Cousas nosas XVII

Revista escolar en formato dixital do curso 2016/ 17

Acto de Graduación e entrega de orlas.

Na última semana de clase celebramos no noso centro o acto de Graduación e entrega de orlas ao alumnado de 6º curso de Educación Infantil primeiro, e posteriormente ao alumnado de 6º de Primaria. Este ano por vez primeira e debido ao incremento de alumnado quixemos separar ambos actos para recibir con maior comodidade ás familias d@s graduad@s.

Amosamos a continuación un vídeo resumo dstes actos.

O acto de entrega de Primaria estivo amenizado pola Banda da Escola de Música de Barro ( a maioría alumnado do noso centro) , dirixida por Alberto Busto.

Fixérono moi ben!

Parabéns a todos e todas!!

Vémonos en Setembro!

Un saúdo,
MIMI

Vídeo da Entrega do IX Premio MIMI

Aquí podemos amosar xa un vídeo resumo do acto de entrega do noso IX Premio MIMI ao Persoeiro do Ano que este ano lle foi concedido a "Migallas Teatro". 

O alumnado de 5º curso, responsables do Proxecto, presentou o evento e preparou unhas bonitas coreografías para cantar e bailar neste acto. Un grandísimo traballo que María e Carlos, integrantes de Migallas, souberon recoñecer e agradecer.

Un saúdo.

MIMI

Xogamos, cantamos e bailamos no Roteiro Tonucci

O alumnado de 1º e 2º nivel desplazouse a Pontevedra para participar nesta actividade organizada pola Deputación Provincial. O roteiro debe o seu nome ao pedagogo italiano FRATO, acrónimo de Francesco Tonucci, defensor nas súas teses das "Cidades dos nenos e das nenas" como espazos que deben ser deseñados á medida para a rapazada para que poidan ser aproveitados tamén polo resto da cidadanía, e que ten como claro exemplo a cidade de Pontevedra.

Neste roteiro acompañounos o grupo "Migallas Teatro" ( o noso actual Premio MIMI ) e con eles "Xogaron cantaron e bailaron en Pontevedra!"

O roteiro iniciouse no Pazo da Deputación Provincial onde recibiron unhas biseras como agasallo para protexerse do sol da mañá e continuaron cara o Monumento aos heroes de Ponte Sampaio.

Continuou este roteiro por distintas plazas e lugares do centro histórico. Detivéronse na Plaza de España onde celebraron un "Consello das nenas e dos nenos" no que expresaron desexos e propostas para mellorar a nosa localidade, Barro.

 Cantaron e xogaron tamén na Plaza de Santa María e na Plaza de Méndez Núñez.

 Para terminar a mañá con xogos populares (e con materiais reciclados) na Plaza da Pedreira, diante do Pazo de Mugartegui.

 Podedes mirar máis imaxes e ler máis sobre esta saída no blog de 1º e 2º nivel:
https://amorruibalprimeirociclo.blogspot.com.es/2017/07/roteiro-tonucci.html

Foi unha actividade moooi interesante!

Pasámolo xenial!

Un saúdo,
MIMI

Participamos en LUDANTIA

O noso centro participa en LUDANTIA, a "I Bienal Internacional de Educación en Arquitectura para la Infancia y la Juventud" que vai ter lugar en Pontevedra no ano 2018.

O último trimestre deste curso, e enlazando co tema das Artes, realizouse a primeira acción deste proxecto no noso centro. Colaboran con nós para levalo adiante Sheila García Prado, Arquitecta, e David Fidalgo Omil, Graduado en Belas Artes.

Todo o alumnado do centro colaborou, dando propostas de mellora para os patios escolares. A partir da necesidade de acondicionamento do espazo e froito dunha reflexión nas aulas, cada quen reflexou a súa idea na plantilla que lle presentamos. Chamamos a esta acción "Repensando os patios"

Posteriormente decidíuse que sería o patio de Infantil, e o alumnado deste ciclo educativo en particular, o que levaría o peso da actividade nas sucesivas accións. 

Por esa razón desenvolvéronse varios obradoiros, o primeiro de movemento no espazo e recoñecemento no mapa para no segundo pasar da representación do plano ao espazo coa creación dun muro vertical.

No último dos obradoiros deste trimestre, @s cativ@s de infantil prepararon uns bonitos tarros con envases plásticos con moito esmero e posteriormente plantaron neles diversas plantas aromáticas para crear un bonito xardín vertical nun dos frentes do seu patio.

Esta última acción tivo difusión na prensa nos últimos días do curso:
http://www.farodevigo.es/portada-pontevedra/2017/06/24/ceip-amor-ruibal-bienal-arquitectura/1704748.html

Un saúdo,
MIMI

Agasallos para o alumnado de Infantil.

