Xogamos, cantamos e bailamos no Roteiro Tonucci

O alumnado de 1º e 2º nivel desplazouse a Pontevedra para participar nesta actividade organizada pola Deputación Provincial. O roteiro debe o seu nome ao pedagogo italiano FRATO, acrónimo de Francesco Tonucci, defensor nas súas teses das "Cidades dos nenos e das nenas" como espazos que deben ser deseñados á medida para a rapazada para que poidan ser aproveitados tamén polo resto da cidadanía, e que ten como claro exemplo a cidade de Pontevedra.

Neste roteiro acompañounos o grupo "Migallas Teatro" ( o noso actual Premio MIMI ) e con eles "Xogaron cantaron e bailaron en Pontevedra!"

O roteiro iniciouse no Pazo da Deputación Provincial onde recibiron unhas biseras como agasallo para protexerse do sol da mañá e continuaron cara o Monumento aos heroes de Ponte Sampaio.

Continuou este roteiro por distintas plazas e lugares do centro histórico. Detivéronse na Plaza de España onde celebraron un "Consello das nenas e dos nenos" no que expresaron desexos e propostas para mellorar a nosa localidade, Barro.

 Cantaron e xogaron tamén na Plaza de Santa María e na Plaza de Méndez Núñez.

 Para terminar a mañá con xogos populares (e con materiais reciclados) na Plaza da Pedreira, diante do Pazo de Mugartegui.

 Podedes mirar máis imaxes e ler máis sobre esta saída no blog de 1º e 2º nivel:
https://amorruibalprimeirociclo.blogspot.com.es/2017/07/roteiro-tonucci.html

Foi unha actividade moooi interesante!

Pasámolo xenial!

Un saúdo,
MIMI

Participamos en LUDANTIA

O noso centro participa en LUDANTIA, a "I Bienal Internacional de Educación en Arquitectura para la Infancia y la Juventud" que vai ter lugar en Pontevedra no ano 2018.

O último trimestre deste curso, e enlazando co tema das Artes, realizouse a primeira acción deste proxecto no noso centro. Colaboran con nós para levalo adiante Sheila García Prado, Arquitecta, e David Fidalgo Omil, Graduado en Belas Artes.

Todo o alumnado do centro colaborou, dando propostas de mellora para os patios escolares. A partir da necesidade de acondicionamento do espazo e froito dunha reflexión nas aulas, cada quen reflexou a súa idea na plantilla que lle presentamos. Chamamos a esta acción "Repensando os patios"

Posteriormente decidíuse que sería o patio de Infantil, e o alumnado deste ciclo educativo en particular, o que levaría o peso da actividade nas sucesivas accións. 

Por esa razón desenvolvéronse varios obradoiros, o primeiro de movemento no espazo e recoñecemento no mapa para no segundo pasar da representación do plano ao espazo coa creación dun muro vertical.

No último dos obradoiros deste trimestre, @s cativ@s de infantil prepararon uns bonitos tarros con envases plásticos con moito esmero e posteriormente plantaron neles diversas plantas aromáticas para crear un bonito xardín vertical nun dos frentes do seu patio.

Esta última acción tivo difusión na prensa nos últimos días do curso:
http://www.farodevigo.es/portada-pontevedra/2017/06/24/ceip-amor-ruibal-bienal-arquitectura/1704748.html

Un saúdo,
MIMI

En Infantil tamén investigamos

No blog de infantil, PEQUECHOLANDIA, ofrécennos dúas entradas referidas aos proxectos que estiveron desenvolvendo neste último trimestre.

O alumnado de 4º curso de infantil (3 anos) nos amosa un exemplo co seu Proxecto de Arte:

 PINTAMOS COMO ...

 Unha das clases de 6º curso de infantil (5 anos) nos amosa o seu proxecto da mascota.

OS CABALOS

Un saúdo,

MIMI

As nosas recomendacións

Aquí vos deixamos as recomendacións lectoras para este verán. Incluímos unha sección especial de libros de imaxes. Son verdadeiras obras de arte nas que, sin palabras, recrean fermosas historias nas que o detalle das ilustracións é espectacular.
Confiamos que vos gusten e que as gocedes alí donde esteades este verán.

