnado máis cativo, e a que máis gozan de todas: ler e preparar contos para o alumnado de infantil.

Como recompensa por este traballo o último día de biblioteca disfrutaron dunha xornada de convivencia na que realizaron a pé un tramo do camiño de Santiago que vai desde o noso centro hasta o Parque Natural da Barosa (aprox. 5 Km)

Recollemos nun vídeo as imaxes que resumen este traballo.

Así mesmo a Asesoría de Bibliotecas Escolares fixo chegar ao centro unhas camisetas co emblema da campaña e os diplomas que acreditan a súa participación nela.

Repartímolas na biblioteca e amosamos os collages que recollen o momento da entrega.

Todos e todas lucíronas con orgullo e moi agradecidos e agradecidas polo recoñecemento ao seu traballo.

MOITAS, MOITÍSIMAS GRAZAS POR CUMPLIR O VOSO COMPROMISO!

GRAZAS POLA VOSA AXUDA!!

Un saúdo,
MIMI.

COUSAS NOSAS XVI

Hoxe repartíuse no cole a nosa revista escolar "Cousas nosas". Xa tedes nos vosos fogares a versión en papel da mesma.
Deixamos aquí a versión dixitalizada para que a poidades ver e ler a toda cor.

Podedes acceder a esta e ás revistas anteriores a través do blog de lecturas e produccións propias, do que tedes enlace na barra da dereita si premedes na imaxe da revista "Cousas Nosas" ou ben premendo no enlace a continuación.

http://lecturasecousasnosas.blogspot.com.es/search/label/Cousas%20nosas. 

As nosas recomendacións.

Aquí vos deixamos as recomendacións lectoras da biblioteca para este verán. Unha ampla variedade de títulos para que gocedes cun libro durante as vacacións.

Un saúdo,
MIMI.

Roteiro Literario "MANUEL MARÍA"

O alumnado de 5º e 6º  curso de Primaria desplazouse a Outeiro de Rei para coñecer "in situ" os lugares máis representativos da infancia de Manuel María e que tan fermosamente plasmou nos seus poemas.

Desde a "Casa Museo Manuel María" Fran Rei (responsable de actividades) e Antón Laxe ("amigo da casa" e o noso guía) prepararon para nós un roteiro para coñecer os arredores da "Casa das hortas" que o poeta ten moi presentes nos seus versos. En cada unha das paradas nós acompañamos coas cantigas dos seus poemas ou coa lectura de outros alusivos ao lugar.

Mirade o vídeo que recolle esta visita que para nós foi moi entrañable.



Para máis información sigue lendo no blog do 3º ciclo premendo no seguinte enlace:

http://amorruibaltercerciclo.blogspot.com.es/2016/06/roteiro-literario-manuel-maria.html

Desde aquí queremos agradecer a Fran Rei e a Antón Laxe a súa entrega e colaboración para que esta visita foise posible.

Un saúdo,
MIMI.

Letras Galegas 2016

Para conmemorar esta data no colexio, e dado que o autor homenaxeado este ano tiña abundante produción literaria asequible e axeitada para o noso alumnado, decidimos organizar un festival.  que chamamos "Arredor das Letras" por celebrarse en datas próximas ao Día das Letras Galegas e que tivo lugar o pasado 20 de maio na nave da Escola-Taller, grazas á colaboración do Concello.

Para a súa organización contactamos con Manuel Fariña e coa Banda Xuvenil de Barro (que colabora frecuentemente con nós) para pedirlles nos acompañasen musicalmente nalgún poema de Manuel María. 

Aceptaron gustosos a participación e ofrecéronse a interpretar algúns temas: "Piratas del caribe" banda sonora da película homónima e o pasodobre "Martiñika" de Roxelio Groba baixo a dirección de Alberto Busto.

Decidíuse interpretar conxuntamente o poema de Manuel María "O carro" musicado por Mero Iglesias grazas aos arranxos para banda feitos por Adrián Silva Magdalena. Foi o noso fin de festa.

No colexio aprendimos ademais outros poemas de Manuel María cos que traballamos nas aulas e que logo cantamos no festival. 

Coa profe Claudia argallamos coreografías e aprendimos as cancións deses poemas que están recollidas no libro-disco "Canta o cuco" musicado por Uxía Senlle e Magín Blanco: "A roda - roda", "A dorna", "O cuco", "A vaca", "O lar" e "A cidade".

O alumnado de 5º e 6º curso cantou ademais "Galicia" poema musicado por Suso Vaamonde.