A pasada semana o alumnado de Infantil do noso centro acudíu á Biblioteca para recibir de mans do alcalde de Barro uns agasallos pola participación no concurso de contos "Cóntame un conto, veciño" que organizan conxuntamente os concellos de Barro e Portas.

Diana (mamá de Noa) e Adán acompañaron a Pili (A informadora Xuvenil da BP do concello) para contarnos un conto. Diana traía na súa maleta á ratiña Luisa para contarnos o conto do rato "Paco" de Paula Carballeira.

Gustounos moitísimo!

A continuación, o Sr alcalde, Xosé M. F. Abraldes, fixo entrega dos agasallos. O/A responsable do día foi quen recolleu das súas mans un paquete cuns libros e un puzzle para cada aula.

No blog de Infantil podedes mirar un fermoso vídeo resumo de esta actividade.

 http://pequecholandia.blogspot.com.es/2017/06/agasallos-contame-un-conto-vecino.html

Moitísimas grazas ao Concello e OMIX por traballar en prol da formación d@s cativ@s!!

Un saúdo

MIMI

En Infantil tamén investigamos

No blog de infantil, PEQUECHOLANDIA, ofrécennos dúas entradas referidas aos proxectos que estiveron desenvolvendo neste último trimestre.

O alumnado de 4º curso de infantil (3 anos) nos amosa un exemplo co seu Proxecto de Arte:

 PINTAMOS COMO ...

 Unha das clases de 6º curso de infantil (5 anos) nos amosa o seu proxecto da mascota.

OS CABALOS

Un saúdo,

MIMI

Alumnado de 4º expón os seus proxectos na biblioteca

O alumnado de 4º curso investigou sobre o funcionamento das máquinas simples: o plano inclinado, a panca e a polea  e, cos produtos que elaboraron, montaron unha pequena exposición na biblioteca. 

En cada aula prepararon tamén uns xogos "conectores" para practicar o nome das comunidades autónomas e dos ríos españoles. Todos estes traballos elaborados dentro do proxecto BARRRO e coa premisa da reutilización de materiais.

No seu blog teñen máis información:
http://amorruibalsegundociclo.blogspot.com.es/2017/06/traballos-do-alumnado-de-4-e-b-con.html

Un grandísimo traballo!!

Un saúdo.
MIMI

As nosas recomendacións

Aquí vos deixamos as recomendacións lectoras para este verán. Incluímos unha sección especial de libros de imaxes. Son verdadeiras obras de arte nas que, sin palabras, recrean fermosas historias nas que o detalle das ilustracións é espectacular.
Confiamos que vos gusten e que as gocedes alí donde esteades este verán.

Un saúdo
MIMI

Entrega do IX Premio MIMI

E chegou o gran día...

O Premio MIMI desta IX convocatoria foi entregado antonte, mércores día 14, na nave da música do concello a "Migallas Teatro" 

María Campos e Carlos Yuste, que forman este grupo hai xa 25 anos, viñeron a recollelo.

Estiveron tamén na biblioteca do cole e deixaron unha bonita dedicatoria no noso libro de visitas.









Ao final do acto o alumnado de 5º, responsable deste proxecto ano a ano, posou cos homenaxeados.

 Un gran traballo!

Moitísimas Grazas!!

Un saúdo.
MIMI

Exposición do proxecto BARRRO.COM

O pasado venres, 9 de xuño, desplazámonos á Nave da Música (local cedido polo Concello) para escoitar a exposición do proxecto de reciclaxe deste curso, que o alumnado de 6º de Primaria tiña preparada para nós.

Alí nos esperaban para sorprendernos cunha presentación audiovisual que acompañaba a explicación do desenvolvemento do proxecto e as actividades que levaron adiante ao longo de todo o curso.

Como investigaron sobre a compostaxe, eles chamaron ao seu proxecto "BARRRO.COM" e o cartel que o ilustra foi o finalista da súa aula, elaborado por Alba Besada e Celia Pombo.

Recolleron información detallada desta data no blog de 5º e 6º:

http://amorruibaltercerciclo.blogspot.com.es/2017/06/presentacion-do-proxecto-barrrocom.html

Deseñaron un folleto informativo que recolle os puntos esenciais do proceso da compostaxe.

Coa colaboración de alumnado, profesorado e persoal do comedor do cole realizaron unha curta titulada "Nós apostamos por compostar" na que explican e dan visibilidade ao recollido no seu folleto.

Un grandísimo traballo.

Parabéns polo voso esforzo!!

Os nosos Parabéns e Agradecementos tamén a todas e todos os que, dalgunha maneira, participastes con nós ao longo deste curso para que este proxecto saíse adiante.