Un saúdo
MIMI

Exposición do proxecto BARRRO.COM

O pasado venres, 9 de xuño, desplazámonos á Nave da Música (local cedido polo Concello) para escoitar a exposición do proxecto de reciclaxe deste curso, que o alumnado de 6º de Primaria tiña preparada para nós.

Alí nos esperaban para sorprendernos cunha presentación audiovisual que acompañaba a explicación do desenvolvemento do proxecto e as actividades que levaron adiante ao longo de todo o curso.

Como investigaron sobre a compostaxe, eles chamaron ao seu proxecto "BARRRO.COM" e o cartel que o ilustra foi o finalista da súa aula, elaborado por Alba Besada e Celia Pombo.

Recolleron información detallada desta data no blog de 5º e 6º:

http://amorruibaltercerciclo.blogspot.com.es/2017/06/presentacion-do-proxecto-barrrocom.html

Deseñaron un folleto informativo que recolle os puntos esenciais do proceso da compostaxe.

Coa colaboración de alumnado, profesorado e persoal do comedor do cole realizaron unha curta titulada "Nós apostamos por compostar" na que explican e dan visibilidade ao recollido no seu folleto.

Un grandísimo traballo.

Parabéns polo voso esforzo!!

Os nosos Parabéns e Agradecementos tamén a todas e todos os que, dalgunha maneira, participastes con nós ao longo deste curso para que este proxecto saíse adiante.

Un saúdo.
MIMI.

Resolto o Concurso de Cartaces "BARRRO"

Despois dunha longuísima e moi difícil deliberación debido á extensa cantidade de cartaces presentados ao concurso, temos xa o Cartaz gañador e os finalistas de cada nivel.

Podedes miralos e coñecer aos seus autores e autoras no seguinte vídeo que vos ofrecemos. Ademais servirán de imaxe nos distintos blogs para o Proxecto Documental deste ano "BARRRO"

Grazas a todos e todas por participar!! 

Un saúdo

MIMI.

Festa da Lingua no Canal Rias Baixas

Estamos de Noraboa en Barro!!

Relatamos na entrada anterior como alumnado do CEIP Amor Ruibal e do IES de Barro asistiron á Festa da Lingua para recoller sendos premios acadados no "Concurso de Microtextos Terras do Umia"

Ademais, no "Concurso da Canción en Galego  SONDOUMIA" resultaron vencedores na categoría de Secundaria coa canción "Reciclar é Xenial"

Durante a festa entregouse tamén o Premio pola Difusión da Lingua Galega "LINGUMIA 2017" que recaeu no "Canal Rías Baixas TV"

No seguinte enlace ofrecemos o video que recolle esta noticia no canal e no que ten especial protagonismo o alumnado dos dous centros do noso concello.

http://www.canalriasbaixas.com/index.php/salnes-caldas/item/22991-canal-rias-baixas-recibe-o-premio-lingumia-2017

Un saúdo.

MIMI

Festa da Língua, 2017

O pasado venres, día 5 de maio, celebrouse na Azucreira de Portas a tradicional "Festa da Lingua" na que se deron cita grupos de alumnos e alumnas dos distintos centros escolares integrantes na Coordinadora Comarcal "Terras do Umia". 

No apartado de Microcreación, o micropoema da alumna de 1º curso de Primaria, Iria García Paz, resultou gañador na categoría B1. Iria acudiu acompañada dun grupiño de compañeir@s do seu curso e recibiu o seu diploma de mans da poeta Miriam Ferradás.

No apartado de Microrrelatos e na categoría C2 a nosa ex-alumna Loaira Santamaría Fernández, estudante de 4º de ESO no IES de Barro, resultou vencedora e acudiu a ler o seu microrrelato e recoller un agasallo.

O alumnado de 6º curso de Primaria xunto cun grupo de alumnos e alumnas de Secundaria do IES de Barro acudiron á gala para interpretar, dentro do Certame de Canción en Galego SON DO UMIA, a canción "Reciclar é xenial" de creación propia. Escolleron para a súa participación o nome de "A Gallofa do IES e CEIP de Barro"

O alumnado do IES de Barro encargouse da parte instrumental da canción e o alumnado de 5º e 6º curso de Primaria, da letra e da coreografía, relacionadas co noso Proxecto Documental BARRRO.

