Blog dos Equipos de Biblioteca e de Dinamización da Lingua Galega do CEIP Amor Ruibal. San Antoniño, Perdecanai. 36194 - BARRO (Pontevedra - Galicia)
No marco da conmemoración do Día do libro, todo o alumnado de Infantil e Primaria participou nas actividades que para a ocasión organizaron na Biblioteca Pública de Barro.
Contacontos, xogos de pistas con manexo de información, ademais de entretidos xogos fixeron as delicias do noso alumnado ao longo desta semana.
Moitísimas grazas!
O noso alumnado degustou hoxe saborosas laranxas, repartidas pola ANPA Amor Ruibal con motivo do Día da Laranxa.
Moitísimas grazas!
O mércores recibimos unha visita mooooi especial, a de xogadores e xogadoras de baloncesto en cadeira de rodas do Club Iberconsa Amfiv de Vigo.
Despois dunha breve exposición para coñecer as normas deste deporte e saber un pouquiño sobre as vivencias e motivacións destes e destas deportistas, gozamos moitísimo cunha exhibicióndo seu xogo. A continuación, parte do alumnado puido probar o deporte dunha maneira máis práctica.
Viva a inclusión, tamén no deporte!
Moitísimas grazas!
O alumnado de 4º, 5º e 6º de Primaria recibíu este luns, a visita da Fundación Pho3nix Kids da que o triatleta Javier Gómez Noya é padriño e embaixador.
O obxectivo da fundación é o de promocionar a diversión e o beneficio do exercicio físico entre a cativada, por esa razón realizaron varias probas físicas durante a xornada.
Moitísimas grazas!!
O Concello de Barro, a través da OMIX e Biblioteca Pública, ven de convocar un ano máis o tradicional concurso "As verbas que Contan" no marco da celebración das Letras Galegas 2024.
Podedes participar presentando na Biblioteca do noso centro, un conto e/ou poema (haiku, caligrama ou acróstico) con data límite o 3 de maio.
Para consultar as bases do certame podedes picar AQUÍ.
AGARDAMOS AS VOSAS CREACIÓNS!!
ÁNIMO ARTISTAS!!
O 7 de abril conmemoramos cada ano o Día Mundial da Saúde. Este ano a Organización Mundial da Saúde (OMS) centra as reivindicacións no lema "A MIÑA SAÚDE, O MEU DEREITO" como forma de sensibilizar á poboación sobre a ameaza para a saúde que supoñen os conflitos bélicos.
Julia Búa, responsable do proxecto, anímavos a participar no xogo "Canto sabes sobre a saúde?" baseado no famoso e televisivo programa PASAPALABRA, co que poder reflexionar e recordar hábitos e estilos de vida saudables tamén en familia.
Para conmemorar a Semana da Prensa, realizáronse nas sesións de Educación Física, diversos xogos con xornais:
Animádevos a participar!!!
Feliz día da Muller!!!
Para a conmemoración do Día de Rosalía este ano 2024 reflexionamos nas aulas sobre a emigración. Por esa razón pedimos colaboración ás familias do centro aportando algunha fotografía de familiares que emigraron ( no pasado ou actualmente) indicando ademais o parentesco e o lugar onde estiveron. Cada aula investigou coas imaxes e información recibida e colocáronse a continuación no cartaz para completar ao retrato da ilustre poeta.
Como curiosidades as familias aportaron tamén unha carta escrita desde Montevideo, un visado para visitar a un familiar e unha maleta de madeira de cerdeira feita polo bisavó dunha alumna.
Ao mesmo tempo traballamos o poema "Adios ríos, adios fontes" do que elaboramos unha versión con pictogramas para acompañar o noso cartaz. Completou a decoración un fermoso marco de margaridas decoradas e as letras que formaron o rótulo tamén en alusión a Rosalía.
Quedou fermosísimo!
Moitísimas grazas pola colaboración!