@s compañeir@s do IES sumáronse á celebración e prepararon dous poemas de Manuel María "A fala" e "Idioma meu"  que eles mesmos musicaron baixo a coordinación de Miro, o seu profe de música. A presentación do festival correu ao seu cargo e foron dous ex-alumnos do noso centro, Martín e Brais os encargados de dar paso a cada actuación.

A continuación ofrecemos dous vídeos que preparamos, un cun resume das actuacións e outro con alguhnas imaxes da festa.

Grazas a tod@s!  

Resultou unha festa fantástica!

Un saúdo,

MIMI.

"UN BECHO RARO"

O alumnado de 5º e 6º curso (Axudantes de Biblioteca) foi o encargado de dar comenzo ao proxecto "Menuda Bichería". Fixérono co contacontos que prepararon no 1º trimestre "Un bicho raro" tal como contamos no seu día.
Nas aulas investigaron cunha webquest preparada a tal fin e titulada "Un becho raro", crearon o "Museo de bechos raros" e deixaron tanto en versión dixital como en papel un "Inventario de bichos raros", incluso crearon uns xogos para a biblio .....
Podedes mirar todos os seus traballos no blog do Terceiro ciclo, premendo no enlace:

http://amorruibaltercerciclo.blogspot.com.es/search/label/BECHOS%20RAROS

A continuación ofrecemos o vídeo que resume a exposición que de todos estes traballos fixeron na biblioteca.

Noraboa rapaces e rapazas!!

Grazas polo voso esforzo!!

Un saúdo,
MIMI

"BICHOS"

Con este título desenvolveu o alumnado de Educación Infantil o seu proxecto. Este curso investigaron sobre as características e curiosidades dos insectos.
Fixeron tamén, coa colaboración das familias, unha escolma de textos de tradición oral relacionados cos "bichos" (ditos, refráns, adiviñas, ... Si premedes no seguinte enlace podedes seguir os materiais que elaboraron.

http://pequecholandia.blogspot.com.es/search/label/PROXECTO%20BICHOS

Aquí amosamos o primeiro vídeo no que resumimos a exposición que fixeron os rapaces e rapazas das clases de 5 anos do que aprenderon na biblioteca do colexio.

BRAVÍÍÍÍÍSIMO !

Un saúdo, 

MIMI.

Mais ... "BICHOS"

Presentamos os vídeos da exposición do alumnado de infantil das aulas de 3 e 4 anos.

O alumnado de 3 anos falounos dos ourizos e dos caracois, bichiños dos que aprenderon unha chea de cousas.Gustoulles coller o micro e contarllo aos seus compañeiros e compañeiras.

Mirade que ben o fixeron!

O alumnado de 4 anos presentou unha escolam de refráns, ditos e cantigas  que recopilaron ao longo do proxecto.  

Gustounos moitísimo o voso traballo!

Un saúdo,

MIMI.

BICHERÍA AUDIOVISUAL

Este é o título que escolleron para o proxecto "Menuda Bichería!" na clase de 4ºnivel de Primaria. Desenvolvérono principalmente desde a área de Lingua e crearon un libro de pistas do que nos informan no seu blog.

 http://amorruibalsegundociclo.blogspot.com.es/2016/05/bicheria-audiovisual.html

Coa presentación ofrécennos unha pequena mostra, o libro orixinal terémolo na Biblioteca para os que queirades saber máis.

A continuación, podedes ver que tal o fixeron na presentación do seu traballo na Biblioteca.

Nós gozámolo moitísimo!

Bravo! 

Un saúdo,
MIMI.

SERES MITOLÓXICOS

Estes "bichos" ou "seres" da ficción foron os escollidos por 3º curso para a súa investigación.

Investigaron, debuxaron e crearon un libro sobre o que aprenderon. Expuxeron uns grandes murais no corredor de dirección e agasallaron á biblioteca cunhas orixinais cortinas.

Todo esto está recollido no blog do ciclo, premede no enlace para seguilo.

http://amorruibalsegundociclo.blogspot.com.es/search/label/bichos

Si queredes, podedes mirar o vídeo da súa exposición na biblioteca.

Moitísimas grazas!!

Quedou chulísimo!!

Un saúdo,

MIMI.

BICHERÍA DO MAR

Esta foi a investigación que desenvolveron os máis pequenos da Primaria. O alumnado de 1º e 2º curso investigou sobre diversos peixes, algúns deles do noso litoral, e tamén grandes animais mariños. Ademais crearon o seu acuario para a exposición.
O alumnado de 2º tamén elaborou un libro con textos de diversa tipoloxía con estes animais (receitas, acrósticos, adiviñas, ...)

