OBRADOIROS DE PREVENCIÓN. ESCOLA E FAMILIA

Xa están en marcha as actividades do Proxecto de Prevención das Condutas Adictivas no que o Concello de Barro participa desde o ano 2013, xunto con outros da contorna (Campo Lameiro, Cuntis, Moraña e Portas) contando cun convenio de cofinanciamento da Consellería de Sanidade.

 

Para complementar as actividades preventivas que se levan acabo no centro escolar (hábitos saudables, habilidades sociais, habilidades de rexeitamento, de autoestima, intelixencia emocional, riscos e mitos TRICs, mitos e riscos drogas, etc.), dende o Proxecto de prevención de Barro facilítase material preventivo para poñer a disposición das familias. Con el, e seguindo pautas breves e sinxelas, poderedes mellorar a vosa competencia preventiva, favorecendo a promoción da saúde e a prevención de riscos psicosociais asociados á xuventude (condutas violentas, consumo drogas, abuso TRIC).

 

MATERIAIS INTERACTIVOS:

• DECÁLOGO INTERACTIVO: 10 consellos para mellorar a relación cos fillos e fillas. 

Genially: 10 consellos para mellorar a relación cos fillos e fillas

• PAUTAS FAMILIARES: Contribuir ao desenvolvemento saudable dos fillos e fillas. 

Parentalidade positiva: Pautas para familias

• PREVENCIÓN CONDUTAS DE RISCO EN ADOLESCENTES: Comportamentos violentos, fracaso escolar, consumo de drogas, alteracións da alimentación, sexualidade e abuso de tecnoloxías. 

UNAF: Condutas de risco en adolescentes

XOGOS EN FAMILIA: 

• FAMILIAS: Xogo para mellorar o clima e convivencia familiar. 

Xogo: Competencias persoais e sociais

• ROLEANDO EN FAMILIA: Xogo para a mellora das relacións familiares e a prevención das condutas de risco na adolescencia. 

Xogo: Roleando en familia 

Nesta liña, ao longo deste curso escolar ofertaranse, dende o Proxecto de prevención das condutas adictivas, en colaboración co noso centro e coa ANPA Obradoiros presenciais e en liña destinados ás familias, cos que fomentar o papel preventivo da familia, como principal axente de socialización.

Para finalizar, incluímos os datos de contacto do Departamento de prevención das condutas adictivas de Barro, ao que pode recurrir de forma gratuíta e confidencial calquer familia ou persoa que necesite asesoramento, orientación e/ou tratamento relacionado coas condutas adictivas.

 

Contacto Servizo de prevención das condutas adictivas: 

Dirección: Centro Ocupacional “A Ran”, Cuntis.

Teléfono: 986 59 59 22 (Horario de 9:00 a 14:30h)

E-mail: prevenciondrogodependencias@concellodecuntis.es

Blog:www.prevenciondrogodependencias2020.blogspot.com   

Servizos prestados:
Asesoramento sobre tratamentos de deshabituación de drogas, derivación centros asistenciais. Asesoramento sobre tratamentos das adiccións sen substancias (abuso TRIC, xogos de azar), derivación centros asistenciais. Tratamento para deixar de fumar (individual e grupal). Asesoramento familiar sobre a prevención das condutas adictivas dende a familia (prevención consumo de drogas, abuso das TRIC e uso/adicción a xogos de azar).

Un proxecto moi necesario e 

interesante para toda a comunidade!

3D, DÍA DAS PERSONAS CON DISCAPACIDADE

Como cada ano, o 3 de Decembro conmemora o Día Internacional das persoas con Discapacidade, coñecido tamén como Día da Diversidade Funcional.

 

Este ano confeccionamos un mural colaborativo a partir do conto "Diferentes no voo, pero co mismo dereito a voar", un dos recursos propostos no cartaz elaborado para esta data que inclúe ademais  curtametraxes e recomendacións lectoras moi diversas para todas as idades.

3D_Día da Diversidade de Cole de Barro

25N 2024

 Na mañá de hoxe, autoridades municipais e comunidades educativas do CEIP Amor Ruibal e da EEI de Curro reunímonos diante do edificio do Concello para reivindicar e rexeitar o fin de todo tipo de violencia contra as mulleres. 

Este ano fixémolo ao son da canción "Cruel filosofía" da Banda da Loba e Tomé Mouriño que está composta a partir de tres poemas da autora homenaxeada nas Letras Galegas, Luisa Villalta.

 Cruel filosofía: florecer nas espiñas!

Nas últimas semanas desenvolvéronse diversas actividades de concienciación e reflexión sobre a violencia contra as mulleres e ademais participamos no Concurso convocado polo Concello de deseño de logo e lema para a conmemoración do 25N.

 

 

O deseño gañador é resultado da fusión do logo e dous lemas, traballos presentados por dous equipos da aula de 5ºA de Primaria, integrados por Mateo Corredoira, Mauro Fontán, Sara Landín, Sheila Rivas, Teo Orge, Fiz Rea, Leo Torres e Lucas Vila.