Primeiro ensaiaron por separado e, posteriormente, fixeron ensaios conxuntos no IES nas sobremesas dos luns, coordinad@s por Claudia e Miro, profesores de música do CEIP e do IES, respectivamente.

Tal e como recollen as bases do concurso, cando un grupo musical conta con alumnado de Primaria e de Secundaria participa dentro da "Categoría de Secundaria" e ... nesta categoría resultaron vencedores. Recolleron alí mesmo o seu Diploma acreditativo, que lles foi entregado por Guadi Galego, quen formou parte do xurado.

Un esforzo que pagou a pena.

Parabéns a todos e todas!!

 Un saúdo.

MIMI

Participamos coa Banda no seu XXV Aniversario

O pasado domingo, 30 de abril, a Banda de Música Xuvenil de Barro celebrou cun concerto moi especial o seu XXV Aniversario, pois convidou a participar con eles ao alumnado do noso centro.

Este concerto, de título Musicolandia, foi realizado coa colaboración de Esteban Acuña  de Tarabelos Teatro (autor dos textos) que nos guiou a través dunha historia na que relatou todos os coñecementos que o profesor Corchea lle transmitiu sobre os instrumentos musicais e as súas familias e que foi magníficamente interpretado pola Banda de Música Xuvenil de Barro.

Finalizado este conto musical, o director da Banda de Música, Alberto Busto, deu paso ao alumnado de Primaria do noso centro alí presente que interpretou dous temas xunto coa Banda: "La escala Sido"  e  "El caracol Mifasol" de Ferrer Ferran que ensaiaron con moito entusiasmo coa nosa infatigable profe de música, Claudia Favorecido no transcurso das súas clases ao comenzo, e cun ensaio xeral no ximnasio do colexio nos días previos. 

Tras informar e pedir autorización ás familias, case un centenar de rapaces e rapazas ensaiaron as tardes dos sábados xunto coa Banda para mellorar a súa interpretación.

Así o recolle o Faro de Vigo nun artigo esta semana:

http://www.farodevigo.es/portada-pontevedra/2017/05/02/banda-xuvenil-barro-ofrece-concierto/1671218.html 

Parabéns a todos e todas, fixéstelo moi ben!!

Moitísimas grazas ás familias polo voso imprescindible apoio 
e colaboración nesta actividade!!

Na parte final do concerto o Presidente da BXB, Diego Escudero, fixo entrega dun agasallo ao noso centro que foi recollido por Rafael Ruibal, o noso director quen a súa vez fíxolle entrega dun diploma de recoñecemento á Banda de Música Xuvenil de Barro pola súa labor no eido musical do Concello de Barro e de agradecemento pola súa implicación e colaboración co noso centro.

OS NOSOS PARABÉNS Á BXB
 POR 25 ANOS MÁIS!!

Amosamos, a continuación, o vídeo resumo deste concerto. Agardamos que vos guste.

Un saúdo

MIMI

Día Mundial do Libro

Cada ano, na conmemoración desta data, 23 de Abril, a Consellería de Ecucación e Ordenación Universitaria edita un marcapáxinas cun pequeno texto. Este ano trátase dun poema orixinal da autora Rosalía Fernández Rial.

 "Rosalía lévanos co libro ao mundo da palabra, da música, da maxia, do imprescindible aire para respirar." (Bibliotecas Escolares de Galicia)

 

Podedes acceder ao marcapáxinas completo premendo na seguinte ligazón:

http://www.edu.xunta.es/biblioteca/blog/files/marca_diadolibro_2017.pdf 

FELICES LECTURAS!

Un saúdo,

MIMI.

Do libro ás Letras 2017

Presentamos o folleto que da conta das actividades que desenvolvemos durante os meses de abril e maio no noso centro entre estas dúas conmemoracións, o Día do Libro Infantl e Xuvenil (2 de abril) e o Día das Letras Galegas (17 de maio)
Unha morea de traballo en prol da lectura, da investigación e de favorecer tempos de lecturas compartidas de lecer na biblioteca do cole e sempre fomentando o uso da nosa língua.