Un saúdo.
MIMI.

+ Contacontos interciclos

Alumnado do IES de Barro estivo no noso centro o pasado luns día 29 de maio durante a Hora de ler para realizar a súa habitual sesión de contacontos ao alumnado de 5º e 6º curso de Primaria.

Nesta ocasión o alumnado de 3º de ESO, acompañados da súa profesora María García, fixo lectura de dous libros de Carlos Casares: "A galiña azul" e "Toribio ten unha idea" e o alumnado de 2º curso, representou con títeres unha adaptación libre dunha das historias de "Os vellos non deben namorarse" de Alfonso R.Castelao dirixidos polo profesor Miro Touris.

Moitas grazas pola vosa colaboración!

Deica outra!

Un saúdo

MIMI

Tí tamén contas

Título da representación teatral que a compañía "A tropa de trapo" ofreceu ao alumnado de Primaria do noso centro o pasado venres, día 26 na Biblioteca Pública do concello e que foi organizado polo departamento de Servicios Sociais do Concello de Barro dentro da programación que ofrece aos concellos socios o Fondo Galego de Cooperación e Soliedaridade.

Con este espectáculo, a compañía formada por Marta Ortiz e Brais das Hortas, aborda temas como o consumo responsable, o traballo infantil, a cooperación e a felicidade dun xeito ameno e facendo reflexionar ao seu público a través da interacción.

Ofrecemos un vídeo resumo deste espectáculo:

Podedes ler máis sobre o contido do espectáculo no blog de 5º e 6º curso:

http://amorruibaltercerciclo.blogspot.com.es/2017/05/ti-tamen-contas.html

Un saúdo
MIMI.

A Sección Bilingüe tamén participa en BARRRO

Os cursos participantes na Sección Bilingüe do noso centro (Inglés e máis Plástica de 1º e 2º) desenvolveron toda a súa actividade este curso escolar empregando materiais de refugallo que "reutilizaron" para as súas creacións. 

As profes implicadas no proxecto dan conta de todas estas actividades nos seus respectivos blogs: o blog de Inglés e o da Sección Bilingüe -SEBI.

Se premedes nos enlaces accederedes ao seu traballo:

BARRRO NA SECCIÓN BILINGÚE

BARRRO NA AULA DE INGLÉS 

Un saúdo

MIMI

Resolto o Concurso de Cartaces "BARRRO"

Despois dunha longuísima e moi difícil deliberación debido á extensa cantidade de cartaces presentados ao concurso, temos xa o Cartaz gañador e os finalistas de cada nivel.

Podedes miralos e coñecer aos seus autores e autoras no seguinte vídeo que vos ofrecemos. Ademais servirán de imaxe nos distintos blogs para o Proxecto Documental deste ano "BARRRO"

Grazas a todos e todas por participar!! 

Un saúdo

MIMI.

Contacontos interciclos en Infantil

Este ano por vez primeira, e grazas á colaboración e boa disposición do persoal da Escola Infantil "A galiña azul", o alumnado de 5º curso de Infantil do cole visitou o luns o seu centro para realizar un contacontos ao alumnado  de 3º curso de Infantil (2 anos).

Estaban emocionadísimos e sentíronse moi maiores ao tempo que fixeron unha gran representación dos seus contos.

A aula de 5º A escenificou "LÚA" un conto de Antonio Rubio e Óscar Vilán editado por Kalandraka e a aula de 5º B narrou un conto de creación propia: "Nevado e Chispa"

 Como agasallo final as mestras e crianzas da escola infantil contáronlle dous contos: "Cocodrilo" (da mesma editorial e autoría) e "5" (un conto enlatado) cos que gozaron un montón.

Podedes ler máis e ver o vídeo resumo desta actividade no blog de Infantil, premendo o seguinte enlace:

http://pequecholandia.blogspot.com.es/2017/05/visitamos-escola-infantil-galina-azul.html

Un saúdo,

MIMI

Contacontos interciclos, 2017

A pasada semana, dentro da programación "Do libro ás Letras" do noso centro, realizouse na Biblioteca a actividade de "Contacontos interciclos"

Ao longo deste mes, cada clase preparou o seu conto para poñelo en escena con propostas moi variadas.

O alumnado de 2º curso escenificou para o alumnado de 5 anos unha adptación do fermoso libro "O homiño de papel" escrito por Fernando Alonso e publicado por Everest.

As clases de 3º nivel decentáronse por dous populares títulos da editorial Kalandraka: Así, 3º A escenificou "O coelliño blanco" de José Ballesteros para 4 anos e 3º B "A casa da mosca chosca" de Eva Mejuto para 3 anos.