Podedes mirar todas as súas actividades no blog do Primeiro Ciclo, premendo na imaxe.

A continuación amosamos un vídeo no que se resume a exposición e presentación dos traballos que fixeron na Biblioteca do cole.

Fixérono fenomenal !!

Noraboa a todos e todas !!

Un saúdo,
MIMI

Entrega do VIII Premio MIMI

Na mañá do luns día 30 de maio tivo lugar o acto de entrega do VIII Premio MIMI que realizamos como ven sendo habitual no Salón de Actos da Biblioteca Pública de Barro.
Daniel Moreiras, Iván Capón e María Portero son os integrantes da produtora independente "Páramo Pictures" gañadora deste ano. Daniel e Iván estiveron con nós para recoller o trofeo e moi gustosos interpretaron algúns dos famosos temas que versionaron ao galego "ao seu xeito". No escenario estiveron acompañados polo alumnado de 5º curso e responsable deste proxecto ano tras ano.

Amosamos o vídeo a continuación que resume o acto.


Aquí tedes tamén unha presentación de imaxes que tomamos con eles despois da súa actuación.

VIII PREMIO MIMI 2016 -

Non podía faltar nesta entrada o enlace ao blog do 3º ciclo. Ahí tedes toda a información que nos facilita o alumnado de 5º curso do desenvolvemento deste apaixoante proxecto. Botade unha ollada premendo na imaxe.

Un saúdo,
MIMI.

MENUDA BICHERÍA !

Como sabedes "MENUDA BICHERÍA" é o proxecto que estamos a desenvolver no centro ao longo deste curso escolar. 

As tarefas desenvolvidas foron moi variadas e os distintos niveis agrupáronse para ler, crear textos variados, investigar, ... sempre dentro da temática elexida.

Así Educación Infantil investigou sobre "BICHOS" e a proposta literaria unha recollida de  textos de tradición oral (ditos, refráns, adiviñas, ...) sobre os mesmos.

O alumnado de 1º e 2º curso preferíu afondar nos mares e a súa proposta é a de "BICHERÍA DO MAR" desde os peixes máis comúns das nosas costas aos xigantes mariños.

En 3º nivel escolleron investigar e aprender sobre a mitoloxía e o seu proxecto baseouse nos "SERES MITOLÓXICOS"

Pola contra en 4º nivel decantáronse polo mundo do cine, televisión e vídeo-xogo, así o seu proxecto foi para explorar sobre "BICHERÍA AUDIOVISUAL"

Os maiores do cole, 5º e 6º curso decidiron indagar nas rarezas de certos animais e así investigar "BICHOS RAROS"

Resumimos o resultado nesta imaxe que será coa que poidades enlazar na marxe dereita do blog para acceder á documentación que vaiamos achegando de aquí a final do curso.

Un saúdo,
MIMI.

Entrega agasallos Infantil concurso contos

O pasado venres día 20 de maio o alcalde de Barro, Sr. Abraldes, estivo na biblioteca do noso colexio para facer entrega ao alumnado de Educación Infantil dos agasallos pola participación no concurso de contos: "Cóntame un conto veciño"

Estivo acompañado de Pili, a encargada da Biblioteca Pública e OMIX do concello.

Deron grazas a todos, alumnado e profesorado pola participación neste concurso e entregaron a un representante de cada clase (@ encargad@ do día) o agasallo correspondiente.

Agasalláronnos tamén coa presenza da contacontos "Cristina De Caldas" que fixo rir e gozar a tod@s cos seus contos.

Amosamos un vídeo no que se resume o acontecido nesta actividade.

Un saúdo,
MIMI.

Concurso de Portadas para a Revista Escolar.

Un ano máis convocamos desde a Biblioteca do centro e en colaboración co ENDL o concurso de portadas para a nosa revista escolar "Cousas Nosas"
Esta vez pedimos a colaboración das familias para a súa realización na casa. Lede as bases que aparecen publicadas no vídeo que amosamos a continuación.

Animádevos a participar!

A gañadora será portada deste ano 

e as finalistas de cada ciclo aparecerán na contraportada.

Un saúdo.

MIMI. 

Apadriñamento lector

O pasado luns día 16 de maio tivo lugar no noso centro esta actividade que tanto éxito tivera na edición anterior.

O alumnado de 3º, 4º, 5º e 6º cursos de Primaria escolleu un libro, ben entre os da súa casa ou ben da nosa biblioteca, para contárllelo aos seus compañeiros ou acompañeiras máis cativos.