Un saúdo.
MIMI

Actividades na Semana da Poesía.

O pasado 21 de Marzo celebramos o Día da Poesía. Quixemos lembrarnos este ano dun xeito especial de Gloria Fuertes, poeta madrileña á que homenaxeamos este ano 2017 polo seu Centenario dedicándolle a nosa "Semana da Poesía"

Os peques de infantil traballaron varias poesías e irán amosándoas no seu blog para tod@s nós:

PEQUECHOLANDIA. 

O equipo de voluntari@s convidaron aos seus compañeiros e compañeiras para compartir e ler poesías de Gloria Fuertes na Biblioteca, durante os recreos todos os días da semana.

Traballamos, como actividade artística, o "retrato" e a  "caricatura" e así cada quen podía escoller cal entregar na proposta que fixo a Biblioteca para o panel do corredor. 

Se premedes na imaxe poderedes ver unha escolma dos mellores, incluidos tamén no vídeo-resumo.

Durante a "Hora de ler" acudimos á Biblioteca para recitar os poemas creados por nós para o "Concurso de micropoemas Terras do Umia".

Encantounos escoitar a todos e todas as compañeiras!!

Xa sabemos tamén que son os e as finalistas do noso centro. Hoxe fixéronlle entrega dun pequeno agasallo.

Este ano ademais quixemos facer unha "mención especial" a varios compañeiros e compañeiras de 5º e 6º curso de Primaria polo ben que souberon recoller o espíritu do noso Proxecto BARRRO no seu poema, na súa creación, máxime cando o venres 24 conmemoramos tamén " O Día da Auga"

Parabéns polo voso traballo!!

Amosamos un vídeo-resumo no que recollemos imaxes de todas estas actividades.

Un saúdo,

MIMI

"Mulleres no tempo"

O alumnado de Primaria do noso centro acudíu ao Salón de Actos da Biblioteca Pública para realizar unha visita á exposición fotográfica "Imaxes no tempo" organizada polo Concello de Barro a través da OMIX e B.P.

Dentro da programación de actividades para conmemorar o 8 de Marzo, Día da Muller Traballadora, ofrecéronnos unha charla baixo o título: "Mulleres no tempo"
Alí nos esperaba Pili, a encargada da OMIX e Biblioteca, para explicar o seu contido e presentarnos a "algunha" das propietarias das fotografías que amablemente se brindaron para darnos unha charla sobre aqueles tempos tan difíciles e contarnos algunhas anécdotas da súa mocidade e dos seus oficios.

Con nós estiveron María, Sofía, Elena e Maruja. 
A todas elas temos que decir:  GRAZAS!

No blog de 5º e 6º curso podedes ler máis polo miudo sobre esta visita:

"MULLERES NO TEMPO"

  Podemos  ver como foron estas xornadas no vídeo-resume que a continuación amosamos:

Un saúdo.
MIMI.

Día da Muller. Visita de Sheila García.

Durante as pasadas semanas (do 8 ao 17 de marzo) estivemos investigando acerca da data desta Conmemoración e sobre as mulleres que desde a Biblioteca nos propuxeron.

Cada día apareceu unha imaxe e unha pista e debiamos averiguar de quen se trataba e cal era a súa profesión, o seu oficio. Este ano a maioría delas estaban relacionadas coas Artes:

Día 8, O 8M

Día 9, ROSALÍA DE CASTRO

Día 10,  GLORIA FUERTES

Día 13, CLARA CAMPOAMOR

Día 14, SUSANA SEIVANE

Día 15, MABEL RIVERA

Día 16, MARUXA MALLO

O último día, o venres 17, reservámolo para unha muller do noso entorno e presentamos igualmente unha imaxe e pista:

Ao ver a súa fotografía, os e as "maiores" enseguida a recoñeceron pois Sheila García Prado foi a promotora do proxecto "Especies de espazos" e da exposición fotográfica sobre o mesmo que foi visitada polo noso alumnado. Ademais, segue colaborando co noso centro impartindo os obradoiros "Transforma II".

Amosamos a continuación un vídeo-resume da súa visita:



 Podedes ampliar información e ler máis sobre esta actividade no blog de 5º e 6º curso:

"UNHA VIAXE CARA A ARQUITECTURA" Sheila García Prado

Moitísimas grazas, Sheila!!

