Blog dos Equipos de Biblioteca e de Dinamización da Lingua Galega do CEIP Amor Ruibal. San Antoniño, Perdecanai. 36194 - BARRO (Pontevedra - Galicia)
Para celebrar o Día de Rosalía que terá lugar o 23 de febreiro, día do seu nacemento, desenvolvemos ao longo desta semana unha morea de actividades de investigación, lectoescritura, oralidade, plásticas e musicais.
Este ano creamos dous grandes murais colaborativos coas aportacións de todo o alumnado do centro, tomando como referencia á polifacética artista xaponesa Yayoi Kusama e imitando a súa característica obra chea de lunares.
Quedaron moi lucidos!
Moitísimas grazas pola vosa colaboración!
O noso alumnado degustou na mañá do venres unhas peras que estaban a mar de deliciosas, cortesía, unha vez máis, da ANPA Amor Ruibal.
Moitísimas grazas!!!
Moitísimos Parabéns pola iniciativa!!!
Nos últimos anos ás nenas e aos nenos gústanos celebrar, cada vez máis, esta data. No cole decidimos conmemorala decorando unhas fermosas palabras que teñen que ver co amor dende todos os eidos: familia, amizade, compañeirismo...contorna en xeral. (Queremos agradecer o uso deste material á profe Inma da páxina de Instagram a Profe Inne.)
No marco da conmemoración do Día da Muller e a Nena na Ciencia que ten lugar cada ano o 11 de febreiro, hoxe visitou a Biblioteca do noso centro Celtia Figueiras para impartir unhas intensas e interesantísimas sesións de contacontos a todo o alumnado de Infantil e Primaria baixo o título: "Inventoras, mentes curiosas". Esta actividade está promovida polos Servizos Sociais do Concello de Barro e forma parte do Programa do Pacto de Estado pola Igualdade.
Nesta actividade a rapazada coñeceu moitos inventos de grande utilidade para a vida diaria así como ás súas inventoras, moitas veces descoñecidas ou esquecidas. Tamén tiveron a oportunidade de pensar en inventos que crearían ou mellorarían, e abofé que apareceron ideas moi interesantes.
Defende o teu dereito a pensar,
porque pensar de xeito erróneo é mellor que non pensar!
(Hipatia de Alejandría)
Unha gozosa e moi instructiva mañá!
Moitísimas grazas!
Ao longo desta semana, para conmemorar o Día da Paz e o Día da Ilustración (ambos o día 30 de xaneiro) todo o alumnado desenvolveu actividades moi variadas de investigación, lectoescritura, musicais e plásticas que lles permitiron reflexionar sobre os valores da non violencia, o amor, a solidariedade, a cooperación, o compañeirismo e non a discriminación ou o egoísmo. Todos eles valores e actitudes que debemos ter en conta para resolver conflitos e acadar unha convivencia pacífica.
Este ano, e dado que o noso PDI é "Cine de Barro" empregamos curtametraxes, películas e videoclips para desenvolver o noso traballo. Podedes miralos a continuación premendo nos títulos:
El erizo (Infantil, 1º e 2º de EP)
For the birds Os paxaros (1º, 2º, 3º e 4º de EP)
The bridge A ponte ( 3º e 4º de EP)
A Joy Story: Joy and Heron Unha historia "feliz": Joy e a garza (3º e 4º de EP)
O neno do pixama de raias. (5º de EP)
Are you lost in the world like me? Estás perdido no mundo coma mín? (6º de EP)
Velaquí o resultado do traballo realizado, variados e vistosísimos murais cheos de fermosas palabras froito das nosas reflexións.
O Concello de Barro vén de publicar a resolución do XXIV Concurso de Postais de Nadal, que contou cunha grandísima e boísima participación.
As postais gañadoras de alumnado do noso centro son:
Categoría B - 1º e 2º de Primaria:
Finalista: Manuel Núñez Pérez (2º B)
Categoría C - 3º e 4º de Primaria:
Categoría D - 5º e 6º de Primaria:
Categoría G (equipo):
Gañadora: Erik Ademar Cores Velo (4º A) e Ana Mª Velo (nai)
Finalista: Daniela García Cochón e Lucía López Fojo (6º A )
Moitísimos Parabéns!!!
Moitísimas grazas a todas as persoas participantes!!!
A entrega de agasallos terá lugar despois da Cabalgata de Reis, o día 5 de xaneiro na Nave da Música.
MOI BOAS FESTAS!!!
FELIZ ANINOVO 2025!!!
O último día de clase deste ano 2024, quixemos celebralo cunha festa especial. Reunímonos todos no ximnasio do centro provistos de "gusanitos" para retransmitir as 12 badaladas e dar a benvida ao ano 2025.
A continuación, o alumnado de infantil cantou unha panxoliña que acabamos coreando e bailando xuntos dando paso así a unha sesión de Baile fin de ano.
Con este bonita imaxe do ambiente da entrada do noso centro, que foi preparado con moitísimo esmero e ilusión durante estas ultimas semanas por alumnado e profesorado de diversas aulas de Infantil e Primaria queremos desexarvos ...
Moi felices festas!!
Feliz Ano 2025!!
Esta semana, Papá Noel visitou as aulas do noso centro e detívose especialmente nas aulas de infantil onde entregou ás nosas crianzas uns bonitos agasallos.
Menuda sorpresa e alegría levaron!!!
Moitísimas grazas!!!
Nova convocatoria do tradicional Concurso de Postais de Nadal do Concello de Barro e no que colaboramos cada ano.
PRAZO: A data límite de entrega será o luns, 16 de decembro de 2024.
CATEGORÍAS:
PARTICIPANTES:
Cada participante poderá entregar un máximo de dúas postais.
PRESENTACIÓN: (No formato facilitado polo Concello)
Bases completas no tablón de anuncios da sede electrónica do Concello de Barro:
XXIV Concurso de Postais de Nadal 2024_Concello de Barro
Animádevos a participar!
