ARCO DA VELLA PACÍFICO

Lembrades o arco da vella que montamos o Día da Paz entre todos e todas?

https://oblogdemimi.blogspot.com/2020/01/dia-da-paz-2020.html

Canto sentido ten na actualidade, verdade?

ARCOS DA VELLA SOLIDARIOS

Nova entrega de arcos da vella solidarios. Moitísimas grazas!!!

Lembrade envialos ao correo ceipbarro@gmail.com para poder compartilos.

Moitísimo ánimo, artistas!!!

#euquedonacasa

ORELLAS DE BOLBORETA

Propoñemos hoxe un novo conto... agardamos que o gocedes.

Proposta de actividades:

Este é un conto para falar, sobre todo. Para compartir, para reflexionar sobre as emocións e os sentimentos propios e alleos; para tratar de mover o noso centro un pouquiño e achegalo ao centro dos outros. Naturalmente, isto implica que as persoas adultas tamén teñen que facer ese mesmo esforzo.

1. Xogamos a poñer os zapatos de outra persoa (a actividade por si soa xa é unha festa) Despois podemos:  A) Falar da experiencia: era fácil, difícil, que cousas podía facer e que cousas non, etc
   B) Tratar de levar a experiencia un puntiño máis alá: “Se os zapatos de mamá me convertesen en mamá/papá, que podería/tería/debería que facer cando...? “ (P ex. “cando quero comer pasteliños a todas as horas”)
   C) O mesmo, dándolle a volta: “E se papá/mamá se convertesen en min, que poderían/ terían/deberían facer?”
2. Facemos a Mara cun cartón (podemos usar un folio e pegalo nunha caixa de galletas para darlle consistencia) , decorámola como nos guste e pegámoslle un pauciño ou unha palliña por detrás. Temos unha personaxe coa que podemos representar o conto e falar sobre os contidos: Como cres que se sinte? Que farías ti se lle pasara a unha amiga túa? Como poderías axudar?
3. Debuxamos moitas bolboretas e escribimos nelas palabras ou frases curtas que pui-desen servir de alento para Mara.
4. Facemos un debuxo de nós mesmos e falamos con papá e mamá: Que é o que máis che gusta de ti? Cales son os teus talentos, as cousas que fas moi ben? Que cousas son as que che custan máis?

Un saúdo

#euquedonacasa 

ARCO DA VELLA SOLIDARIO

Circula desde hai uns días pola rede unha iniciativa popular que nos parece moi alentadora para peques e maiores e que queremos promover desde aquí . 

Consiste en elaborar carteis con materiais que teñamos na casa reflectindo algunha mensaxe de ánimo para afrontar esta situación.

A idea xurdiu en Italia, onde colgaron dos balcóns e fiestras vistosos  arcos da vella coas mensaxes "Todo vai saír ben" e/ou "Eu quedo na casa".

Algunhas mestras propuxeron xa esta actividade e temos os primeiros resultados:

Animádevos e enviade as vosas creacións a : ceipbarro@gmail.com e así poder compartilas.

Moito ánimo artistas!!!

#euquedonacasa

CONTO: "LOS 10 FANTASMITAS"

Ofrecemos hoxe este conto para traballar numeración cos máis pequenos e pequenas da casa. As demais poden acompañar a lectura seguindo tamén as propostas de actividades que a partir del recomendamos.

LOS 10 FANTASMITAS by Amor_Ruibal on Scribd

PROPOSTA DE ACTIVIDADES PARA DESPOIS DO CONTO “10 FANTASMITAS”

• Inventar novas historias cos fantasmas como protagonistas.
• Facer debuxos inspirados no conto.
• Contar cara adiante e cara atrás, usando o apoio da cadea numérica do final ou as diferentes páxinas.
• Debuxar, pintar ou decorar, recortar o castelo e os fantasmas. Se temos un número grande de fantasmas (papá e mamá tamén poden axudar), poderiamos usalos para distintos xogos:

1.  Tiramos un dado e collemos tantos fantasmas como puntos saian (os máis grandes poden mesmo usar dous dados e facer a suma)
2.  Separamos un pequeno número e preguntamos cantos nos farían falta para completar os 10, p ex
3.  Poñémoslle un número na barriga a cada fantasma e ordenámolos de maior a menor e viceversa (ata 10, ata 20,... , segundo as posibilidades de cada neno ou nena)
4.  Seleccionamos só tres ou catro fantasmas que non sexan consecutivos para repetir o exercicio anterior
5.  Collemos dous ao azar e dicimos cal ten o número máis alto/máis baixo
6.  Facemos parellas de fantasmas que estean pintados ou decorados igual e xogamos ao xogo da memoria.