Un saúdo.
MIMI

Exposición do Proxecto "Xoguetes BARRRO SL"

O alumnado de 3º e 4º cursos de Primaria presentaron na Biblioteca do centro o seu proxecto deste curso escolar. Baixo o nome de "Xoguetes BARRRO, SL" (Salón do Libro) estes nenos e nenas amosáronnos e contáronnos que precisaron e como fixeron os seus xoguetes con materiais de refugallo.

No seu blog podemos ler o libro que elaboraron coas fichas de investigación de cada xoguete.

http://amorruibalsegundociclo.blogspot.com.es/2017/03/xoguetes-barrro-no-salon-do-libro.html

Aquí vos amosamos os vídeo que resumen a súa exposición:

O alumnado de 3º curso presentou o seu traballo a 5º e 6º de Primaria e ao alumnado de 6º de Infantil.

O alumnado de 4º curso fixo a súa exposición ante o alumnado de 1º e 2º de Primaria, así como a 4º e 5º de Infantil.

Bo traballo!!

Gustounos moitísimo!!

Un saúdo.
MIMI

Transforma II (vídeo)

Este é o vídeo-resumo da 1ª xornada de obradoiros "Transforma II" que Sheila García Prado está a impartir no noso centro para o alumnado de 3º, 4º, 5º e 6º de Educación Primaria e da que dimos cumprida información en entradas anteriores.

Agardamos que vos guste e sexa de interese.

Un saúdo.
MIMI

Transforma II

Baixo o nome de "Transforma II" comenzamos a pasada semana a primeira sesión de obradoiros que a arquitecta Sheila García Prado, artífice do Proxecto Especies de Espazos, vai impartir no noso centro ao longo deste trimestre.

Foi unha xornada moi interesane na que alumnado de 3º, 4º, 5º e 6º curso lembrou o aprendido na visita á exposición que fixeron no mes de novembro e xogando aprendeu sobre a importancia da funcionalidade nas edificacións. 

A parte que máis expectativas esperta e nos interesa, dentro do noso proxecto de reciclaxe, é a colaboración que nos brinda para dar continuidade ao seu proxecto confeccionando unha peza de mobiliario.

Amplían información os e as compañeiras de 6º curso no seu blog.

http://amorruibaltercerciclo.blogspot.com.es/2017/02/especies-de-espazos-transforma.html 

Un saúdo.
MIMI.

Obradoiro de ilustración na Biblioteca Pública

Este xoves día 2, en horario de tarde, podedes participar nun obradoiro de ilustración no que se elaborará "a personaxe da biblioteca" para este ano 2017. 

Na ficha que se repartíu no cole tedes algunha pista para ir pensando e aportar as vosas ideas.

ANIMÁDEVOS A PARTICIPAR!! 

Un saúdo.

MIMI.

ESPECIES DE ESPAZOS

 O alumnado de 5º e 6º curso tomou boa nota do que aprendeu nesta visita e coas súas aportacións ofrécennos abundante información no seu blog. 

Podedes acceder premendo no enlace a continuación:

http://amorruibaltercerciclo.blogspot.com.es/2016/12/especies-de-espazos.html

Sheila compartíu con nós o vídeo-presentación con que ilustrou a visita:

Moitísimas grazas Sheila polo teu entusiasmo e 

por transmitirnos esa sensibilidade por coidar e dar valor "ao noso".

Un saúdo.

MIMI

Visita á exposición "Especies de espazos"

A pasada semana o alumnado  de 3º, 4º, 5º e 6º cursos de Primaria acudíu ao Centro Cívico de Barro, antigo edificio do concello, para visitar a exposición fotográfica que alí estaba dos obradoiros realizados no mes de setembro dentro do proxecto "Especies de espazos".

Alí estaba Sheila García Prado, artífice deste proxecto, agardando por nós para contarnos como xurdíu esta idea, o seu desenvolvemento e finalmente a realización dos obradoiros.

Ofrecemos un vídeo-resumo fotográfico da nosa visita e agardamos que vos guste tanto como a nós esta iniciativa que nos pareceu moi interesante.

Un saúdo.
MIMI.