NAVEGA CON RUMBO

 Na mañá de onte, tivo lugar na aula de audiovisuais unha charla do Programa NAVEGA CON RUMBO sobre seguridade na rede e navegación segura, para o alumnado de 5º e 6º de Primaria. 

 

 Unha charla moi necesaria e interesante!

Moitísimas grazas!!

ESCOLA DE FAMILIAS NO AMOR RUIBAL

O vindeiro luns 20 de novembro levarase a cabo a primeira sesión deste curso escolar 2023-2024 da Escola de Familias do CEIP Amor Ruibal. Versará sobre a Prevención do abuso das Novas Tecnoloxías dende a familia, xa que a gran expansión das novas tecnoloxías, a ampla oferta de videoxogos, a mercadotecnia dos xogos en liña, das apostas en liña e os riscos das redes sociais, contribuíron a un aumento do número de persoas, especialmente a mocidade, que abusa ou é adicta ás novas tecnoloxías. Para atallar esta situación, resulta imprescindible a formación das familias como axentes preventivos, co obxectivo de  fomentar un uso seguro, saudable e responsable das TICS (Tecnoloxías da información, comunicación e relación).

A sesión será impartida por Belén Montesa Lou e Juan Carlos Permuy, persoas expertas en psicoloxía xeral sanitaria, especializadas na Prevención das Condutas Adictivas e en Terapia Familiar Sistémica.

Co fin de facilitar a conciliación, a rapazada poderá permanecer nas instalacións do centro educativo co acompañamento de persoal do servizo de conciliación, mentres as súas familias participan na actividade.

IMPORTANTE: Para facer unha previsión das persoas participantes, agradecemos a confirmación da asistencia mediante o correo electrónico ceip.amor.ruibal@edu.xunta.es ou no teléfono 886151996.

Onde?       Aula de Audiovisuais do CEIP Amor Ruibal de Barro
Cando?     20 de novembro ás 18:00h
Organiza: CEIP Amor Ruibal de Barro en colaboración co Proxecto de Prevención das Condutas Adictivas no eido local do Concello de Barro.

AGARDÁMOSVOS!!!
 A vosa presenza é moi importante.

DÍA MUNDIAL DA POESÍA

Fermosos recitais poéticos con versos alleos e de creación propia para celebrar no CEIP Amor Ruibal o Día Mundial da Poesía.

MOITÍSIMOS PARABÉNS!!!

MULLERES INVENTORAS, MULLERES SABEDORAS

O noso alumnado recibiu hoxe uns bonitos puntos de lectura pola súa grandísima e boísima participación no xogo de pistas "Do 8 ao 18" desenvolvido no marco da conmemoración do Día da Muller.

MOITÍSIMOS PARABÉNS!!!

DO 8 AO 18

Animádevos a participar no xogo de pistas que este ano propoñemos para conmemorar o Día da Muller.

Baixo o lema de "Mulleres inventoras, mulleres sabedoras" atoparedes 7 inventos que estas fantásticas mulleres descubriron ao longo da historia.

Do 8 ao 18, 2023 de ceipbarro@gmail.com

MULLERES GALEGAS CON MOITA ARTE!

Hoxe, o alumnado recibiu uns bonitos puntos de lectura pola súa grandísima e boísima participación no xogo de pistas "Do 8 ao 18"  sobre a vida e obra de 7 MULLERES GALEGAS CON MOITA ARTE!: Aroa Outón, Bea Gregores, Marica Campo, Aida Saco-Beiroa, Margarita Ledo, NANA (Diana Rodeiro) e Isabel Risco.

BRAVÍSIMAS!!!

DO 8 AO 18: MULLERES CON MOITA ARTE! - 17M

Para coñecer á artista que homenaxeamos hoxe premede na seguinte ligazón:

https://drive.google.com/file/d/1n1Vl-JxOhVfC9cOuHKTGGqtsCfZQ5Qc6/view?usp=sharing

Tamén podedes acceder á información escaneando este código QR:

BRAVÍSIMAS!!!

DO 8 AO 18: MULLERES CON MOITA ARTE! - 16M

Para coñecer á artista que homenaxeamos hoxe premede na seguinte ligazón:

https://drive.google.com/file/d/1F4Fy0gmo1JULjrJyin2QoXZpsAxb-unl/view?usp=sharing

Tamén podedes acceder á información escaneando este código QR:

A POR TODAS!!!

DO 8 AO 18: MULLERES CON MOITA ARTE! - 15M

Para coñecer á artista que homenaxeamos hoxe premede na seguinte ligazón:

https://drive.google.com/file/d/1YycA2Q74sx8-Pd7ZEE1I-IQvCG9YA1-L/view?usp=sharing

Tamén podedes acceder á información escaneando este código QR:

A POR TODAS!!!

DO 8 AO 18: MULLERES CON MOITA ARTE! - 14M

Para coñecer á artista que homenaxeamos hoxe premede na seguinte ligazón:

https://drive.google.com/file/d/1S1iAUrVXffzzKg6s98RWBPKOQCX30y3d/view?usp=sharing

Tamén podedes acceder á información escaneando este código QR:

A POR TODAS!!!

