CORRIDA DO GALO 2023

Hoxe remataron no patio escolar as xornadas de demostración da Corrida do Galo dirixidas ao alumnado de 3º, 4º, 5º e 6º de Primaria e organizadas polo Concello de Barro ao través da OMIX coa colaboración do CEIP Amor Ruibal.

Pili Álvarez, encargada da OMIX, explicou ao alumnado a orixe e normas deste xogo tradicional co que dá comezo a programación do Entroido de Barro en todas as parroquias.

Aínda que conserva o mesmo nome, actualmente substitúese o galo por laranxas bravas, ensartadas en varas anudadas por vimbios. As persoas xogadoras teñen que bater nelas cos ollos tapados ata lograr tiralas todas. Soamente se pode facer un intento de cada vez e gaña a persoa que tire a última das laranxas. O premio é un galo de curral vivo mais, no seu lugar, a rapazada participante no colexio recibiu unhas chuches deliciosas.

É un divertimento fantástico que foi moi importante até o século XIX, de aí o seu valor cultural e a razón pola que o goberno local tenta recuperala de novo para gozo e desfrute da veciñanza.

 

Moitísimos Parabéns!!!

 

Moitísimas Grazas!!!

ENTROIDO 2023: 3º MANDADO DE MIMI

 Mandado de MIMI cumprido neste día con grandísima alegría!

Graciñas mil, familias,

polo voso incansable apoio!!!

ENTROIDO 2023: 2º MANDADO DE MIMI

Que ben cumpriron as nosas nenas e nenos o segundo mandado de MIMI!

Moitísimas grazas, familias, pola vosa implicación!!!

 

 

 

 

 

 

 

 

ENTROIDO 2023: 1º MANDADO DE MIMI

Hoxe arrancou no CEIP Amor Ruibal a celebración do Entroido que vén marcado, un ano máis, polos mandados de MIMI, a mascota da nosa Biblioteca.

Como ben podedes ver, o mandado deste martes foi cumprimentado con moi boas artes.

Moitísimas grazas, familias, pola vosa colaboración!!!

A PAZ ESTÁ NAS NOSAS MANS

Hoxe, 30 de xaneiro, conmemórase o Día Internacional da Non Violencia e da Paz máis o Día da Ilustración. Con tal motivo, desenvolvemos no centro diversas actividades de investigación, lectoescritura, oralidade, musicais e plásticas sobre o tema, utilizando recursos e soportes variados, coa creación e recreación de poemas, cancións, lemas, bailes, carteis e murais ilustrados con símbolos pacíficos.

"Verdade que sería estupendo

que as espadas foran un pau da baralla.

Que o escudo, unha moeda portuguesa

e un tanque, unha xerra grande de cervexa [...]"

(canción de Cómplices)

Emociónate coa radio, CEIP Amor Ruibal

Neste mes de xaneiro cumplíronse 90 anos da emisión do 1º programa de radio en Galicia. Para conmemorar esta data xurde o Proxecto Radioemociónate, idea de Si Radio de Galicia e a Asociación Ondiñas de Radio, apoiada pola Consellería de Cultura, Educación, Formación Profesional e Universidades da Xunta de Galicia.

No mes de novembro puidemos coñecer máis sobre este Proxecto coa magnífica exposición que estivo montada na Biblioteca do noso centro.

Nesas datas tamén se realizou a gravación do programa de radio na Biblioteca do noso centro e no que participou alumnado de 6º curso de Infantil e de 6º curso de Primaria.

Contamos ademais con varias colaboracións:

1. Xosé Manuel F. Abraldes, alcalde de Barro.
2. Pilar Álvarez, responsable da OMIX de Barro.
3. Pedro Torres, director da Banda de Música Xuvenil de Barro.
4. José Mª Tobío, xerente do Grupo de Desenvolvemento Rural de Pontevedra e Morrazo.

A continuación, podedes escoitar o noso programa en Spotify:

Ou tamén podedes acceder ao noso programa e outros do mesmo Proxecto premendo no seguinte enlace:  Radioemociónate - CEIP Amor Ruibal

Moitísimas grazas por ofrecernos a participación 

nesta iniciativa tan interesante!!!

Moitísimas grazas a todas as persoas colaboradoras!!!

RECICLAMOS CON PILABOT

Esta semana comezamos, un curso máis, a nosa participación no concurso PILABOT, de pilas, baterías e acumuladores, convocado pola Xunta de Galicia xunto a Ecopilas, Ecolec e ERP.

O concurso vai dirixido ao alumnado de Primaria (o alumnado de Infantil non pode traer pilas nas súas mochilas), mais animamos a participar a toda a comunidade educativa no proxecto co fin de preservar o noso fermoso medioambiente.

 

Moitísimas grazas!!!