Na hora de ler dese día @s peques estaban agardando impacientes a que chegasen os seus padriños e madriñas para lerlles un conto.

Podedes ver o ben que resultou a actividade si mirades o vídeo que preparamos.

Resultou unha xornada entrañable, daba gusto escoitar os murmurios e o seu goce cos contos.

Un saúdo.

MIMI.

Visita á Biblioteca Pública.

Unha das actividades que fixemos para celebrar o Día do libro foi a da visita á Biblioteca Públca do concello. Alí Pili e máis Ana tiñan preparados para nós un contacontos.
Gozamos coa historia de "O Grúfalo"  escrito por Julia Donaldson e "A vaca que puxo un ovo" de Andy Cutbill , ambos publicados pola editorial Patasdepeixe.



Moitas Grazas a ambalas dúas.
Un saúdo.
MIMI.

Cóntame un conto veciño, publicada a relación de contos gañadores.

Resolto o concurso de contos convocado polos concellos de Barro e Portas "Cóntame un conto veciño" ofrecemos información do mesmo chegada ao noso centro pola organización.

Os gañadores do noso centro son os seguintes:

Do 1º curso de Primaria, Finalista:

Anxo Couso Alba co relato : 

"O val máxico" 

Do 3º curso de Primaria, Finalista:

Aitor Fernández Castro co relato:  
"Os cinco piratas do capitán"

Do 6º curso de Primaria, Mención especial:
Elia Puddu Sanmartín co relato:
"Cámbiome de escola"
 
Na categoría adultos, Gañador:
Francisco J. Casal Fernández
co relato "A misión"

Elia e Fran deberán ler os seus contos e recoller o seu agasallo no acto que se vai celebrar no auditorio da Azucreira de Portas este domingo día 15 ás 19:15 horas.

Anxo e Aitor  recollerán o seu premio e lerán os seus relatos o vindeiro luns, día 16, no acto que se celebrará no Salón de Actos da Biblioteca Pública de Barro ás 19:00 horas.

Os máis sinceros parabéns para tod@s!

Un saúdo,

MIMI. 

Concurso de micropoemas e Festa da Lingua.

O pasado venres día 6 de Maio tivo lugar na Azucreira de Portas a VII edición da Festa da Lingua. Esta celebración está organizada pola Coordinadora Comarcal "Terras do Umia" e reúne nesta data a tódolos centros integrantes para facer entrega dos premios aos gañadores dos concursos convocados por esta Coordinadora: "Concurso de microtextos" e "Son do Umia"

O alumnado de 4º curso foi o seleccionado este ano para acudir a este acto e acompañar á súa compañeira de nivel, Sara Casalderrey Magdalena por ser a vencedora na categoría B2 (3º e 4º curso de Primaria) no apartado de micropoemas. 

O seu micropoema:

As babosas andan despacio

non apuran nin un pouquiño,

andan a devagar 

e máis non poden apurar. 

 

Nesta convocatoria tamén foi merecedor de premio no noso centro, o micropoema da categoría E (profesorado, persoal non docente e familias) presentado por Rafael Ruibal, o noso director.

O seu micropoema:

Como as pingas de choiva cando escampa

como o silencio ao pe dos beizos

como se fai un diamante

devagar.  

Este ano ademais o noso centro aportou unha actuación musical á Festa.

O alumnado de 4º curso interpretou e coreografiou un poema de Manuel  María musicado por Uxía Senlle e Maxín Blanco " A vaca". A fotografía amosa un momento da actución. 

 

Foi unha xornada moi intensa, e o fixeron moi, pero que moi ben. 

A NOSA NORABOA PARA TOD@S VÓS !! 

Un saúdo,

MIMI. 

Na VIII edición gañou ...

Terminado o proceso de exposición de candidaturas, demos paso ás votacións e posterior reconto dos votos emitidos co que xa temos un gañador.
Se queres saber como se desenvolveu todo o proceso no noso centro, podes mirar o vídeo e así coñecerás ao gañador desta edición.



Para coñecer máis sobre o gañador desta edición podes ler tamén no blog do terceiro ciclo, onde hai cumplida información do mesmo.
Só tes que seguir o enlace:  Blog do terceiro ciclo - Gañador VIII Premio MIMI.

Un saúdo,
MIMI.

Candidaturas do VIII Premio MIMI ao Persoeiro do Ano.