DO 8 AO 18: MULLERES CON MOITA ARTE! - 11M

Para coñecer á artista que homenaxeamos hoxe premede na seguinte ligazón:

https://drive.google.com/file/d/1lWAeWBf5k3x7dSSJ4Q04VeaAzhYAyNyb/view?usp=sharing 

Tamén podedes acceder á información escaneando este código QR:

A POR TODAS!!!

DO 8 AO 18: MULLERES CON MOITA ARTE! - 10M

Para coñecer á artista que homenaxeamos hoxe premede na seguinte ligazón:

https://drive.google.com/file/d/1eioxRwVMz_EiQYKg9zEabzlsp_YQg39k/view?usp=sharing

Tamén podedes acceder á información escaneando este código QR:

 

A POR TODAS!!!

DO 8 AO 18: MULLERES CON MOITA ARTE! - 9M

Este mércores 9M homenaxeamos a unha artista. Para saber quen é (o seu nome) e cal é o seu oficio preme na seguinte ligazón:

https://drive.google.com/file/d/1HccuXpBNlmK1iffvaeoPuXur5ca4IGDH/view?usp=sharing 

Tamén podedes acceder á información escaneando este código QR:

A POR TODAS!!!

DÍA INTERNACIONAL DA MULLER 2022: "DO 8 AO 18"

Hoxe, 8 de marzo, Día Internacional da Muller, presentamos a todo o alumnado de Infantil e Primaria o xogo de pistas "Do 8 ao 18" sobre a vida e obra de 7 MULLERES GALEGAS CON MOITA ARTE! máis a actividade Lecturas en Feminino a cargo do alumnado voluntario da Biblioteca.

Prestade moita atención aos taboleiros da Biblioteca que están nos corredores e ao blog de MIMI porque cada día atoparedes aí as pistas necesarias para investigar e saber quen é quen!

Completar as fichas ten recompensa!

CURIOSIDADES ROSALIANAS

Para celebrar o 23 de febreiro o aniversario de Rosalía de Castro, a nosa autora máis universal, no CEIP Amor Ruibal desenvolvemos unha chea de actividades sobre a súa vida e obra baixo o lema Sementa De Pensamentos seguindo a iniciativa proposta pola AELG (Asociación de Escritoras e Escritores en Lingua Galega): investigacións, actividades de lectoescritura, oralidade, plásticas, musicais e recitais poéticos. Como mostra, pódense consultar as reseñas que aparecen nos blogs de Pequecholandia e de 1º e 2º.

Ademais, os equipos de Dinamización da Lingua Galega e Biblioteca deseñaron o xogo de pistas Curiosidades Rosalianas. Nos taboleiros da Biblioteca pegamos uns trípticos con fotografías de diversas zonas do colexio onde agochamos códigos QR con curiosidades sobre Rosalía. 

O alumnado, repartido en pequenos grupos, cunha copia do tríptico na man, tivo que buscar e atopar os códigos QR e, coas tabletas, ler a información.

Que sagaces son as nosas nenas e nenos!

Axiña atoparon toda a información 

e divertíronse moito, moito!

PREVENCIÓN DO ABUSO DAS NOVAS TECNOLOXÍAS DENDE A FAMILIA

No marco do Proxecto de Prevención das Condutas Adictivas no eido local dos Concellos de Cuntis, Barro, Campo Lameiro, Moraña e Portas no que colabora o noso alumnado todos os cursos, convidamos ás familias a participar no interesante obradoiro "PREVENCIÓN DO ABUSO DAS NOVAS TECNOLOXÍAS DENDE A FAMILIA", que será impartido por Belén Montesa Lou e Juan Carlos Permuy Bermúdez, especialistas en psicoloxía e referentes no campo da prevención e intervención das condutas adictivas dende o ámbito familiar e escolar.

Por mor das circunstancias xeradas pola COVID19, e para facilitar a coordinación coas familias dos cinco Concellos, o obradoiro será virtual e realizarase o vindeiro martes, 30 de novembro, ás 18:00 h por videoconferencia na plataforma Zoom, Sala de Reunión 657 806 3555 (ID), á que poderedes acceder picando na seguinte ligazón:

https://zoom.us/j/6578063555

(IMPORTANTE: É preciso ter descargada a aplicación Zoom no dispositivo dende o que se acceda ao obradoiro: móbil, tablet, ordenador...).

Con este obradoiro preténdese complementar as actividades preventivas que nos últimos anos se veñen realizando no ámbito escolar co obxectivo de previr os riscos e o abuso das novas tecnoloxías na xuventude, seguindo así as directrices marcadas polo Plan Nacional sobre drogas e polo Plan Autonómico de drogodependencias e condutas adictivas de Galicia, nos que se lle dá cada vez máis protagonismo ás intervencións preventivas relacionadas coas novas tecnoloxías, destinadas fundamentalmente ao ámbito escolar e familiar.