 Este ano o xurado decideu conceder ademais tres accesits a outras tres obras:

- Iván Gago de 6º A

- O equipo formado por Candela Buceta e Gabriel Coya de 6ºA

- Obra colectiva do alumnado de 6ºB de Primaria.

 Moitísimos parabéns a todos e todas!!

Como agasallo pola nosa participación, todo o alumnado e profesorado dos dous centros recibimos unha mochila co logo e lema conmemorativo.

Moitísimas grazas a todas as persoas e entidades colaboradoras!

Graciñas especiais ao alumnado de 6º de Primaria que serviron de guía para todas as persoas asistentes.

ACTO CONMEMORATIVO 25N

 

APETITOSAS MAZÁS

Moitísimas grazas á ANPA do CEIP Amor Ruibal polas apetitosas mazás coas que agasallaron a todo o alumnado do noso centro.

Mens sana in corpore sano

Moitísimos Parabéns pola iniciativa!!!

O NOSO MAGOSTO

 Na soleada mañá do pasado venres, tivo lugar a celebración do Magosto.

Unha intensísima xornada chea de xogos distribuidos por todo o patio ademais do ximnasio e das aulas de inglés e música, e na que o alumnado de Infantil e de Primaria participou con moito gozo e ilusión.

Podedes seguir o percorrido que fixeron nesta mostra fotográfica:

Durante a "Hora de ler" fixemos unha gran roda no patio para cantar "O noso magosto" e a continuación degustamos unhas saborosísimas castañas asadas con moito agarimo para todos e todas nós.

Moitísimas grazas familias pola vosa colaboración!

Moitísimas grazas ás familias que asaron as castañas!

SEMANA DA BIBLIOTECA E SAMAÍN

 Un ano máis o 24 de outubro celebramos o Día da Biblioteca poñendo en marcha o servizo de préstamo da nosa Biblioteca e iniciando así a programación de actividades de cada curso escolar.

Unha exposición de libros de medo, curtametraxes terroríficas durante os recreos e Hora de Ler, e ambientación de aulas e corredores foron algunhas das actividades destes días.

 

Na soleada mañá de hoxe, reunímonos no patio de Infantil durante a Hora de Ler para celebrar o Samaín. Lucindo magníficos e terroríficos disfraces, alumnado e profesorado de infantil e Primaria, interpretamos dúa cancións:

• Samaín de Jesús Pareja e Andrea Picos.
• Halloween Stomp! de The singing walrus.

 

 

 

 

Moitísimas grazas a todos e todas!

Happy Halloween!

Feliz Samaín! 

 

VISITAMOS A BIBLIOTECA PÚBLICA

 Esta semana visitamos a Biblioteca Pública de Barro para celebrar o Día das Bibliotecas.

Alí agardaban con moito agarimo e ilusión un avó e varias avoas para compartir con  todos e todas nós uns contacontos e interesantísimas experiencias de vida.

O alumnado máis cativo colaborou na preparación dun caldiño coloreando saborosísimas verduras que logo depositou nunha pota. Os nenos e as nenas de 2º e 3º ciclo de Primaria participaron tamén nunha enquisa da OMIX para coñecer un pouquiño mellor os gustos e preferencias culturais e deportivas da cativada.

 

 

 

 

 

Moitísimas grazas por continuar esta iniciativa igual de entrañable que interesante!!

 

DELICIOSAS MANDARINAS

Todas as nenas e nenos do colexio merendamos hoxe mandarinas, servidas pola ANPA Amor Ruibal.

Estaban deliciosas!!!

Moitísimas grazas!!!

BIBLIOTECA ESCOLAR, A ESCENA!

Comeza outubro, mes de celebración para as Bibliotecas, e presentamos o cartaz que acompañará ás Bibliotecas Escolares de Galicia neste curso escolar, obra da ilustradora e muralista Xoana Almar.

 

Segundo ela explica "Representa unha obra teatral do poema de Xoana Torres "Eu tamén navegar", no que Penélope ( da Odisea) deixa o tapiz que traballa e desfai, e sae a vivir aventuras. Despois ao regreso remata o tapiz engadíndolle novos elmentos da súa viaxe (o tapiz que está detrás da nena que está a ler a obra teatral)" 

PENÉLOPE
DECLARA o oráculo:

   «QUE á banda do solpor é mar de mortos,
   incerta, última luz, non terás medo.

   QUE ramos de loureiro erguen rapazas.
   QUE cor malva se decide o acio.

   QUE acades disas patrias a vindima.
   QUE amaine o vento, beberás o viño.

   QUE sereas sen voz a vela embaten.
   QUE un sumario de xerfa polos cons.”

Así falou Penélope:

   “Existe a maxia e pode ser de todos.
   ¿A que tanto novelo e tanta historia?

   EU TAMÉN NAVEGAR.»
 
Torres, Xohana (1992). Tempo de ría. Espiral Maior