21 DÍAS EN GALEGO: PROPOSTAS LECTORAS

O alumnado de 6º de Primaria propón esta semana varias recomendacións lectoras para todos os públicos. Velaquí tedes as súas interesantes propostas:

 

21 DÍAS EN GALEGO: CONTACONTOS INTERACTIVO

No marco das conmemoracións do Día do Libro e do Día das Letras Galegas estemos desenvolvendo diariamente a actividade "Do Libro ás Letras. 21 Días en Galego"

 

No día de hoxe ofrecemos este contacontos interactivo con propostas do equipo de Voluntariado da Biblioteca no que podedes acceder a 10 interesantes e variadas propostas de contadas.

 

MERGÚLLATE NUN MAR DE LIBROS.

Hoxe conmemoramos o Día Mundial do Libro e do Dereito de Autoría e nós queremos celebralo facéndovos chegar unha proposta de recomendacións lectoras a modo de Bookface (cara de libro) na que vos invitamos a colaborar coas vosas propias imaxes.

Creamos un panel interactivo no que o profesorado do centro engadíu unha fotografía cunha recomendación lectora. Hai variedade de propostas. Agardamos que vos guste!

Podedes picar en cada imaxe para mirar en grande a proposta e desplazarvos coas frechas da esquerda ou na liña central.

Ademais, convidámosvos a que, despois de miralo,  desde as vosas casas fagades tamén unha fotografía cun libro e a sumedes a estas recomendacións.

Compartir é moi fácil:

1. Escollede o libro que queredes recomendar, que vos guste, que vos traia bos recordos,.. e facede unha fotografía orixinal.
2. Entrade no enlace do panel e picade no botón rosa que está na esquina inferior dereita da vosa pantalla.
3. Escribide o título do libro. Premede intro (cambiar liña).
4. Xusto debaixo, escribide o resto dos datos: Autor/a, Ilustrador/a e Editorial.
5. Engadide a imaxe premendo na icona da frecha. 
6. Búscádea nos arquivos do voso dispositivo e premede "Abrir".
7. Cando o teñades listo, premede no botón rosa "Guardar".
8. Aparecerá unha mensaxe que di "Esperando aprobación" (Está listo).

Animádevos a participar con nós!!!

Feliz Día do Libro!

#euquedonacasa

2 DE ABRIL

Hoxe conmemoramos dúas datas importantes:

O Día Internacional do Libro Infantil e Xuvenil, data do nacemento do escritor Hans Cristian Andersen, co obxectivo de despertar o amor e gusto polos libros na xente miúda.

O Día Mundial de Concienciación sobre o Autismo, co obxectivo de dalo a coñecer e mellorar a calidade de vida das persoas que o padecen pois no viven no seu mundo, viven no noso.

Deixamos como recomendación nesta data unha proposta interactiva que agardamos vos guste:

Na esquina arriba á dereita tedes un botón que amosa os puntos interactivos. Picade en cada un deles e atoparedes libros, cine, ...

Agardamos que vos guste!

#euquedonacasa

Recomendacións lectoras

Ofrecemos as nosas recomendacións lectoras para este tempo de verán:

Feliz Verán e Felices Lecturas!!!