Calquera dúbida podedes consultala contactando co Departamento de Prevención das Condutas Adictivas dos Concellos de Cuntis, Barro, Campo Lameiro, Moraña e Portas no teléfono 986 59 59 22 ou a través do mail prevenciondrogodependencias@concellodecuntis.es

ESPAZO ABALAR _ ABALAR MÓBIL

Abalar móbil é unha aplicación da Xunta de Galicia que se pode instalar tanto no teléfono móbil como nunha tablet e que permite ás familias consultar a información de calquera das súas fillas e fillos a través destes dispositivos.
A descarga da aplicacion faise desde Apple Store (sistema IOS) ou desde Play Store (dispositivos Android). Sempre estará asociada ao mesmo número de teléfono do pai, nai ou titor@ legal e á mesma clave independentemente do número de dispositivos no que se instale (5 máximo).

A mensaxería de abalarMóbil é unha funcionalidade que ten como obxectivo facilitar a comunicación entre o centro educativo e as persoas responsables do alumnado.

Para calquera dúbida ou incidencia podedes chamar ao teléfono do centro: 886151996 ou ben polos correos electrónicos:  ceip.amor.ruibal@edu.xunta.es  e  ceipbarro@gmail.com

Un saúdo.

A dirección

Proxecto de Robótica

Resumimos neste vídeo as actividades maís destacadas do Programa de Robótica Educativa en Primaria, no que participou alumnado e profesorado de Infantil e Primaria.

Para o seu desenvolvemento, deseñaron e levaron adiante un proxecto sobre a Prehistoria, "Os Petróglifos", que quedou recollido en entradas anteriores deste blog así coma nos blogs das aulas participantes:

En "O blog de MIMI":
https://oblogdemimi.blogspot.com/search/label/Petr%C3%B3glifos

En Infantil:
http://pequecholandia.blogspot.com/search/label/PETRA

En 3º e 4º de Primaria:
http://amorruibalsegundociclo.blogspot.com/search/label/petr%C3%B3glifos

Pasado e futuro unidos pola tecnoloxía!

APAIXONANTE!

Exposición do proxecto BARRRO.COM

O pasado venres, 9 de xuño, desplazámonos á Nave da Música (local cedido polo Concello) para escoitar a exposición do proxecto de reciclaxe deste curso, que o alumnado de 6º de Primaria tiña preparada para nós.

Alí nos esperaban para sorprendernos cunha presentación audiovisual que acompañaba a explicación do desenvolvemento do proxecto e as actividades que levaron adiante ao longo de todo o curso.

Como investigaron sobre a compostaxe, eles chamaron ao seu proxecto "BARRRO.COM" e o cartel que o ilustra foi o finalista da súa aula, elaborado por Alba Besada e Celia Pombo.

Recolleron información detallada desta data no blog de 5º e 6º:

http://amorruibaltercerciclo.blogspot.com.es/2017/06/presentacion-do-proxecto-barrrocom.html

Deseñaron un folleto informativo que recolle os puntos esenciais do proceso da compostaxe.

Coa colaboración de alumnado, profesorado e persoal do comedor do cole realizaron unha curta titulada "Nós apostamos por compostar" na que explican e dan visibilidade ao recollido no seu folleto.

Un grandísimo traballo.

Parabéns polo voso esforzo!!

Os nosos Parabéns e Agradecementos tamén a todas e todos os que, dalgunha maneira, participastes con nós ao longo deste curso para que este proxecto saíse adiante.

Un saúdo.
MIMI.

Día de Internet e navegación segura.

No ano 2006 a ONU declarou a data de hoxe, 17 de maio, o "Día Mundial das Telecomunicacións e da Sociedade de Información" coñecido tamén como "Día de Internet"

Conscientes e sabedores dos beneficios, pero tamén dos posibles perigos e riscos dun uso pouco axeitado das tecnoloxías, recibimos na biblioteca do noso centro hai uns días a Felipe Martínez Hermo, Enxeñeiro Informático que ofreceu ao alumnado de 4º, 5º e 6º curso de primaria unha charla moi interesante dentro do programa "Navega con Rumbo".

RESULTOU MOI INTERESANTE!!
GRAZAS FELIPE!!

O contido da mesma recóllese na seguinte presentación:

NAVEGA CON RUMBO de ceipbarro

"Navega con rumbo" é unha iniciativa do CPEIG (Colexio Profesional de Enxeñaría  en Informática de Galicia) en colaboración coa Xunta de Galicia que se está promovendo dentro do Proxecto Abalar do que o noso centro é partícipe.

O obxectivo fundamental é que o alumnado tome conciencia dos beneficios e riscos que supón a navegación por internet, a través das páxinas web e sobre todo das redes sociais (RRSS) xa que cada vez o seu uso é máis xeneralizado. 

Así o referiron nos seus blogs en sendas entradas:

http://amorruibalsegundociclo.blogspot.com.es/2017/05/navegar-con-rumbo.html 

http://amorruibaltercerciclo.blogspot.com.es/2017/05/navega-con-rumbo.html 

FELIZ DÍA DA INTERNET . . . CON RUMBO!!

Un saúdo,

MIMI