• Construír un precioso castelo 3D con caixas de cartón, botellas de plástico, etc que vai servir para infinidade de outros xogos 

Na rede atopades exemplos de manualidades, e ... as familias xa demostrastes noutras ocasións as vosas habilidades. Animádevos!

Un saúdo

 #euquedonacasa

REFRÁNS CON EMOTICONAS

Seguindo o fío do tema do Salón do Libro de Pontevedra "O humor" e empregando as emoticonas dun WhatsApp que estes días circula pola internet, ímosvos propoñer un xogo didáctico para combatir eses momentos de "aburrimento" que poidamos ter estes días.

Vale tamén para xogar en familia!!

#euquedonacasa

Son refráns para adiviñar. Recordade que un refrán é unha frase curta de forma fixa coa que se expresa un pensamento popular baseado na experiencia, polo xeral con rima e de sentido figurado.

Cando voltemos ás clases, faremos un circuito polo cole con estes e outros refráns.

Animádesvos?

Facede unha lista e entregádelle as respostas ás vosas titoras ou titor cando todo volva á normalidade.

Eu empezo:

1. Cada maestrillo tiene su librillo.

2...

3...

Quen segue?

RECURSOS NA REDE

Ao longo desta semana o profesorado estivo traballando na elaboración dun repositorio de recursos dixitais para ofrecer ao alumnado.

Non está completo, queda traballo por facer, pero adiantamos xa o panel base deste repositorio desde o que poderedes acceder aos distintos apartados do mesmo.

Na zona superior sombreada enlaza con paneis similares a este (que seguiremos completando) que conteñen:

• Recursos educativos e Apps (Tamén específicas de alumnado de NEAE )
• Arte e Música
• Cine e Lectura
• English
• Traballos Manuais e Deporte/Baile
• Xogos interactivos (Das distintas áreas curriculares e de desenvolvemento das Competencias)

Completan este panel outros recursos e aplicacións educativas.

Agardamos vos sexan de utilidade.

Ánimo a todos e todas!

#euquedonacasa


 

HORARIO CORENTENA

O mestre Manuel Velasco publicou o domingo pasado a seguinte imaxe no seu blog "Ayuda para maestros". Na fotografía vemos o horario establecido na súa casa para esta corentena elaborado de xeito moi creativo ademais de conter actividades moi variadas.

A nós pareceunos unha boa idea de onde partir para a elaboración dos horarios ou da vosa rutina de tarefas para estas semanas na casa. Fixemos algunha adaptación pensando en alumnado de diferentes idades e propoñemos algo así:

Animádevos a planificar, deseñar e crear en familia vistosos horarios e sacádelle proveito a estes días en compañía das vosas pequenas e pequenos artistas!!!

Na páxina web do centro están colgadas as tarefas curriculares que suxiren as mestras de cada nivel ou ciclo para esta semana.

Aquí vos deixamos o enlace:

https://www.edu.xunta.gal/centros/ceipamorruibal/?q=node/118#attachments

(Os documentos están nos "adxuntos")

Engadiremos tamén propostas máis xerais, de desenvolvemento competencial, cun repositorio de recursos variados - en elaboración-

Moito ánimo a todos e a todas!!!

#euquedonacasa

 

XX + 1 SALÓN DO LIBRO

Hoxe ás 18:00 h bota a andar unha nova edición do Salón do Libro Infantil e Xuvenil de Pontevedra. Nas vindeiras semanas poderemos gozar dunha chea de actividades e obradoiros relacionados cos libros e a lectura.

https://www.salondolibro.gal/programacion-2020/

O tema deste ano é "O humor" e o  traballo do noso centro xa está nas salas da exposición. É un libro recompilatorio de refráns e ditos no que representamos de forma gráfica o seu significado literal.

Esta semana, antes de entregalo, o alumnado participante pasou pola Biblioteca do centro para retratarse co traballo.

O resultado gustounos moitísimo!! 

Parabéns, artistas!!

DÍA DE ROSALÍA 2020

Este ano sumámonos á iniciativa da Fundación Rosalía para homenaxear á nosa autora máis universal cun "Caldo de Gloria", inspirado no poema "Miña casiña, meu lar" de Follas Novas, a partir dun díptico no que recollemos o poema completo máis un glosario aclaratorio e puntos de lectura con estrofas escollidas.

Ademais, na Biblioteca, xuntámonos arredor dun pote galego para recitar e ler textos rosalianos.

Unha auténtica gozada!!!