Blog dos Equipos de Biblioteca e de Dinamización da Lingua Galega do CEIP Amor Ruibal. San Antoniño, Perdecanai. 36194 - BARRO (Pontevedra - Galicia)
O pasado sábado 21 de outubro celebrouse o Día Internacional da Mazá. Con tal motivo, a ANPA do CEIP Amor Ruibal repartiu saborosas mazás entre o noso alumnado. Un xesto xeneroso, co obxectivo claro de fomentar entre as nosas nenas e nenos unha alimentación saudable.
Moitísimas grazas pola vosa inestimable colaboración!!!
Neste mes de outubro iníciase o Proxecto de Prevención das Condutas Adictivas no que o concello de Barro participa desde o ano 2013, xunto con outros da contorna (Campo Lameiro, Cuntis, Moraña e Portas), a través dun convenio de colaboración e co cofinanciamento da Consellería de Sanidade.
Ao longo deste curso escolar, realizaranse no CEIP Amor Ruibal obradoiros e actividades de prevención das condutas adictivas nos que se traballarán os hábitos saudables, habilidades sociais, habilidades de rexeitamento, autoestima, intelixencia emocional... así como os riscos asociados ao uso das novas tecnoloxías e ao consumo de tabaco, alcol e outras drogas.
Estas actividades serán reforzadas con obradoiros destinados ás familias e con diversas campañas de información e sensibilización para a prevención de adiccións e a promoción de hábitos de vida saudables.
Un proxecto imprescindible!!!
Mmmmmmm...!!!
Que boísimas estaban as mandarinas
que merendamos hoxe!!!
Moitísimas grazas á ANPA Ceip Amor Ruibal polo convite!!!
Moitísimos Parabéns pola iniciativa!!!
Mens sana in corpore sano
Moito gozaron hoxe as nosas nenas e nenos de Primaria cos fantásticos concertos didácticos ofrecidos por integrantes da EMBA (Escola de Música de Barro), baixo a maxistral guía de Pedro Torres, director da Banda de Música Xuvenil de Barro.
Alumnado e ex alumnado do noso centro participou nas xeniais interpretacións de coñecidos temas musicais, que o director intercalou sabiamente con animadas explicacións das familias instrumentais.
Como premio á fantástica participación do público, que demostrou unha vez máis saber estar en silencio e escoitar con moita atención, o alumnado tivo a oportunidade marabillosa de probar os instrumentos que quixeron. Pena que non houbera máis tempo para facelo, porque a experiencia foi un exitazo.
Pasámolo xenial!!!
Bravissimo!!!
Moito talento musical hai en Barro!!!
Gozosa e fermosísima actividade na que participamos mestras, familias e alumnado para dotar aos nosos patios de espazos verdes que aportarán frescor, colorido e novas zonas de xogo e interacción.
Moitísimas grazas á ANPA e ao Colectivo Espazo 16 (Especies de Espazos) por esta interesante e revitalizadora iniciativa así como a todas as persoas colaboradoras.
Volvemos ás aulas con moita ilusión neste inicio de curso 2023- 24 e atopámonos con algunha sorpresiña nos patios de lecer, actuacións que segue promovendo a ANPA no noso cole.
Este fantástico mural interactivo co alfabeto en lingua de signos, creación da ilustradora Ana Seoane, ocupa a parede lateral do ximnasio. Seredes quen de adiviñar a mensaxe secreta?
Instaláronse tamén nos patios de Infantil e 1º nivel de Primaria estas fermosas cociñas, robustas e ben xeitosas, como novos recantos simbólicos.
Moitísimos parabéns!!!
Moitísimas grazas!!!
Boa andaina no novo curso!!!