Reunímonos un ano máis na biblioteca do centro para escoitar a exposición que fixo o alumnado de 5º curso responsable do proxecto.
Presentáronnos as cinco candidaturas sobre as que investigaron este curso.

Agradecemos a colaboración das entidades e organismos que siguen apoiándonos ano tras ano coas súas propostas.
Un saúdo,
MIMI.

Contacontos interciclos, 2016

Durante esta semana estivemos na biblioteca do cole para realizar a actividade de "Contacontos interciclos" tal como anunciaba o programa de actos para este mes "Do Libro ás Letras".

Todos os grupos o fixeron moi ben. Cada clase preparou o seu conto ao longo do mes, con postas en escea moi varaidas.

Deixamos unhas fotografías de cada un dos contos e pronto teredes os enlaces aos vídeos de cada contacontos. Tamén estarán dispoñibles desde os blogs de cada ciclo.

Alumnado de 2º A preparou "O espantallo amigo" escrito por Xosé Neira Vilas e publicado por Galaxia. 

Os alumnos e alumnas de 2º B prepararon "O bigote de Mimí" de Manuel María (autor homenaxeado este ano nas Letras Galegas) e publicado pola Casa-Museo Manuel María.

As dúas clases de 3º curso prepararon o mesmo conto, "El monstruo de colores" escrito por Anna Llenas e editado por Flamboyant. Cada clase contouno a un nivel diferente de infantil.

                                                                               

3º B contou o seu conto ao alumnado de 5 anos.

3º A estivo contando ao alumnado de 4 anos.

Os seguintes foron os alumnos e alumnas de 5º curso que contaron "A casa da mosca chosca" un conto popular ruso escrito en galego por Eva Mejuto e publicado por Kalandraka.

Algúns axudantes repetiron a súa intervención e outr@s cederon o seu papel a outr@s compañeir@s.

O alumnado de 6º curso preparou unha adaptación e tradución ao galego dun libro de Alain Serres publicado por SM na coleción Barco de Vapor titulado "Capublicita roja".

Eles e elas contaron: "Capublicita vermella" e deixaron o exemplar que elaboraron para a Biblioteca. Estará na sección de producións propias.

O alumnado de 4º curso preparou para os máis cativos do cole, o alumnado de 3 anos, dous contos. Un en galego e outro en castelán.

O primeiro foi "Loboferoz" escrto por Patacrúa & Chené e publicado por OQO editora.

O segundo, "Vamos a cazar un oso" escrito por Michael Rosen y publicado por Ekaré, en español.

O mesmo conto está publicado en galego por Kalandraka baixo o título "Imos cazar un oso"

Por último recibimos a visita de alumnos e alumnas do IES de Barro (antiguos alumnos do noso centro) que prepararon para o alumnado de 5º e 6º curso de Primaria dous contos: "A flauta máxica", conto musical a partir da ópera de Mozart que leva o mesmo título e " O demo da carapuchiña" adaptación feita por eles do clásico da "Carapuchiña vermella"

Moitísimas grazas a todos e todas!

Fixéstelo moi ben!!

Un saúdo
MIMI.

Día do libro 2016.

Para a celebración do Día do libro deste ano decidimos, como contamos hai uns días nunha entrada anterior, lembrar a data da morte do ilustre escritor manchego Don Miguel de Cervantes por coincidir co 400 aniversario o día 22 de Abril.

Tivo lugar a pasada semana e contamos coa grandísima axuda dos voluntarios e voluntarias da biblioteca que durante toda a semana acudiron durante os recreos á biblioteca para realizar un obradoiro de marcapáxinas con que poder agasallar na data da celebración.

Foi moito traballo, pero o seu esforzo pagou a pena. 

O modelo ou plantilla elexida para este ano levaba dúas pezas: Un muíño (grande para os mais cativ@s ou pequeno para os maiorciñ@s) que montaron no obradoiro, e un medallón coa faciana de "Don Quijote" para que cada quen o puidera personalizar.

QUEDARON CHULÍSIMOS! 

Chegado o día, fixemos lecturas diferentes na Biblioteca do cole. Para o alumnado de Infantil, mais o 1º e 2º cursos de Primaria unha versión en verso dun fragmento da novela, "La aventura de los molinos" que disfrutaron.  Os restantes cursos de Primaria leron, guiados polas voluntarias, unha adaptación da novela de Cervantes: "Don Quijote" publicada por Renfe y El país. Resumimos todo o proceso no vídeo que acompaña.

GRAZAS A TODOS E A TODAS !!

FOI UN DÍA MEMORABLE !!

Un saúdo,

MIMI.