Os contos que contan, 2015.

Un ano máis os Concellos de Barro e Portas veñen de convocar o popular concurso de contos "Cóntame un conto veciño".
Desde a biblioteca do cole animamos a toda a comunidade educativa a participar. Recordade que o plazo de entrega remata o luns, 27 de Abril.
Si premedes na imaxe, podedes acceder ás bases da convocatoria.

Cartaz do concurso.

Un saúdo.
MIMI.

Recitamos os nosos poemas.

Celebramos, como cada 21 de marzo, o Día da Poesía lendo os poemas que elaboramos para participar no Concurso de Micropoemas Terras do Umia. Ao ser festivo, adiantamos a data e fixemos a lectura o mércores 18 e o xoves 19 durante a hora de ler.
Un saúdo.
MIMI.

Martín fai lectura do seu poema aos compañeiros.

Laura le o seu poema ante os compañeiros.

21 de marzo, Día da Poesía.

Este ano para celebrar o día da poesía queremos compartir con vós este recurso que nos introduce un fermoso poema de José de Espronceda que nos fala sobre a vida pirata.

Xogade e aprendédeo.

Un saudo.
MIMI.

Once upon a time... ou... Había unha vez ...

Un dos traballos de ciencias do 3º nivel, partíu dunha nova no xornal. A investigación sobre o lanzamento e aterraxe no cometa 67-P da sonda espacial Roseta e o robot Philae.
Hoxe ofrecemos dous videos de animación elaborados pola Axencia Espacial Europea (ESA), responsable do proxecto.

Preparándose para a aterraxe no cometa:




A aterraxe no cometa:


Un saúdo.
MIMI.

Mulleres na Historia.

Co gallo do día da muller traballadora ofrecémosvos este LIM feito por Belén Junquera para aprender e saber máis da interesante vida e oficios dalgunhas mulleres que fixeron historia. Descubre cal delas foi unha intrépida pirata.

Premede no seguinte enlace:

http://actividadeslim.blogspot.com.es/2013/03/8-de-marzo-mulleres-que-fixeron-historia.html

Un saúdo.
MIMI.

Entroido Pirata.

Como sabedes, o tema do entroido deste curso está recollido dentro do proxecto "Piratas" e como non ía ser doutro xeito esta foi a temática do entroido deste ano.
Remitimos aos blogs de cada ciclo para que vexades as fotografías que fixeron en cada aula cos seus disfraces así como algúns traballos relacionados con este proxecto e que irán aparecendo ao longo do trimestre.
Aquí vos queremos amosar o video no que recollemos os "Mandados de MIMI" e como resultou a festa.

Un saúdo.
MIMI.

Os piratas da biblio.

 
Tal e como nos contaron!!

Na biblioteca do cole apareceron uns piratas!


Din que son "pacíficos", "amigables"
pero ámbolos dous levan sables.

Tódalas aulas quixemos participar
e algún obxecto ou peza de roupa
deseñamos para lles levar.

Mirade que chulísimos quedaron!



Se premedes nos enlaces que hai a continuación, iredes mirando as distintas actividades que subimos aos diferentes  blogs dos ciclos.

Educación Infantil.
1º Ciclo Primaria.
2º Ciclo Primaria. 
3º Ciclo Primaria.
Sección Bilingüe. 

Un saúdo.
MIMI.

Contacontos na biblioteca.....

Damos inicio ao noso proxecto de lectoescritura. Esta vez con unha sesión de contacontos na biblioteca do centro. A nosa contacontos estaba agardando por nós para sorprendernos cunha historia de piratas e algo máis ...

Despois de adiviñar o uso que terían os tecidos que nos amosou... unha faixa, unha bandana e un parche, deu comenzo a historia : 

"O pirata Pata de Lata" escrito por Oli e ilustrado por Ramón Trigo.

Decoramos uns marcapáxinas coa imaxe do loro Simeón que nos quedaron moi chulos.

Por último, cada grupo de clase,tivemos que decidir que prenda nos gustaría deseñar e crear para uns piratas que nos virían visitar...

      
Un saúdo.
MIMI.

"Cs Piratas"

Este é o tema do Proxecto que traballamos no cole este segundo trimestre.
" O pirata Pata de Lata" escrito por Oli e ilustrado por Ramón Trigo na editorial Kalandraka, é o libro que servirá de partida para levar adiante o proxecto de lectoescritura e outros de investigación ao longo de todo este trimestre.
Pouco a pouco iremos engadindo o resultado das tarefas realizadas.

Cuberta do libro, edición 1998

Un saúdo.
MIMI.

DÍA DA PAZ

O 30 de xaneiro celébrase o Día Escolar da Paz e non Violencia. Para esta conmemoración neste ano 2015 decidimos traballar en todas as aulas do noso centro coa letra e música dunha cantiga de Magín Blanco titulada "Rumba das apertas". No canto de aprender a versión íntegra, empregamos unha versión adaptada que todos finalmente bailamos no ximnasio.
A continuación podedes acceder ao vídeo resumo das nosas actividades.
Un saúdo.
MIMI.