Carlos Casares estivo presente nesta actividade, pois as dúas clases de 4º prepararon para o alumnado de 1º e 2º curso de Primaria as historias que forman o libro "A galiña azul" nun Kamishibai que lles quedou chulísimo. Contaron: "O peixe da fonte do xardín", "A formiga esquiadora", "A bomba da felicidade" e "A galiña azul".

Os nenos e nenas de 5º curso narrou dúas historias de Casares: "Este é Toribio" e "Toribio contra o profesor Smith".

O alumnado de 6º adaptou e traduciu ao galego a historia "El lobo ha vuelto" de Geoffroy de Pennart publicada por Corimbo.

Todos os contos quedaron estupendos!!

Fixéstelo moi, moi ben!!

Parabéns polo voso traballo!

Un saúdo
MIMI.

Día de Internet e navegación segura.

No ano 2006 a ONU declarou a data de hoxe, 17 de maio, o "Día Mundial das Telecomunicacións e da Sociedade de Información" coñecido tamén como "Día de Internet"

Conscientes e sabedores dos beneficios, pero tamén dos posibles perigos e riscos dun uso pouco axeitado das tecnoloxías, recibimos na biblioteca do noso centro hai uns días a Felipe Martínez Hermo, Enxeñeiro Informático que ofreceu ao alumnado de 4º, 5º e 6º curso de primaria unha charla moi interesante dentro do programa "Navega con Rumbo".

RESULTOU MOI INTERESANTE!!
GRAZAS FELIPE!!

O contido da mesma recóllese na seguinte presentación:

NAVEGA CON RUMBO de ceipbarro

"Navega con rumbo" é unha iniciativa do CPEIG (Colexio Profesional de Enxeñaría  en Informática de Galicia) en colaboración coa Xunta de Galicia que se está promovendo dentro do Proxecto Abalar do que o noso centro é partícipe.

O obxectivo fundamental é que o alumnado tome conciencia dos beneficios e riscos que supón a navegación por internet, a través das páxinas web e sobre todo das redes sociais (RRSS) xa que cada vez o seu uso é máis xeneralizado. 

Así o referiron nos seus blogs en sendas entradas:

http://amorruibalsegundociclo.blogspot.com.es/2017/05/navegar-con-rumbo.html 

http://amorruibaltercerciclo.blogspot.com.es/2017/05/navega-con-rumbo.html 

FELIZ DÍA DA INTERNET . . . CON RUMBO!!

Un saúdo,

MIMI

"Cóntame un conto veciño, 2017" Relación de gañadores.

Xa temos a relación de gañadores do Concurso de contos "Cóntame un conto veciño, 2017" achegada pola organización do mesmo.

A relación inclúe o seguinte alumnado do noso centro.

Na Categoría de 1º e 2º de Primaria.

Finalista:

Daniela Romay Manso co relato "A castaña triste"

Na Categoría de 3º e 4º de Primaria.

Gañador: 

Manuel Piñeiro Núñez co conto "O bolígrafo"

Finalista:

África Lede Zarco co conto "Lili e o tesouro perdido"

Na Categoría 5º e 6º de Primaria.

Gañador:

Iago Vilas Fernández co relato "Wilson"

Iago deberá ler o seu conto e recoller o seu agasallo no Salón de Actos da Biblioteca Pública de Barro o martes 16 de maio ás 18 hs.

Daniela, Manuel e África deberán ler os seus relatos no Auditorio de Portas o vindeiro mércores día 17 de maio ás 19:00hs

Amosamos os cartaces dos actos que, con ocasión da celebración das Letras Galegas, publicaron ambos Concellos.

PARABÉNS A TOD@S!!

ÁNIMO, ...

E SEGUIDE PARTICIPANDO!!

Un saúdo.

MIMI

Festa da Lingua no Canal Rias Baixas

Estamos de Noraboa en Barro!!

Relatamos na entrada anterior como alumnado do CEIP Amor Ruibal e do IES de Barro asistiron á Festa da Lingua para recoller sendos premios acadados no "Concurso de Microtextos Terras do Umia"

Ademais, no "Concurso da Canción en Galego  SONDOUMIA" resultaron vencedores na categoría de Secundaria coa canción "Reciclar é Xenial"

Durante a festa entregouse tamén o Premio pola Difusión da Lingua Galega "LINGUMIA 2017" que recaeu no "Canal Rías Baixas TV"

No seguinte enlace ofrecemos o video que recolle esta noticia no canal e no que ten especial protagonismo o alumnado dos dous centros do noso concello.

http://www.canalriasbaixas.com/index.php/salnes-caldas/item/22991-canal-rias-baixas-recibe-o-premio-lingumia-2017

Un saúdo.

MIMI